ମୁମ୍ବାଇ ୨୩/୦୪: ସୋସିଆଲ ମିଡିଆ ବିତର୍କରେ ବ୍ରାହ୍ମଣ ସମାଜ ଉପରେ ଅପମାନଜନକ ଟିପ୍ପଣୀ ଦେବା ଚଳଚ୍ଚିତ୍ର ନିର୍ମାତା ଅନୁରାଗ କଶ୍ୟପଙ୍କ ପାଇଁ ମହଙ୍ଗା ପଡ଼ିଛି । ଏହାକୁ ନେଇ ବିବାଦ ବଢ଼ିବା ପରେ ତାଙ୍କୁ ଶେଷରେ କ୍ଷମା ପ୍ରାର୍ଥନା କରିବାକୁ ପଡ଼ିଛି । ସେ କ୍ଷମା ମାଗିବା ସହ ଭବିଷ୍ୟତରେ ଆଉ ଏଭଳି ଶବ୍ଦ କଦାପି ବ୍ୟବହାର କରିବେ ନାହିଁ ବୋଲି କହିଛନ୍ତି ।
ଉଲ୍ଲେଖଥାଉ କି ସମାଜ ସଂସ୍କାରକ ଜ୍ୟୋତିବା ଫୁଲେଙ୍କ ଉପରେ ନିର୍ମିତ ଚଳଚ୍ଚିତ୍ର ସହ ଥିବା ବିବାଦକୁ ନେଇ ଅନୁରାଗ କଶ୍ୟପ ବ୍ରାହ୍ମଣମାନଙ୍କ ବାବଦରେ ଅପମାନଜନକ କଥା କହିଥିଲେ । ତାଙ୍କ ବୟାନ ପରେ ଦିଲ୍ଲୀ, ମୁମ୍ବାଇ, ଇନ୍ଦୋର ଓ ଜୟପୁର ସମେତ ଅନେକ ସହରରେ ଅଭିଯୋଗ ହୋଇଥିଲା । ଏ ନେଇ ଅନୁରାଗ କ୍ଷମା ମାଗିବା ସହ ଇନ୍ଷ୍ଟାଗ୍ରାମ୍ରେ ଲେଖିଛନ୍ତି, ମୁଁ ରାଗରେ କାହାକୁ ଜବାବ ଦେବାକୁ ଯାଇ ନିଜ ମର୍ଯ୍ୟାଦା ଭୁଲିଯାଇଥିଲି ଏବଂ ସମଗ୍ର ବ୍ରାହ୍ମଣ ସମାଜ ବିରୋଧରେ ଟିପ୍ପଣୀ ଦେଇଥିଲି । ଏହି ସମାଜର ତମାମ ଲୋକମାନେ ମୋ ଜୀବନରେ ଅଛନ୍ତି ଏବଂ ଆଜି ବି ଯୋଗଦାନ ଦେଉଛନ୍ତି । ଆଜି ମୋ ଯୋଗୁ ସେମାନେ ଆଘାତପ୍ରାପ୍ତ ହୋଇଛନ୍ତି । ଏଥିପାଇଁ ହୃଦୟରୁ କ୍ଷମା ମାଗୁଛି ।
