ନୂଆଦିଲ୍ଲୀ, ୨୬/୧୨ : ଭାରତୀୟ କ୍ରିକେଟ୍ ଫ୍ୟାନ୍ସଙ୍କ ପାଇଁ ଖୁସି ଖବର । ପ୍ରକାଶ ଯେ, ଭାରତୀୟ ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ପ୍ରାୟ ଏକ ବର୍ଷ ପରେ ଓ୍ବାନଡେ ଫର୍ମାଟରେ ଫେରୁଛନ୍ତି । ଏହାପୂର୍ବରୁ ଏହି ଫର୍ମାଟରେ ଭାରତ ଲାଗି ଶେଷ ଥର ଓ୍ବାନଡେ ବିଶ୍ବକପ ୨୦୨୩ରେ ବାଂଲାଦେଶ ବିପକ୍ଷରେ ଖେଳିଥିଲେ । କିନ୍ତୁ ଏହାପରେ ସେ ଲଗାତର ଓ୍ବାନଡେ ଫର୍ମାଟରୁ ଦୂରେଇ ଥିଲେ । ମାତ୍ର ଟି-୨୦ ଫର୍ମାଟରେ ହାର୍ଦ୍ଦିକ ପାଣ୍ଡ୍ୟା ଖେଳୁଥିଲେ। କିନ୍ତୁ ଲମ୍ବା ସମୟ ପରେ ଓ୍ବାନଡେ ଫର୍ମାଟରେ ଫେରିବେ । ଏଭଳି କୁହାଯାଉଛି କି ବିଜୟ ହଜାରେ ଟ୍ରଫି ହାର୍ଦ୍ଦିକ ପାଣ୍ଡ୍ୟା ବରୋଦା ଲାଗି ଖେଳୁଥିବା ନଜର ଆସିପାରନ୍ତି ।
ମାତ୍ର ବିଜୟ ହଜାରେ ଟ୍ରଫି ପୂର୍ବରୁ ୩ମ୍ୟାଚରେ ହାର୍ଦ୍ଦିକ ପାଣ୍ଡ୍ୟା ବ୍ୟକ୍ତିଗତ କାରଣରୁ ବରୋଦା ଟିମର ଭାଗିଦାରୀ ନ ଥିଲେ । କିନ୍ତୁ ବଙ୍ଗଳା ବିପକ୍ଷ ଆଗାମୀ ମ୍ୟାଚରେ ସେ ଖେଳୁଥିବା ନଜର ଆସିବେ । ବରୋଦା ଏବଂ ବଙ୍ଗଳାର ଟିମ୍ ୨୮ଡିସେମ୍ବରରେ ଖେଳିବେ । ଉଭୟ ଟିମ୍ ମଧ୍ୟରେ ମୁକାବିଲା ହାଇଦ୍ରାବାଦରେ ଖେଳାଯିବ । ଗତଦିନରେ ସାଉଥ ଆଫ୍ରିକା ବିପକ୍ଷ ସିରିଜରେ ହାର୍ଦ୍ଦିକ ପାଣ୍ଡ୍ୟା ନଜର ଆସିଥିଲେ । ଏହାପରେ ସୟଦ ମୁସ୍ତାକ ଅଲୀ ଟ୍ରଫିରେ ହାର୍ଦ୍ଦିକ ପାଣ୍ଡ୍ୟା ଜବରଦସ୍ତ ଫର୍ମରେ ଥିଲେ । ଏହି ଟୁର୍ଣ୍ଣାମେଣ୍ଟର ୭ମ୍ୟାଚରେ ହାର୍ଦ୍ଦିକ ପାଣ୍ଡ୍ୟା ପ୍ରାୟ ୧୯୪ର ଷ୍ଟ୍ରାଇକ ରେଟରେ ୨୪୬ରନ୍ କରିଥିଲେ ।
