ବଲାଙ୍ଗିର,୧୩/୧୨: ଭାରସାମ୍ୟ ହରାଇ ଦୁର୍ଘଟଣାଗ୍ରସ୍ତ ହେଲା ବାଇକ୍ । ଚାଲିଗଲା ଦୁଇ ଜଣଙ୍କ ଜୀବନ । ମୃତକ ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ଥାନା ଅନ୍ତର୍ଗତ ତମାମୁରା ଗ୍ରାମର ଅଭି ସୁନା ଓ ଅମିତ ସାହୁ ବୋଲି ଜଣା ପଡ଼ିଛି । ବଲାଙ୍ଗିର ଜିଲ୍ଲା ସାଲେଭଟା ଅଙ୍ଗନଦୀ ବ୍ରିଜ୍ରେ ଏଭଳି ଦୁର୍ଘଟଣା ଘଟିଛି ।
ସୂଚନା ମୁତାବକ, ୨ ଜଣ ଯୁବକ ବାଇକ୍ ଯୋଗେ ଯାଉଥିବା ବେଳେ ସାଲେଭଟା ଅଙ୍ଗନଦୀ ବ୍ରିଜ୍ରେ ଦୁର୍ଘଟଣାଟି ଘଟିଥିଲା । ଭାରସାମ୍ୟ ହରାଇ ଏହି ଦୁର୍ଘଟଣାଟି ହୋଇଥିବା ବେଳେ ଘଟଣା ସ୍ଥଳରେ ହିଁ ଉଭୟଙ୍କ ମୃତ୍ୟୁ ହୋଇଥିଲା । ଏହା ଦେଖି ସ୍ଥାନୀୟଲୋକେ ତୁରନ୍ତ ପୋଲିସକୁ ଖବର ଦେଇଥିଲେ ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ଯୁବକଙ୍କ ମୃତଦେହ ଉଦ୍ଧାର କରି ବଲାଙ୍ଗିର ଭୀମଭୋଇ ମେଡିକାଲକୁ ବ୍ୟବଚ୍ଛେଦ ପାଇଁ ପଠାଇଛି ।
