ମୁମ୍ବାଇ,୧୪/୦୬: ଲୋକ ସ୍ବପ୍ନ ଦେଖନ୍ତି । ସ୍ବପ୍ନପୂରଣ କରିବା କଥା କୁହନ୍ତି । ହେଲେ ସେ ସ୍ବପ୍ନ ସତ କରିଥିଲେ । କମ୍ ବୟସରେ ନେମ ଫେମ ସବୁ ପାଇଥିଲେ । ଯିଏ କହୁଥିଲେ ମାର୍କ ଜୀବନରେ ଆଗକୁ ନିଏନି ପ୍ରୟାସ ସଫଳ କରାଏ । ବାରମ୍ବାର ହାରିବାର ମଜାରେ ଜିତିବାର ସ୍ୱାଦ ମିଳେ । ଘଟଣା ଥିଲା ୧୪ ଜୁନ୍ ୨୦୨୦ର । ଚହଳ ପଡି ଯାଏ । ବଲିଉଡ଼ ଷ୍ଟାର ଆଉ ନାହାନ୍ତି । ଯାହାଙ୍କ ଫିଲ୍ମ ମେସେଜ ଦିଏ ବିଫଳତା ଶେଷ ବିକଳ୍ପ ନୁହେଁ । ପାଟନାର ଗୁଲସନ ବଲିଉଡର ଷ୍ଟାର ହୋଇଗଲେ । ହେଲେ କଣ ଏମିତି ହେଲା ସେ ଦିନ ହେଲା ଜଣେ ଟ୍ୟାଲେଣ୍ଟକୁ ହରାଇଲା ବଲିଉଡ଼ । ସୁଶାନ୍ତସିଂହ ରାଜପୁତଙ୍କ ଦେହାନ୍ତକୁ ଆଜି ୫ ବର୍ଷ ହୋଇଛି । ତାଙ୍କୁ ମନେ ପକାଇ ଭାବ ବିହ୍ୱଳ ପୋଷ୍ଟ କରିଛନ୍ତି ଭଉଣୀ ଶ୍ୱେତା ସିଂହ କିର୍ତ୍ତୀ ।
ଟିଭିରୁ ବଲିଉଡ଼ ଷ୍ଚାର- ପାଟନାରେ ୧୯୮୬ରେ ଜନ୍ମିତ ସୁଶାନ୍ତ ଟିଭି ସିରିଏଲରୁ ଅଭିୟନ ଦୁନିଆରେ ପାଦ ଥାପିଥିଲେ । ଭଲ ପାଠ ପଢୁଥିଲେ ହେଲେ ଅଭିନୟ ପାଇଁ ଇଞ୍ଜିନିୟରିଂ ପାଠପଢା ଛାଡିଥିଲେ । ଆକ୍ଟିଙ୍ଗରେ କ୍ୟାରିୟର କରିବାକୁ ମୁମ୍ବାଇ ଚାଲି ଆସିଥିଲେ । 'ପବିତ୍ର ରିସ୍ତା'ରୁ କ୍ୟାରିଅର ଆରମ୍ଭ କରିଥିବା ସୁଶାନ୍ତ ବଲୁଉଡ଼ରେ ଛାଇ ଯାଇଥିଲେ । ଗୋଟିଏ ପରେ ଗୋଟିଏ ହିଟ୍ ଫିଲ୍ମ ଭେଟି ଦେଇଥିଲେ । ୨୦୧୧ରେ 'କାଇ ପୋ ଚେ' ରୁ ଫିଲ୍ମ ଯାତ୍ରା ଆରମ୍ଭ କରିଥିଲେ । ଏହା ପରେ ଏମ୍ 'ଏସ୍ ଧୋନୀ; ଦ ଅନଟୋଲ୍ଡ ଷ୍ଟୋରୀ', କେଦାରନାଥ, ଛିଛୋରେ ପରି ହିଟ୍ ଫିଲ୍ମରେ ତାଙ୍କର ଦମଦାର ଅଭିନୟ ଦେଖିବାକୁ ମିଳିଥିଲା । ୨୦୧୭ରେ ପ୍ରଥମ ଥର ଫୋବର୍ସ ଇଣ୍ଡିଆ ଟିମ୍ରେ ୧୦୦ ସେଲିବ୍ରିଟି ଲିଷ୍ଟରେ ସ୍ଥାନ ପାଇଥିଲେ । 'ଦିଲ ବେଚାରା' ତାଙ୍କର ଶେଷ ଫିଲ୍ମ ଥିଲା ।
