ପ୍ରମୂଖ ଖବର
  • ପୁରୀ : ବାଲୁକା ଆନିମେସନରେ ପଦ୍ମଶ୍ରୀ ମନୋଜ କୁମାରଙ୍କୁ ଶ୍ରଦ୍ଧାଞ୍ଜଳି ଦେଲେ ମାନସ ସାହୁ
  • ||
  • ଶ୍ରୀମନ୍ଦିରରେ ମହାପ୍ରଭୁଙ୍କ ଶ୍ରୀରାମ ଜନ୍ମ ନୀତି, ରବିବାର ୫ ଘଣ୍ଟା ବନ୍ଦ ରହିବ ସର୍ବସାଧାରଣ ଦର୍ଶନ
  • ||
  • ପଞ୍ଚଭୂତରେ ଲୀନ ମନୋଜ କୁମାରଙ୍କ ପାର୍ଥିବ ଶରୀର, ଲୁହ ଭିଜା ଆଖିରେ ବିଦାୟ ଦେଲା ବଲିଉଡ଼
  • ||
  • ନାରାୟଣପୁର ଜଙ୍ଗଲରେ ଲ୍ୟାଣ୍ଡମାଇନ ବିସ୍ଫୋରଣ: ଜଣେ ମୃତ, ଜଣେ ଆହତ
  • ||
  • IPL 2025: ଆଜି ରାଜସ୍ଥାନ ରୟାଲ୍ସକୁ ଭେଟିବ ପଞ୍ଜାବ କିଙ୍ଗ୍‌ସ, ସାମ୍ନା ସାମ୍ନି ହେବେ ଶ୍ରେୟାସ- ସାମସନ
  • ||
  • ମାଲକାନଗିରି : ସୁକୁମାରେ ଲାଲ୍‌ ବାହିନୀକୁ ମିଳିଲା ବଡ଼ ସଫଳତା, ୪ ହାର୍ଡକାେର୍‌ ମାଓବାଦୀଙ୍କ ଆତ୍ମସମର୍ପଣ
  • ||
  • ଭଦ୍ରକ : ଟ୍ରକ୍‌ ପଛରେ ପିଟିହେଲା ବାଇକ୍‌: ଜଣେ ମୃତ, ଜଣେ ଗୁରୁତର
  • ||
  • ବାଲେଶ୍ୱର : ଶ୍ରୀଜଙ୍ଗ ଗୋପାଳପୁର ରୋଡ୍‌ରେ ଗୁଣ୍ଡାରାଜ୍, ଖଣ୍ଡାରେ ହାଣି ବାଇକ୍‌ ସହ ଟଙ୍କା ଲୁଟିନେଲେ ଦୁର୍ବୃତ୍ତ
  • ||
  • ଚଣ୍ଡିଖୋଲ : ଲୁଟ୍‌ ପାଇଁ ଆସି ମାଆଙ୍କୁ ହତ୍ୟା କଲେ ଦୁର୍ବୃତ୍ତ, ଝିଅ ଗୁରୁତର
  • ||
  • ଶନିବାର ପବିତ୍ର ଅଶୋକାଷ୍ଟମୀ, ରଥାରୂଢ଼ ହେବେ ଶ୍ରୀଲିଙ୍ଗରାଜ,ସାଢେ ୩ଟାରେ ରୁକୁଣା ରଥ ଟଣା
  • ||
  • ଆସନ୍ତା ୧୦ ତାରିଖ ଯାଏ ରାଜ୍ୟରେ ହାଲୁକା ବର୍ଷ ସମ୍ଭାବନା, ଆଜି ୮ ଜିଲ୍ଲାକୁ ୟେଲୋ ୱାର୍ଣ୍ଣିଂ ଜାରି
  • ||

IPL ଇତିହାସରେ ପ୍ରଥମ, ଅଧିନାୟକ ଭାବେ ୫ ୱିକେଟ ନେଲେ ହାର୍ଦ୍ଦିକ ପାଣ୍ଡ୍ୟା

Published By : Ankita S | April 5, 2025 9:54 AM

ନୂଆଦିଲ୍ଲୀ,୦୫/୦୪: ମ୍ୟାଚ ହାରିଲେ ହେଲେ କୀର୍ତ୍ତିମାନ ସ୍ଥାପନ କରିଛନ୍ତି । ଚଳିତ ଆଇପିଏଲରେ ଦଳର ତୃତୀୟ ପରାଜୟ ହୋଇଛି । ହେଲେ ନୂଆ ରେକର୍ଡ଼ କରିଛନ୍ତି ମୁମ୍ବାଇ ଇଣ୍ଡିଆନ୍ସ ଅଧିନାୟକ ହାର୍ଦ୍ଦିକ ପାଣ୍ଡ୍ୟା । ଆଇପିଏଲ ଇତିହାସରେ ପ୍ରଥମ ଅଧିନାୟକ ଭାବେ ୫ଟି ୱିକେଟ ନେବାରେ ସଫଳ ହୋଇଛନ୍ତି ହାର୍ଦ୍ଦିକ ।

