ଭଦ୍ରକ, ୧୧/୦୭ : ନକଲି ଜର୍ଦ୍ଦା ବେପାରୀଙ୍କୁ ଭଦ୍ରକ ପୋଲିସର ମାଷ୍ଟରଷ୍ଟ୍ରୋକ୍। ପୁରୁଣାବଜାର ଅଞ୍ଚଳର ହେଲାସାହି ଠାରେ ବଡ଼ ଧରଣର ଚଢାଉ। ୫୦ ଲକ୍ଷ ଟଙ୍କାର ନକଲି ଜର୍ଦ୍ଦା ଜବତ କରିବା ସହ ୨ ଜଣଙ୍କୁ କରିଛି ପୁରୁଣା ବଜାର ପୋଲିସ। 

ସୂଚନାନୁଯାୟୀ, ନକଲି ଜର୍ଦ୍ଦା ତିଆରି ନେଇ ଖବର ପାଇବା ପରେ ସିଟିଡିଏସପି ଅଂଶୁମାନ ଦ୍ଵିବେଦୀଙ୍କ ନେତୃତ୍ୱରେ ୩ଟି ଟିମ୍ ଗଠନ ହୋଇଥିଲା। ଏହି ଟିମ୍ ପୁରୁଣାବଜାର ଅଞ୍ଚଳର ହେଲାସାହି ଠାରେ ଚଢ଼ାଉ କରିଥିଲା। ଏକକାଳୀନ ୩ଟି ସ୍ଥାନରେ ରେଡ୍ ବେଳେ ବିପୁଳ ପରିମାଣର ନକଲି ଜର୍ଦ୍ଦା ଜବତ ହୋଇଛି। ଏହା ସହ ବିଭିନ୍ନ କମ୍ପାନୀର ଲୋଗୋ, ମିକ୍ସଚର ମେସିନ, ଖାଲି ପାଉଚ୍, କେମିକାଲ ମଧ୍ୟ ଜବତ ହୋଇଛି। ଜବତ ହୋଇଥିବା ନକଲି ଜର୍ଦ୍ଦାର ମୂଲ୍ୟ ୪୫ ଲକ୍ଷରୁ ୫୦ ଲକ୍ଷ ହେବ ବୋଲି ପୋଲିସ ସୂଚନା ଦେଇଛି। ଏହି ଘଟଣାରେ ଏସକେ ରବାନି ଓ ଏସକେ ଖାଲିକ ଗିରଫ ହୋଇଥବା ବେଳେ ଅନ୍ୟ ଜଣେ ଅଭିଯୁକ୍ତ ମିର ଇନାମ ଫେରାର ହୋଇଥବା ପୋଲିସ କହିଛି।