ମୁମ୍ବାଇ, ୫/୪ :   ଦିଲ୍ଲୀ କ୍ୟାପିଟାଲ୍ସ ଚେନ୍ନାଇ ସୁପର କିଙ୍ଗ୍ସକୁ ଶନିବାର ବିଜୟ ଲାଗି ୧୮୪ରନର ଲକ୍ଷ୍ୟ ଦେଇଛି । କେଏଲ ରାହୁଲ ଆଇପିଏଲ ୨୦୨୫ର ୧୭ତମ ମ୍ୟାଚରେ ଅର୍ଦ୍ଧ ଶତକ ଲଗାଇଛନ୍ତି । ଭେଟରାନ ଖେଳାଳୀ ମହେନ୍ଦ୍ର ସିଂହ ଧୋନୀଙ୍କ ପରିବାର ଚେନ୍ନାଇ ଏବଂ ଦିଲ୍ଲୀ ମ୍ୟାଚ୍ ଦେଖିବାକୁ ଏମଏ ଚିଦାମ୍ବରମ ଷ୍ଟାଡିୟମରେ ପହଞ୍ଚିଛନ୍ତି । ବିଶେଷ କଥା ଏହା କି ଧୋନୀଙ୍କ ବାପା- ମା ବି ମ୍ୟାଚ୍ ଦେଖିବାକୁ ପହଞ୍ଚିଛନ୍ତି । ଏହି ଖବର ପରେ ଧୋନୀଙ୍କ ସନ୍ନ୍ୟାସ ନେବା ଖବର ଏବେ ଚର୍ଚ୍ଚାରେ ରହିଛି ।

ପ୍ରକାଶ ଯେ, ଏହା ପ୍ରଥମ ଥର ଅଟେ କି ଧୋନୀଙ୍କ ବାପା ପାନ ସିଂହ ଧୋନୀ ମ୍ୟାଚ୍ ଦେଖିବାକୁ ପହଞ୍ଚିଛନ୍ତି । ଏହି କାରଣରୁ ଧୋନୀଙ୍କ ସନ୍ନ୍ୟାସର ଚର୍ଚ୍ଚା ହେଉଛି । ମାତ୍ର ଏହାକୁ ନେଇ କୌଣସି ପ୍ରକାରର ଅଫିସିଆଲ ସୂଚନା ମିଳିପାରିନାହିଁ । ଧୋନଙ୍କ ବାପା- ମାଙ୍କ ସହ ତାଙ୍କ ଓ୍ବାଇଫ୍ ସାକ୍ଷୀ ଧୋନୀଙ୍କ ମ୍ୟାଚ୍ ଦେଖିବାକୁ ପହଞ୍ଚିଛନ୍ତି । ଚେନ୍ନାଇ ସୁପର କିଙ୍ଗ୍ସ ଧୋନୀ ପରିବାରର ଫଟୋ ଏକ୍ସରେ ସେୟାର କରିଛି ।