ନୂଆଦିଲ୍ଲୀ – ହାଥରସରେ ସତସଙ୍ଗ ପରେ ଦଳାଚକଟାରେ ୧୨୧ ଲୋକଙ୍କ ମୃତ୍ୟୁରେ , ଚର୍ଚ୍ଚାକୁ ଆସିଥିବା ସୂରଜପାଲ ଜାଟଭ ଓରଫ ନାରାୟଣ ସାକାର ହରି ଓରଫ ଭୋଲେ ବାବାଙ୍କ ଆଡ଼ମ୍ୱରପୂର୍ଣ୍ଣ ଜୀବନ ସହ ଜଡ଼ିତ କଥା, ଏବେ ଧିରେ ଧିରେ ସାମନାକୁ ଆସୁଛି। କିଛି ତ ପୁଲିସକୁ ଯାଞ୍ଚରେ ଜଣାପଡ଼ିଥିବା ବେଳେ ଆଉ କିଛି ବାବାଙ୍କ ସହ ଜଡ଼ିତ ଓ ପ୍ରଭାବିତ ରହିଥିବା ଲୋକେ କହୁଛନ୍ତି। ସୂରଜପାଲ ଜାଟଭଙ୍କ ସୁରକ୍ଷା ବିଷୟରେ ପୁଲିସର ଯାଞ୍ଚରେ ଜଣାପଡ଼ିଛି କି, ବାବା ଚାରିପଟୁ ସୁରକ୍ଷା ଘେରରେ ରହିଛନ୍ତି। ଏଥିରେ ୩ଟି ସୁରକ୍ଷା ଦଳରେ ପୁରୁଷ ହିଁ ରହିଛନ୍ତି, ଯାହାକୁ ଅଲଗା ଅଲଗା ସେନାର ନାଁ ଦିଆଯାଇଛି। ୪ର୍ଥ ସୁରକ୍ଷା ଟିମ୍ ମହିଳାଙ୍କୁ ନେଇ ଗଠିତ ହୋଇଛି , ଏହାକୁ ଗୋପିକା ୟୁନିଟ୍ କୁହାଯାଏ। ସବୁଠୁ ମଜାଦାର କଥା ହେଲା କି, ଭୋଲେ ବାବାଙ୍କର ପ୍ରତି ସେନାର ଡ୍ରେସ୍ ଓ କାମ ଅଲଗା ଅଲଗା ପ୍ରକାରର।
ବାବା ଯେଉଁ ଆଶ୍ରମରେ ରହିଥାନ୍ତି , ତାଙ୍କ ରୁମ୍କୁ କେବଳ ସେହି ୭ ଜଣ ବ୍ୟକ୍ତି ଯାଆନ୍ତି। ଇଏ ସେହି ୭ ଜଣ ବ୍ୟକ୍ତି , ଯିଏ ବାବାଙ୍କ ସହ ଆରମ୍ଭରୁ ସଂପୃକ୍ତ ଅଛନ୍ତି। ଏଥିରେ ଭରସାଯୋଗ୍ୟ ସେବିକା ଓ ସେବାଦାର ସାମିଲ ଅଛନ୍ତି। ବାବା ଯେବେ ଲୋକଙ୍କ ସାମନାକୁ ଆସନ୍ତି ବା କୌଣସି କାର୍ଯ୍ୟକ୍ରମକୁ ଯାଆନ୍ତି ତ ତାଙ୍କର ସୁରକ୍ଷାରେ ୪ଟି ବ୍ୟକ୍ତିଗତ ସେନା ସକ୍ରିୟ ହୋଇଯାଏ । ବାବା ଆଶ୍ରମରେ ରହିଲେ ମଧ୍ୟ ଏହି ସେନା ଗୁଡ଼ିକୁ ସୁରକ୍ଷା ଅନୁଯାୟୀ ନିଜର କାମ କରିବାକୁ ହୋଇଥାଏ। ବାବା ଯେବେ ସାର୍ବଜନିକ ଦର୍ଶନରେ ଥାଆନ୍ତି ତ ତାଙ୍କୁ ଚାରିପଟୁ ମହିଳାଙ୍କର ଏକ ସେନା ଘେରି ରହିଥାଏ। ଗୋପିକା ୟୁନିଟ୍ ନାମକ ଏହି ସେନାର ଏକ ମହତ୍ତ୍ୱପୂର୍ଣ୍ଣ କାମ , ଦର୍ଶନ ପାଇଁ ଆସିଥିବା ଲୋକେ କୌଣିସି ପ୍ରକାରରେ ବାବାଙ୍କ ଫଟୋ କି ଭିଡ଼ିଓ ସୁଟ୍ କି ପାରିବେ ନାହିଁ । ଗୋପିକା ୟୁନିଟ୍ର ମହିଳମାନେ କେନ୍ଦ୍ରୀୟ ସୁରକ୍ଷାବାହିନୀର ବର୍ଦି ଭଳି ଡ୍ରେସ୍ରେ ରହିଥାନ୍ତି।