ଇଣ୍ଡିଆନ ପ୍ରିମିୟର ଲିଗ୍ ସିଜନ ୧୮ରେ ଘରୋଇ ଲକ୍ଷ୍ନୌ ସୁପରଜାଏଣ୍ଟସ ବିପକ୍ଷରେ ଶୁକ୍ରବାର ମୁମ୍ବାଇ ଇଣ୍ଡିଆନ୍ସର ଏକ ମ୍ୟାଚ ଥିଲା ।ଏଥିରେ ଅଧିନାୟକ ହାର୍ଦ୍ଦିକ ପାଣ୍ଡ୍ୟା ଏକ ରେକର୍ଡ଼ ନିଜ ନାମରେ ଲେଖାଇଛନ୍ତି । ସେ ଆଇପିଏଲ୍‌ରେ ପ୍ରଥମ ଅଧିନାୟକ ଭାବେ ୫ ୱିକେଟ୍‌ ନେଇ ଇତିହାସ ରଚିଛନ୍ତି । ଲକ୍ଷ୍ନୌ ବିପକ୍ଷରେ ପାଣ୍ଡ୍ୟା ଘାତକ ସାବ୍ୟସ୍ତ ହୋଇଥିଲେ । ସେ ୪ ଓଭର ବୋଲିଂ କରି ୩୬ରନ୍‌ ପ୍ରଦାନ କରିଥିଲେ । ସୁପରଜାଏଣ୍ଟ୍‌ସର ଆଡେନ ମାରକ୍ରମ, ନିକୋଲାସ  ପୂରନ, ରିଷଭ ପନ୍ତ, ଡେଭିଡ୍‌ ମିଲର ଏବଂ ଆକାଶ ଦୀପ୍‌ଙ୍କ ୱିକେଟ୍‌ ଅକ୍ତିଆର କରିଥିଲେ ।

ଅଧିକ ପଢ଼ନ୍ତୁ...ମୁମ୍ବାଇ ପାଖରୁ ମ୍ୟାଚ୍‌ ଛଡ଼ାଇ ଆଣିଲା ଲକ୍ଷ୍ନୌ, ୧୨ ରନ୍‌ରେ ଜିତିଲା ଏଲଏସ୍‌ଜି

ଟି-ଟ୍ୱେଣ୍ଟି ଫର୍ମାଟ କ୍ରିକେଟରେ ଏହା ତାଙ୍କର ଶ୍ରେଷ୍ଠ  ପ୍ରଦର୍ଶନ ରହିଥିଲା । ପୂର୍ବରୁ ସେ ୨୦୨୩ରେ  ନ୍ୟୁଜିଲାଣ୍ଡ ବିପକ୍ଷ ଟି-ଟ୍ୱେଣ୍ଟିରେ୧୬ରନ୍‌ ଦେଇ  ୪ଟି ୱିକେଟ୍‌ ହାସଲ କରିଥିଲେ । ଆଇପିଏଲ୍‌ ଅଧିନାୟକ ଭାବେ ସେନ୍‌ ୱାର୍ଣ୍ଣଙ୍କ ନାମରେ ସର୍ବାଧିକ ୱିକେଟ୍‌ ରେକର୍ଡ଼  ରହିଛି । ସେ ମୋଟ ୫୭ଟି ୱିକେଟ୍‌ ନେଇଥିଲେ । ପାଣ୍ଡ୍ୟା ୩୦ ୱିକେଟ୍‌ ସହ ଦ୍ୱିତୀୟ, ଅନିଲ କୁମ୍ବଲେ ୩୦ ୱିକେଟ୍‌ ସହ ତୃତୀୟ, ରବିଚନ୍ଦ୍ରନ ଅଶ୍ୱିନ ୨୫ ୱିକେଟ୍‌ ସହ ଚତୁର୍ଥ ଏବଂ ପ୍ୟାଟ୍‌ କମିନ୍ସ ୨୧ ୱିକେଟ୍‌ ସହ ପଞ୍ଚମ ସ୍ଥାନରେ ରହିଛନ୍ତି ।

ଶୁକ୍ରବାର ଲକ୍ଷ୍ନୌ ସୁପରଜାଏଣ୍ଟସ ଓ ମୁମ୍ବାଇ ଇଣ୍ଡିଆନ୍ସ ମଧ୍ୟରେ ଏକ ମ୍ୟାଚ ଖେଳାଯାଇଥିଲା । ଏଥିରେ ପ୍ରଥମେ ବ୍ୟାଟିଂ କରି ଋଷବ ପନ୍ତଙ୍କ ନେତୃତ୍ୱାଧୀନ ଲକ୍ଷ୍ନୌ ୨୦୩ ରନ କରିଥିଲା । ୨୦୪ ରନ୍‌ର ଟାର୍ଗେଟ୍ ପିଛା କରି ଫେଲ୍ ମାରିଥିଲା ପାଣ୍ଡ୍ୟା ସେନା । ୧୯୧ରନ କରିବାରେ ସକ୍ଷମ ହୋଇଥିଲା । ୧୨ରନରେ ବିଜୟୀ ହୋଇଥିଲା ଲକ୍ଷ୍ନୌ । ଚଳିତ ସିଜନରେ ଏହା ମୁମ୍ବାଇର ତୃତୀୟ ପରାଜୟ ।

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.