ପୁରୀ,୦୬/୦୭: ପ୍ରତିବର୍ଷ ରଥଯାତ୍ରା ପୂର୍ବ ଦିନ ଗୌଡ଼ୀୟ ବୈଷ୍ଣବମାନେ ଶ୍ରୀଗୁଣ୍ଡିଚା ମନ୍ଦିର ମାର୍ଜନା କରିଥାନ୍ତି । ପ୍ରାୟ ୫୦୦ରୁ ଉଦ୍ଧ୍ୱର୍ ବର୍ଷ ଧରି ଏହି ପରମ୍ପରା ଚାଲିଆସିଛି । ରଥଯାତ୍ରା ଆସିଲେ ଗୌଡ଼ୀୟ ବୈଷ୍ଣବମାନଙ୍କ ସହ ବଙ୍ଗୀୟ ଭକ୍ତ ଓ ଶ୍ରଦ୍ଧାଳୁ ଗୁଣ୍ଡିଚା ମନ୍ଦିର ମାର୍ଜନାରେ ସାମିଲ ହୋଇଥାନ୍ତି । ପୂର୍ବକାଳରେ ଶ୍ରୀ ଗୁଣ୍ଡିଚାମନ୍ଦିର ପରିସର ପରିତ୍ୟକ୍ତ ଅବସ୍ଥାରେ ରହୁଥିଲା । କେବଳ ରଥଯାତ୍ରା ୯ଦିନ ଚତୁର୍ଦ୍ଧାବିଗ୍ରହ ଏଠାରେ ଅବସ୍ଥାନ କରୁଥିବାରୁ ଭକ୍ତମାନେ ଦର୍ଶନ ପାଇଁ ଆସୁଥିଲେ । ମହାପ୍ରଭୁ ବିଦାୟ ନେବା ପରେ ବର୍ଷର ଅନ୍ୟଦିନ ଏଠାରେ ବାବନା ଭୂତ ରହୁଥିବା ଜନଶ୍ରୁତି ରହିଛି । ତେଣୁ ରଥଯାତ୍ରା ପୂର୍ବଦିନ ଗୁଣ୍ଡିଚା ମନ୍ଦିର ପରିସର ସହ ଚତୁଃପାଶ୍ୱର୍କୁ ଗୌଡ଼ୀୟ ବୈଷ୍ଣବ ସାଧୁସନ୍ଥ ଓ ଭକ୍ତମାନେ ଆସି ମାର୍ଜନା କରିଥାନ୍ତି । ଏଥିସହ ଗର୍ଭଗୃହ ପ୍ରଭୃତିକୁ ସଫା କରିଥାନ୍ତି । ଏହି ସଫା ହେବା ପରେ ବାବନାଭୂତ ଗୁଣ୍ଡିଚା ମନ୍ଦିରରୁ ବିଦା ହୋଇଥାଏ ବୋଲି ବିଶ୍ୱାସ ରହିଛି ।
ହରିଆଣା ବିଧାନସଭା ନିର୍ବାଚନ: ୯୦ ଆସନରେ ଭୋଟିଂ ଆରମ୍ଭ...