ବାରଣାସୀ – ବାରଣାସୀରେ କାଶୀ ବିଶ୍ୱନାଥ ମନ୍ଦିରର ନିକଟରେ ଥିବା ଜ୍ଞାନବ୍ୟାପୀ ମସଜିଦ ପରିସରର ହେବ ସର୍ଭେ। ଶୁକ୍ରବାର ବାରଣାସୀ କୋର୍ଟ ଏଏସଆଇ ସର୍ଭେ ନେଇ ମଞ୍ଜୁରୀ ପ୍ରଦାନ କରିଛନ୍ତି । ଉକ୍ତ ମାମଲାରେ କେବଳ ବିବାଦୀୟ ସ୍ଥଳୀକୁ ଛାଡି଼ ଜ୍ଞାନବ୍ୟାପୀର ଅନ୍ୟ ପରିସରର ଏଏସଆଇ ସର୍ଭେ କରିବାକୁ ହିନ୍ଦୁ ପକ୍ଷଙ୍କ ଦ୍ୱାରା ପିଟିସନ ଦାଏର ହୋଇଥିଲା ।
ଏହା ପୂର୍ବରୁ ଶିବଲିଙ୍ଗର ବୈଜ୍ଞାନିକ ସର୍ବେକ୍ଷଣର ଆଦେଶ ଉପରେ ସୁପ୍ରିମକୋର୍ଟ ଆଗାମୀ ଶୁଣାଣି ଯାଏ ରୋକ୍ ଲଗେଇ ସାରିଛନ୍ତି। ଏହି ସ୍ଥିତିରେ ଶିବଲଙ୍ଗ ଥିବା ସ୍ଥାନ ଅର୍ଥାତ୍ ବିବାଦୀୟ ସ୍ଥାନ ବ୍ୟତୀତ ଅନ୍ୟ ସବୁ ସ୍ଥାନର ସର୍ଭେ କରାଯାଇପାରେ। ଜିଲ୍ଲା ଜଜ୍ ଡା. ଅଜୟ କୃଷ୍ଣ ବିଶ୍ୱେଶାଙ୍କର କୋର୍ଟ ଏହି ମାମାଲାରେ ୧୪ ଜୁଲାଇରେ ଶୁଣାଣି ଶେଷ କରି ଆଦେଶ ସୁରକ୍ଷିତ ରଖିଥିଲେ। ଜ୍ଞାନବ୍ୟାପୀ ପରିସରରେ ଥିବା କଥିତ ଶିବଲିଙ୍ଗର ହେବ କାର୍ବନ ଡେଟିଂ, ହାଇକୋର୍ଟ ଜାରି କଲେ ଆଦେଶ…
{"width":652,"height":489}
କୋର୍ଟ ଏଏସଆଇର ନିର୍ଦ୍ଦେଶକଙ୍କୁ ସର୍ବେକ୍ଷଣ ପାଇଁ ଆଦେଶ ଦେଇଛନ୍ତ। କୋର୍ଟ କହିଛନ୍ତି କି ବିନା କୌଣସି କ୍ଷତିରେ ସେମାନେ ବୈଜ୍ଞାନିକ ଉପାୟରେ ସର୍ବେକ୍ଷଣ କରାନ୍ତୁ । କୋର୍ଟ ଏଏସଆଇର ନିର୍ଦ୍ଦେଶକଙ୍କୁ ୪ ଅଗଷ୍ଟ ଯାଏ ସର୍ବେକ୍ଷଣ ପାଇଁ ଟିମ୍ ଗଠନ କରିବାକୁ ଆଦେଶ ଦେଇଛନ୍ତି । କୋର୍ଟଙ୍କ ନିଷ୍ପତ୍ତିକୁ ହିନ୍ଦୁ ପକ୍ଷ ନିଜର ବଡ଼ ବିଜୟ ଭାବେ ଦର୍ଶାଇଛନ୍ତି । କୋର୍ଟ ହିନ୍ଦୁ ପକ୍ଷର ଦଲିଲ୍କୁ ଗ୍ରହଣ କରିଛନ୍ତି ଏବଂ ମୁସଲିମ୍ ପକ୍ଷର ଅଭିଯୋଗକୁ ଖାରଜ କରି ଦେଇଛନ୍ତି।
ଜ୍ଞାନବ୍ୟାପୀ ମାମଲା: ହିନ୍ଦୁ ପକ୍ଷଙ୍କୁ ସୁପ୍ରିମକୋର୍ଟଙ୍କ ନିକଟରୁ ଆଶ୍ବସ୍ଥି
ଅନ୍ୟପଟେ ୪ ଅଗଷ୍ଟରେ ମାମଲାର ଆଗାମୀ ଶୁଣାଣି ହେବ। ସର୍ଭେ କେଉଁ ଭଳି ହେବ ଏହି ଦିନ ସ୍ଥିର ହେବ। ସର୍ଭେ ଯଦି ପ୍ରତିଦିନ ହେବ ତ ଏହାର ସମୟ ସୀମା କେତେ ରଖାଯିବ ।