ଜହ୍ନରେ କିଣିଥିଲେ ଜାଗା- ଅଭିନୟ ସହିତ ତାଙ୍କୁ ଅଷ୍ଟ୍ରୋନୋମିରେ ବି ରୁଚି ରହିଥିଲା । ସେ ପ୍ରଥମ ଅଭିନେତା ଯିଏକି ଜହ୍ନରେ ଜାଗା କିଣିଥିଲେ । 'ପବିତ୍ର ରିସ୍ତା' ଟିଭି ସିରିଏଲରେ ଅଭିନେତ୍ରୀ ଅଙ୍କିତା ଲୋଖେଣ୍ଡେଙ୍କ ସହିତ ତାଙ୍କର ପ୍ରେମ ସମ୍ପର୍କ ଥିଲା । ଏହାପରେ ଅନେକ ଅଭିନେତ୍ରୀଙ୍କ ସହ ତାଙ୍କ ନାମ ଯୋଡ଼ା ଯାଇଥିଲା । ଯେଉଁଥିରେ କିର୍ତ୍ତୀ ସାନନ, ସାରା ଅଲ୍ଲୀ ଖାନ୍ ଓ ରିୟା ଚକ୍ରବର୍ତ୍ତୀଙ୍କ ନାମ ରହିଛି ।
ଫ୍ଲାଟରୁ ମିଳିଥିଲା ମୃତଦେହ- ୨୦୨୦ ଜୁନ୍ ୧୪ । ମୁମ୍ବାଇ ବାନ୍ଦ୍ରା ସ୍ଥିତ ଫ୍ଲାଟରୁ ସୁଶାନ୍ତଙ୍କ ମୃତଦେହ ମିଳିଥିଲା । ତଦନ୍ତରେ ମୃତ୍ୟୁର କାରଣ ଆତ୍ମହତ୍ୟା ବୋଲି କହିଥିଲା ପୁଲିସ । ସେ କିଛି ମାସ ହେବ ଚାପଗ୍ରସ୍ତ ଥିବା ଜଣାପଡିଥିଲା । ସୁଶାନ୍ତଙ୍କ ଦେହାନ୍ତରେ ରିୟା ଚକ୍ରବର୍ତ୍ତୀଙ୍କ ନାମରେ ଅଭିଯୋଗ ହୋଇଥିଲା । ନିକଟରେ ତାଙ୍କୁ ଏହି ମାମଲାର କ୍ଲିନ୍ଚିଟ୍ ମିଳିଛି ।
ସୁଶାନ୍ତଙ୍କ ୫ମ ମୂଣ୍ୟତିଥିରେ ତାଙ୍କୁ ମନେ ପକାଇ ଭାବ ବିହ୍ୱଳ ଭରା ଭିଡିଓ ପୋଷ୍ଟ କରିଛନ୍ତି ଭଉଣୀ ଶ୍ୱେତା ସିଂହ । ସେ ତାଙ୍କ ପୋଷ୍ଟରେ କହିଛନ୍ତି, ମୋ ଭାଇ ସୁଶାନ୍ତକୁ ସବୁ ଦିନେ ମନେ ପକାଏ । ଆଜି ଭାଇର ପଞ୍ଚମ ପୂଣ୍ୟତିଥି । ଜୁନ୍ ୧୪ ୨୦୨୦ରେ ତାର ବିୟୋଗ ପରେ ବହୁତ କିଛି ଘଟିଛି । ସିବିଆଇ କୋର୍ଟକୁ ଏକ ରିପୋର୍ଟ ଦେଇଛି । ମୁଁ ଆଜି କହିବାକୁ ଚାହୁଁଛି କି କିଛି ବି ହୋଇଯାଉ ହାରିବୁ ନାହିଁ । ଭଗବାନଙ୍କ ଉପରେ ବିଶ୍ୱାସ ଅଛି । ଆମେ ମନେ ରଖିଛୁ କି ଆମ ସାଶାନ୍ତ କାହା ପାଇଁ ଛିଡା ହେଉଥିଲା । ସୁଶାନ୍ତର ହସ, ଆଖିରେ ଛୋଟ ପିଲା ପରି ନୀରିହ ପଣ ଦେଖିବାକୁ ମିଳୁଥିଲା । ଆମ ସୁଶାନ୍ତର ଟାର୍ଗେଟ ଥିଲା ଆମକୁ କର୍ତ୍ତବ୍ୟ କରିବା ଦରକାର ।''
