ଲଣ୍ଡନ,୬।୭: ବ୍ରିଟେନ୍ ନିର୍ବାଚନରେ ଏଥର ଭାରତୀୟଙ୍କ ଖୁବ୍ ପ୍ରଭାବ। ସଂସଦରେ ୨୬ ଭାରତୀୟ ବଂଶୋଦ୍ଭବ ସାଂସଦ ହୋଇଛନ୍ତି। କଞ୍ଜରଭେଟିବ ପାର୍ଟି ଯଦିଓ ନିର୍ବାଚନରେ ହାରିଯାଇଛି, କିନ୍ତୁ ଦଳର ନବ ନିର୍ବାଚିତ ସାଂସଦଙ୍କ ଭିତରେ ଅଛନ୍ତି ବହୁ ଭାରତୀୟ ବଂଶୋଦ୍ଭାବ। ଏବେ ସେମାନଙ୍କ ଭିତରେ ଚର୍ଚ୍ଚାରେ ଅଛନ୍ତି ଶିବାନୀ ରାଜା। ସେ ଏଥର ଲାଇସେଷ୍ଟର ଇଷ୍ଟ ଆସନରୁ ନିର୍ବାଚନ ଜିତିଛନ୍ତି। ଶିବାନୀ ଲଣ୍ଡନର ପୂର୍ବତନ ଡେପୁଟି ମେୟର ରାଜେଶ ଅଗ୍ରଓ୍ବାଲଙ୍କୁ ମାତ୍ ଦେଇଛନ୍ତି। ଉଲ୍ଲେଖନୀୟ ଯେ, ୩୭ ବର୍ଷୀୟ ଶିବାନୀ କୌଣସି କଞ୍ଜରଭେଟି୍ ନେତା ଭାବରେ ଜିତିଛନ୍ତି।
ଲାଇସେଷ୍ଟର ଇଷ୍ଟ ଆସନରୁ ଲେବର ପାର୍ଟିର ପ୍ରଭାବ ରହିଛି। ୩୭ ବର୍ଷରେ ପ୍ରଥମ ଥର ଏହି ଆସନରେ କଞ୍ଜରଭେଟିଭ ଜିତିଛି। ଲାଇସେଷ୍ଟର ଇଷ୍ଟରେ ଶିବାନୀ ରାଜାଙ୍କୁ ୧୪୫୨୬ ଭୋଟ ମିଳିଛି। ରାଜେଶ ଅଗ୍ରଓ୍ବାଲଙ୍କ ବିରୋଧରେ ୪ ହଜାରରୁ ଅଧିକ ଭୋଟରେ ସେ ଜିତିଛନ୍ତି। ରାଜା ଗୁଜରାଟୀ ବଂଶୋଦ୍ଭବ। ତାଙ୍କ ପରିବାରର ଲୋକ ଦୀଭରେ ରହୁଥିଲେ। ନିର୍ବାଚନ ବେଳେ ଶିବାନୀ ଲଗାତାର ବ୍ରିଟେରେ ରହୁଥିବା ଭାରତୀୟ ପ୍ରବାସୀଙ୍କ ସହ ଯୋଡି ହୋଇ ରହୁଥିବାର ତାଙ୍କୁ ଏହାର ଫାଇଦା ମିଳିଛି।
ନିକଟରେ ନିର୍ବାଚନ ପ୍ରଚାର ବେଳେ ସେ ଶିବ କଥା ଶୁଣିବାକୁ ପହଁଞ୍ଚି ଥିଲେ। ଏହାପରେ ସେ ଗରଓ୍ବା ମଧ୍ୟ କରିଥିଲେ। ସେ ଭାରତରେ ରହଥିବା ବ୍ରିଟିସ୍ ଭୋଟରଙ୍କୁ ମଧ୍ୟ ପ୍ରଭାବିତ କରିଥିଲେ ଓ ତାଙ୍କୁ ଅନଲାଇନ୍ ଭୋଟିଂ କରିବାର ଅପିଲ କରିଥିଲେ। ବିଶେଷ ଭାବରେ ଦୀଭ ଓ ଗୁଜରାଟରେ ରହୁଥିବା ବ୍ରିଟିସ୍ ଲୋକଙ୍କଊ ଶିବାନୀ ଯୋଗାଯୋଗ କରିଥିଲେ। ଶିବାନୀଙ୍କ ବାପା-ମା ୭୦ ଦଶକରେ କେନିଆରୁ ଲାଇସେଷ୍ଟର ଆସିଥିଲେ। ସେ ନିଜର ଶିକ୍ଷାଗ୍ରଡଣ ଡି ମୋଣ୍ଟଫୋର୍ଟ ୟୁନିଭର୍ସିଟିରୁ ଶେଷ କରି ଗ୍ରାଜୁଏସନ୍ ଫାର୍ମାସ୍ୟୁଟିକାଲସ୍ ଆଣ୍ଡ କସମେଟିକ୍ ସାଇନ୍ସ କରିଥିଲେ। ଏହାପରେ ସେ ବହୁ କସମେଟିକ୍ ବ୍ରାଣ୍ଡ ସହ କାମ କରିଥିଲେ। ଉଲ୍ଲେଖନୀୟ ଯେ, ଏଥର ନିର୍ବାଚନରେ ଲେବର ପାର୍ଟିକୁ ୪୧୨ ଆସନ ମିଳିଛି। ସେଭଳି କଞ୍ଜରଭେଟିଭ୍କୁ ପାର୍ଟିକୁ ୧୨୧ଟି ଆସନ ମିଳିଛି। ଏହାପରେ ଋଷି ସୁନକ ପ୍ରଧାନମନ୍ତ୍ରୀ ପଦରୁ ଇସ୍ତଫା ଦେଇଥିଲେ।
