ନୂଆଦିଲ୍ଲୀ: ପାର୍ବଣ ଋତୁ ପୂର୍ବରୁ କେନ୍ଦ୍ର ସରକାର ଜନସାଧାରଣଙ୍କ ପାଇଁ ଏକ ବଡ଼ ଘୋଷଣା କରିଛନ୍ତି। କେନ୍ଦ୍ର ମନ୍ତ୍ରୀ ଅନୁରାଗ ଠାକୁର କହିଛନ୍ତି ଯେ ଆଜି ଦୁଇଟି ନିଷ୍ପତ୍ତି ନିଆଯାଇଛି। ପ୍ରଥମ ନିଷ୍ପତ୍ତି ହେଉଛି ଆସନ୍ତା ୩ ବର୍ଷ ମଧ୍ୟରେ ଅର୍ଥାତ ୨୦୨୬ ପର୍ଯ୍ୟନ୍ତ ୭୫ ଲକ୍ଷରୁ ଅଧିକ LPG ସଂଯୋଗ ମାଗଣାରେ ଦିଆଯିବ । ଏହା ହେଉଛି ଉଜ୍ଜଳା ଯୋଜନାର ଏକ ବିସ୍ତାର ।
ସେ କହିଛନ୍ତି ଯେ ଦ୍ୱିତୀୟ ନିଷ୍ପତ୍ତି ହେଉଛି ୭୨୧୦ କୋଟି ଟଙ୍କା ମୂଲ୍ୟର ଇ-କୋର୍ଟ ମିଶନ ମୋଡ ପ୍ରୋଜେକ୍ଟ ୩ କୁ ଆଜି ଅନୁମୋଦନ କରାଯାଇଛି । ଲକ୍ଷ୍ୟ ହେଉଛି ଅନଲାଇନ୍ ଏବଂ କାଗଜହୀନ କୋର୍ଟ ଗଠନ କରିବା । ଏହା ଦ୍ବାରା ନ୍ୟାୟିକ ବ୍ୟବସ୍ଥା ଅଧିକ ସ୍ୱଚ୍ଛ ହୋଇପାରିବ ।
#WATCH | Delhi: Union Minister Anurag Thakur says, "Two decisions were taken today... The first decision is that more 75 Lakh LPG connections would be given free of cost in the next 3 years till 2026... This is an extension of Ujjwala Yojana... The second decision is that the… pic.twitter.com/H0ShPmTt8M
— ANI (@ANI) September 13, 2023
କାଗଜହୀନ ଅଭିଯାନ ବିଷୟରେ ଅଧିକ ସୂଚନା ଦେଇ ଅନୁରାଗ ଠାକୁର କହିଛନ୍ତି ଯେ, କୋର୍ଟ, ଇ-ଫାଇଲ୍ ଏବଂ ଇ-ପେମେଣ୍ଟ ସିଷ୍ଟମକୁ ସର୍ବଭାରତୀୟ କରାଯିବ । ଡାଟା ଷ୍ଟୋର୍ କରିବା ପାଇଁ କ୍ଲାଉଡ୍ ଷ୍ଟୋରେଜ୍ ସୃଷ୍ଟି କରାଯିବ । ସମସ୍ତ ଅଦାଲତ ପରିସରରେ ୪୪୦୦ ଇ-ସେବା କେନ୍ଦ୍ର ସ୍ଥାପନ କରାଯିବ ।
