ବଲାଙ୍ଗୀର,୦୪/୧୦: ଭିଜିଲାନ୍ସ ଜାଲରେ ପଡ଼ିଲେ ବେଲପଡ଼ା କନିଷ୍ଠ ଯନ୍ତ୍ରୀ । ପୋଖରୀ ବିଲ୍ ପାସ୍ ପାଇଁ ମାଗିଥିଲେ ଲାଞ୍ଚ । ଟଙ୍କା ନେବା ବେଳେ ମାଡ଼ିବସିଲା ଭିଜିଲାନ୍ସ ଟିମ୍ । କନିଷ୍ଠ ଯନ୍ତ୍ରୀ ହରେକୃଷ୍ଣ ସାହୁଙ୍କ ଠାରୁ ଜବତ ହେଲା ରଙ୍ଗବୋଳା ୭ ହଜାର ଟଙ୍କା । ଅଫିସ୍ରେ କାଗଜ ପତ୍ର ଯାଞ୍ଚ କଲା ଟିମ୍ । ବଲାଙ୍ଗୀର ଜିଲ୍ଲା କନ୍ଧେନଝୁଲା ପଞ୍ଚାୟତ ସର୍ଗିମୁଣ୍ଡା ଗାଁରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ଲାଞ୍ଚ ନେଇ ଭିଜିଲାନ୍ସ ହାବୁଡ଼ରେ ପଡ଼ିଲେ ବେଲପଡା ବ୍ଲକ କନିଷ୍ଠ ଯନ୍ତ୍ରୀ ହରେକୃଷ୍ଣ ସାହୁ । କନ୍ଧେନଝୁଲା ପଞ୍ଚାୟତ ସର୍ଗିମୁଣ୍ଡା ଗାଁର ମିନିକେତନ ଚାହାରଙ୍କ ଠାରୁ ପୋଖରୀ ବିଲ୍ ପାସ୍ କରିବା ପାଇଁ ଲାଞ୍ଚ ମାଗିଥିଲେ କନିଷ୍ଠ ଯନ୍ତ୍ରୀ ହରେକୃଷ୍ଣ ସାହୁ । ଏନେଇ ପ୍ରଥମେ ମିନିକେତନ ଚାହାର ୧୫ ହଜାର ଟଙ୍କା ଲାଞ୍ଚ ଦେଇଥିଲେ । ଲାଞ୍ଚ ଦେଇ ଏହି ବିଷୟରେ ଅଭିଯୋଗ କରିଥିଲେ । ଅଭିଯୋଗ ଆଧାରରେ ପୂର୍ବରୁ ଛକି ବସିଥିଲା ଭିଜିଲାନ୍ସ ଟିମ୍ । ଦ୍ୱିତୀୟ ପର୍ଯ୍ୟାୟରେ ୭ ହଜାର ଟଙ୍କା ଦେବାକୁ ଯାଇଥିଲେ ମିନିକେତନ । ଏହି ସମୟରେ ହଠାତ୍ ଚଢାଉ କରିଥିଲା ଭିଜିଲାନ୍ସ ଟିମ୍ । ଚଢାଉ କରି କନିଷ୍ଠ ଯନ୍ତ୍ରୀଙ୍କ ଠାରୁ ଜବତ କଲା ରଙ୍ଗବୋଳା ୭ ହଜାର ଟଙ୍କା । ପରେ ତାଙ୍କ ଅଫିସରେ ଥିବା ସମସ୍ତ କାଗଜପତ୍ର ଯାଞ୍ଚ କରିଥିଲା ଭିଜିଲାନ୍ସ ଟିମ୍ । ଏହା ସହ କନିଷ୍ଠ ଯନ୍ତ୍ରୀଙ୍କୁ ଅଟକ ରଖି ପଚରାଉଚରା କରୁଛି ଭିଜିଲାନ୍ସ ଟିମ୍ ।
