ଦଶରଥପୁର,୧୮।୨ :ଜମିଜମା ଘଟଣାକୁ କେନ୍ଦ୍ର କରି ଯାଜପୁର ଟାଉନ ଥାନା ଅଧିନ ବାଲିପଦା ଗ୍ରାମରେ ଦାଦା ଓ ପୁତୁରା ମଧ୍ୟରେ ଗଣ୍ଡଗୋଳ ଘଟିଛି। ପୁତୁରାର ଠେଙ୍ଗା ମାଡ଼ରେ ଦାଦାର ମୃତ୍ୟୁ ଘଟିଛି। ମୃତକ ଜଣକ ହେଲେ  ସିଦ୍ଧେଶ୍ବର ସାହୁ ।

 ବାଲିପଦା ଗ୍ରାମର ସିଦ୍ଧେଶ୍ବର ସାହୁ ଏବଂ ତାଙ୍କ ପୁତୁରା ହରେକୃଷ୍ଣ ସାହୁଙ୍କ ମଧ୍ୟରେ ଜମି ଜମାକୁ ନେଇ ଗଣ୍ଡଗୋଳ ହୋଇଥିଲା। ଏଥିରେ ପୁତୁରା ହରେକୃଷ୍ଣ ଏକ ଠେଙ୍ଗାରେ ଦାଦା ସିଦ୍ଧେଶ୍ୱରଙ୍କ ମୁଣ୍ଡକୁ ପିଟି ଦେଇଥିଲା। ଘଟଣାସ୍ଥଳରେ ସିଦ୍ଧେଶ୍ୱରଙ୍କର ମୃତ୍ୟୁ ହୋଇଥିଲା। ମୃତ ସିଦ୍ଧେଶ୍ୱରଙ୍କ ପୁଅ ବଳରାମ ସାହୁ  ଏ ନେଇ  ଯାଜପୁର ଟାଉନ ଥାନାରେ ଲିଖିତ ଅଭିଯୋଗ କରିଛନ୍ତି।  ଅଭିଯୋଗକୁ ଭିତ୍ତିକରି ପୋଲିସ ଅଭିଯୁକ୍ତ ହରେକୃଷ୍ଣକୁ ଗିରଫ କରିବା ସହିତ ମୃତ ଶରୀରକୁ ବ୍ୟବଛେଦ ପାଇଁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଇ ଅଧିକ ତଦନ୍ତ ଜାରି ରଖିଥିବା ଜଣାଯାଇଛି।

ଆହୁରି ପଢନ୍ତୁ : ସ୍କୁଟିକୁ ଧକ୍କା ଦେଲା ଟ୍ରକ : ମା’ ମୃତ, ଝିଅ ଗୁରୁତର