ବିନିକା୧୩/୦୬: ବିନିକା ଥାନା ମହାଦେବପାଲି ଫାଣ୍ଡି କର୍ତ୍ତଙ୍ଗ ଗ୍ରାମରେ ରାସ୍ତା ନିର୍ମାଣ କାମ ଚାଲିଥିବା ବେଳେ ଠିକାଦାରଙ୍କ ୧୫ ଗୋଟି ସେଣ୍ଟ୍ରିପ୍ଲେଟ, ସାଇକେଲ ଓ ଗ୍ୟାସ ଚୋରୀ ମାମଲାରେ ପୋଲିସ୍ ୪ ଜଣଙ୍କୁ ଗିରଫ କରିଛି l ସୁଚନା ଅନୁସାରେ କର୍ତ୍ତଙ୍ଗ ଠାରେ ଚାଲିଥିବା ଏକ ରାସ୍ତା ନିର୍ମାଣ କାମ ବେଳେ ୧୫ ଟି ସେଣ୍‌ଟ୍ରି ପ୍ଲେଟ, ଗୋଟିଏ ସାଇକେଲ ଓ ଗ୍ୟାସ ଚୋରୀ ହୋଇଥିଲା l ଏନେଇ ଲମ୍ବୋଦର ମୁଣ୍ଡା ବିନିକା ଥାନା ରେ ୦୮/୬/୨୦୨୫ ଅଭିଯୋଗ କରିବା ପରେ ପୋଲିସ ଥାନା କେସ ନମ୍ୱର୧୦୨/୨୫ ରେ ଏକ ମାମଲା ରୁଜୁ କରି ତଦନ୍ତ ଜାରି ରଖିଥିଲା l 

ଗତକାଲି ରାତିରେ କୌଣସି ସୂତ୍ରରୁ ଖବର ପାଇଁ ମହାଦେବପାଲି ଫାଣ୍ଡି ଅଧିକାରୀ ଶ୍ରୀକୃଷ୍ଣ ସେଠ ଓ ଷ୍ଟାଫ ଚୋରୀ ମାମଲାରେ କର୍ତ୍ତଙ୍ଗ ଗ୍ରାମର ଶଶୀଭୂଷଣ ଚୌଧୂରୀ, ପ୍ରମୋଦ ବାଗ ଓ ସୁନିଲ ଜାଲଙ୍କୁ ଗିରଫ କରିବା ସହ ତାଙ୍କ ପାଖରୁ୧୫ ଟି ସେଣ୍ଟ୍ରିଂ ପ୍ଲେଟ ଜବତ କରିଥିବା ବେଳେ ଚୋରୀ ସାଇକେଲ ଓ ଗ୍ୟାସ କିଣିଥିବା ତୁଲୁଣ୍ଡୁପାଲି ଗ୍ରାମର ଶିବ ଚରଣ ଦାଣ୍ଡିଆଙ୍କୁ ଗିରଫ କରିଥିଲେ l ଏନେଇ ୪ ଜଣ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରାଯାଇଥିବା ତଦନ୍ତକାରୀ ଫାଣ୍ଡି ଅଧିକାରୀ ଶ୍ରୀକୃଷ୍ଣ ସେଠ ସୂଚନା ଦେଇଛନ୍ତି l