ବାବାଙ୍କ ସତସଙ୍ଗ ଭଳି କାର୍ଯ୍ୟକ୍ରମ ଯେବେ ହୋଇଥାଏ , ତ ବାବାଙ୍କ ନାରାୟଣୀ ସେନା , ହରିବାହକ ସେନା ଓ ଗରୁଡ ଯୋଦ୍ଧା ସେନା ସକ୍ରିୟ ହୋଇଯାଏ। ନାରାୟଣୀ ସେନାର ଏକ ଭାଗରେ ୫୦ଜଣ ସୁରକ୍ଷା ଗାର୍ଡ ଥାନ୍ତି , ଯିଏକି ହାଲକା ଗୋଲାପୀ ରଙ୍ଗର ପୋଷାକ ବା ବର୍ଦିରେ ଥାନ୍ତି। ନାରାୟଣୀ ସେନାର ଅନେକ ଭାଗ ଅଛି , ଯାହାକି ଆଶ୍ରମରୁ ନେଇ ସତସଙ୍ଗ ଭଳି କାର୍ଯ୍ୟକ୍ରମର ବ୍ୟବସ୍ଥା ଓ ସୁରକ୍ଷାର ଦାୟିତ୍ୱ ନିର୍ବାହ କରିଥାନ୍ତି। ଏହି ସେନା ପାଥରେ ଆୟୋଜନର ରାସ୍ତା ଠାରୁ ନେଇ ଭିଡ଼ ଯାଏ ବ୍ୟବସ୍ଥାକୁ ବୁଝିବା କାମ ଥାଏ। ଦ୍ୱିତୀୟ ସେନା ହରିବାହକ ସେନା ଯାହାର ଗୋଟିଏ ଭାଗରେ ୨୫ ଜଣ ଲୋକ ଥାନ୍ତି। ଏହା ବାବାଙ୍କ ଯିବା ଆସିବା ରାସ୍ତାରେ ସୁରକ୍ଷାର ତଦାରଖ କରିଥାନ୍ତି।
ଗରୁଡ ଯୋଦ୍ଧା ସେନାରେ ୨୦ ଜଣ ଲୋକ ହୋଇଥାନ୍ତି , ଯିଏ ଭୋଲେ ବାବାଙ୍କ କାଫିଲେରେ ଚାଲନ୍ତି। ଭାରତୀୟ ସୁରକ୍ଷା ବାହିନୀର ବ୍ଲାକ୍ କ୍ୟାଟ୍ କମାଣ୍ଡୋ ଭଳି ପୋଷାକ ପିନ୍ଧି ଥିବା ଗରୁଡ ଯୋଦ୍ଧା ଟିମ୍ର ସୁରକ୍ଷା ଗାର୍ଡ ବାବାଙ୍କ ପ୍ରକୃତ ବଡ଼ିଗାର୍ଡ , ଯିଏ ଆଶ୍ରମ ଠାରୁ ନେଇ କାର୍ଯ୍ୟକ୍ରମ ଯାଏ ବାବାଙ୍କୁ ସୁରକ୍ଷା ଯୋଗାଇଥାନ୍ତି।
ପୁଲିସକୁ ଯାଞ୍ଚରେ ସୁରାକ୍ ମିଳିଛି କି , ବାବାଙ୍କର ସେନା ଗୁଡ଼ିକୁ ଟ୍ରେନିଂ ଦେବାରେ ୟୁପି ପୁଲିସର ସେବାରେ ଥିବା ଓ ଅବସର ପ୍ରାପ୍ତ ପୁଲିସ ଅଧିକାରୀ ମଧ୍ୟ ସାମିଲ ଅଛନ୍ତି । ଯେଉଁ ପୁଲିସ କର୍ମଚାରୀ ଚାକିରିରେ ଅଛନ୍ତି , ସେମାନେ ଛୁଟି ନେଇ ବାବାଙ୍କ ସେନାକୁ ଟ୍ରେନିଂ ଦେଇଥାନ୍ତି ଏବଂ ସତସଙ୍ଗ ଭଳି ବଡ଼ କାର୍ଯ୍ୟକ୍ରମରେ ବ୍ୟବସ୍ଥାକୁ ବୁଝିବାରେ ସେବା ଦେଇଥାନ୍ତି । ପୁଲିସ ତାଙ୍କର ବି ଯାଞ୍ଚ କରୁଛନ୍ତି।