ନୂଆଦିଲ୍ଲୀ,୨୭/୧୨ : ଭାରତ ଓ ଅଷ୍ଟ୍ରେଲିଆ ମଧ୍ୟରେ ବର୍ଡର-ଗାଭାସ୍କର ଟ୍ରଫି ସିରିଜର ଚତୁର୍ଥ ଟେଷ୍ଟ ମେଲବର୍ଣ୍ଣରେ ଖେଳାଯାଉଛି । ପ୍ରଥମ ଇନିଂସରେ ଘରୋଇ ଅଷ୍ଟ୍ରେଲିଆ ରନର ପାହାଡ ଛିଡା କରିଛି । ୪୭୪ରନ କରି ଅଲଆଉଟ ହୋଇଛି ଦଳ । ଷ୍ଟିଭ ସ୍ମିଥ ଦମଦାର ଶତକ ହାସଲ କରିଛନ୍ତି । ୧୯୭ ବଲରେ ୧୪୦ ରନ କରିଛନ୍ତି । ଭାରତ ପକ୍ଷରୁ ଯଶପ୍ରୀତ ବୁମରା ୪ ଓ ରବୀନ୍ଦ୍ର ଜାଡେଜା ୩ଟି ଲେଖାଏଁ ୱିକେଟ ହାସଲ କରିଛନ୍ତି ।

ଦ୍ବିତୀୟ ଦିନ ଖେଳ ଆରମ୍ଭ ହୋଇଥିଲା । ଅପରାଜିତ ଥିବା ଷ୍ଟିଭ ଓ ସ୍ମିଥ ଦଳୀୟ ସ୍କୋରକୁ ଆଗକୁ ନେଇଥିଲେ । ଦମଦାର ଶତକ ହାସଲ କରିଛନ୍ତି ଷ୍ଟିଭ ସ୍ମିଥ୍ । ୧୯୭ ବଲରେ ୧୪୦ ରନ କରିଛନ୍ତି । ଲଗାତାର ଦ୍ବିତୀୟ ମ୍ୟାଚ ସହ ଭାରତ ବିପକ୍ଷରେ ଏହା ତାଙ୍କର ୧୧ତମ ଶତକ । ଟେଷ୍ଟ କ୍ୟାରିୟରରେ ଏହା ୩୪ତମ ଶତକ । ୧୦୪ତମ ଓଭରରେ ପାଟ୍ କମିନ୍ସ ୪୯ ରନ କରି ଜାଡେଜାଙ୍କ ବଲରେ ପାଭିଲିୟନ ଫେରିଥିଲେ । ଏହାପରେ ମିଚେଲ ଷ୍ଟାର୍କ ୧୫ ରନ କରି ଜାଡେଜାଙ୍କ ବଲରେ ଆଉଟ ହୋଇଥିଲେ । ଏହା ପରେ ଆକାଶ ଦୀପଙ୍କ ବଲରେ ସ୍ମିଥ ୧୪୦ ରନ କରି ଆଉଟ ହୋଇଥିଲେ । ନାଥନ ଲାୟନ ୧୩ ରନ କରି ବୁମରାଙ୍କ ବଲରେ ଆଉଟ ହୋଇଥିଲେ । ୪୭୪ ରନ କରି ଅଲଆଉଟ ହୋଇଥିଲା ଅଷ୍ଟ୍ରେଲିଆ ।

Innings Break!

Australia are all out for 474 runs.

4/99 - Jasprit Bumrah
3/78 - Ravindra Jadeja

Scorecard - https://t.co/MAHyB0FTsR… #AUSvIND pic.twitter.com/IHyCweNUV1

— BCCI (@BCCI) December 27, 2024

ମେଲବର୍ଣ୍ଣ ଟେଷ୍ଟରେ ଟସ୍ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିଲା ଅଷ୍ଟ୍ରେଲିଆ । ଘରୋଇ ଦଳ ପ୍ରାରମ୍ଭରୁ ସଂଘର୍ଷ କରିଥିଲା । ପଦାର୍ପଣ କରିଥିବା କନଷ୍ଟାସ କ୍ରିଜରେ ଫିଟ୍ ହେବା ପରେ ଭାରତୀୟ ବୋଲରଙ୍କ ଲୟ ବିଗାଡି ଦେଇଥିଲେ । ପଦାର୍ପଣ ମ୍ୟାଚ ଖେଳୁଥିବା କନଷ୍ଟାସ ୬୫ ବଲ ଖେଳି ୬୦ରନ କରିଥିଲେ । ଖ୍ବାଜା ଓ କନଷ୍ଟାସ ଯୋଡି ପ୍ରଥମ ୱିକେଟରେ ଦଳ ୮୯ରନ କରିଥିଲା । ୨୦ତମ ଓଭରରେ ଏହି ଯୋଡିକୁ ଭାଙ୍ଗିଥିଲେ ରବୀନ୍ଦ୍ର ଜାଡେଜା । କନଷ୍ଟାସ ୬୦ରନ କରି ଆଉଟ ହୋଇଥିଲା । ଉସମାନ ଖ୍ବାଜା ୫୭ରନ କରି ବୁମରାଙ୍କ ଶିକାର ହୋଇଥିଲେ । ଲାବୁସାନା ୭୨ ରନ କରି ୱାଶିଂଟନ ସୁନ୍ଦରଙ୍କ ବଲରେ ଆଉଟ ହୋଇଥିଲେ । ମାର୍ଶ ୪ରନ କରି ବୁମରାଙ୍କ ବଲରେ ଆଉଟ ହୋଇଥିବା ବେଳେ କ୍ୟାରୀ (୩୧) ଆକାଶ ଦୀପଙ୍କ ଶିକାର ହୋଇଥିଲେ । ପ୍ରଥମ ଇନିଂସର ପ୍ରଥମ ଦିନରେ ଅଷ୍ଟ୍ରେଲିଆ ୬ ୱିକେଟ ହରାଇ ୩୧୧ ରନ କରିଥିଲା । ବୁମରା ୩ ୱିକେଟ ହାସଲ କରିଥିଲେ ।