ନୂଆଦିଲ୍ଲୀ,୦୯/୦୨: ସାଧାରଣତଃ ପିଲାମାନଙ୍କୁ ହାତ ଖର୍ଚ୍ଚ ପାଇଁ ବାପା-ମାଆ ପକେଟ୍ ମନି ଦେଇଥାନ୍ତି। ଆଉ ପିଲାମାନେ ସେହି ପକେଟ୍ ମନିକୁ ଆବଶ୍ୟକ ଜିନିଷ କିଣିବା ପାଇଁ କିମ୍ବା ବନ୍ଧୁମାନଙ୍କ ସହିତ ଖାଇବା ପିଇବା ପାଇଁ ଖର୍ଚ୍ଚ କରନ୍ତି। ଅନେକ ସମୟରେ, ଯେତେବେଳେ କିଛି ପିଲାଙ୍କୁ ଅଧିକ ଟଙ୍କାର ଆବଶ୍ୟକତା ପଡ଼ିଥାଏ କିମ୍ବା ସେମାନେ ଘରୁ ଟଙ୍କା ପାଆନ୍ତି ନାହିଁ, ସେମାନେ କାହାକୁ ନ କହି ଘରୁ ଟଙ୍କା ଚୋରି କରନ୍ତି। ପଡ଼ୋଶୀ ଦେଶ ଚୀନରେ ସମାନ ଏକ ଘଟଣା ସାମ୍ନାକୁ ଆସିଛି । ଯାହା ଲୋକଙ୍କୁ ଆଶ୍ଚର୍ଯ୍ୟ କରିଦେଇଛି।
ଚୀନ୍ର ଏକ ସ୍କୁଲ୍ରେ ପଢ଼ୁଥିବା ଜଣେ ଝିଅ ନିଜ ପାଇଁ କିଛି ଟ୍ରେଣ୍ଡି ଅଳଙ୍କାର ଚାହୁଁଥିଲା। ଏଥିପାଇଁ ସେ ତାଙ୍କ ମାଆଙ୍କ ମୂଲ୍ୟବାନ ଅଳଙ୍କାର ନେଇ ବଜାରରେ ମାତ୍ର ୭୦୦ ଟଙ୍କାରେ ବିକ୍ରି କରିଦେଇଥିବା ଖବର ସାମ୍ନାକୁ ଆସିଛି। ଯେତେବେଳେ ତାଙ୍କ ମାଆ ଏହା ଜାଣିଲେ, ସେ ଆଶ୍ଚର୍ଯ୍ୟ ହୋଇଗଲେ। ୧୦ ଲକ୍ଷ ୟୁଆନ ଅର୍ଥାତ ୧ କୋଟି ୧୯ ଲକ୍ଷ ଟଙ୍କାର ଅଳଙ୍କାର ମାତ୍ର ୬୦ୟୁଆନ ବା ୭୦ ଟଙ୍କାରେ ବିକ୍ରି ହେବା କଥା ସେ ସହ୍ୟ କରିପାରିଲେ ନାହିଁ। ଯାହାକୁ ନେଇ ସେ ପୋଲିସକୁ ଖବର ଦେଇଥିବା ବେଳେ ସୋସିଆଲ ମିଡି଼ରେ ଏହି ଘଟଣାଟି ବେଶ୍ ଭାଇରାଲ ହେବାରେ ଲାଗିଛି।
ଝିଅ ତାଙ୍କ ମାଆଙ୍କ ମୂଲ୍ୟବାନ ଅଳଙ୍କାରକୁ ଅଳ୍ପ ଟଙ୍କାରେ ବିକ୍ରି କରିଦେଲା। ସାଉଥ୍ ଚାଇନା ମର୍ଣ୍ଣିଂ ପୋଷ୍ଟରେ ପ୍ରକାଶିତ ଏକ ରିପୋର୍ଟ ଅନୁଯାୟୀ, ଘଟଣାଟି ଚୀନର ସାଂଘାଇର। ସେଠାରେ, ଜଣେ ସ୍କୁଲ ଛାତ୍ରୀ ତାଙ୍କ ମାଆଙ୍କ କୋଟି କୋଟି ଟଙ୍କାର ଅଳଙ୍କାର ଧରି ବଜାରର ଏକ ଛୋଟ ଷ୍ଟଲରେ ପହଞ୍ଚିଥିଲା। ପୋଲିସ ରିପୋର୍ଟ ଅନୁଯାୟୀ, ଅଳଙ୍କାରର ମୋଟ ମୂଲ୍ୟ ୧ କୋଟି ୨୨,୫୯,୩୫୫ ଟଙ୍କା ଥିଲା। ଝିଅଟି ଏ ବିଷୟରେ କୌଣସି ଜାଣି ନଥିଲା ଏବଂ ସେ ନିଜ ପାଇଁ ଏକ ଲିପ୍ ଷ୍ଟଡ୍ ଏବଂ କାନଫୁଲ ଚାହୁଁଥିଲା। ଏ ଦୁଇଟି 60 ୟୁଆନ ଅର୍ଥାତ୍ 700 ଟଙ୍କାରେ ଉପଲବ୍ଧ, ତେଣୁ ଝିଅଟି ଦୋକାନୀକୁ ଅଳଙ୍କାର ଦେଇ ତା ବଦଳରେ ତା'ର ପ୍ରିୟ ଜିନିଷ କିଣିଥିବା ଜଣାପଡ଼ିଛି ।
