ଗୋପାଳପୁର ୧୦/୬: ଗୋପାଳପୁର ବିଚ୍ ପାର୍କିଂ ଟେଣ୍ଡର ବହୁ ବାଦ ବିବାଦ ପରେ ଆଜି ଆରମ୍ଭ ହୋଇଛି l ଏନଏସି ପକ୍ଷରୁ ଚଳିତ ବର୍ଷ ୨୦୨୫-୨୬ ପାଇଁ ବି.ଆନନ୍ଦଙ୍କୁ ୱାର୍କ ଅର୍ଡର ପ୍ରଦାନ କରାଯାଇଛି l 

ସୂଚନା ପ୍ରକାରେ ଚଳିତ ମାସ ୨ ତାରିଖରେ ବିଚ୍ ପାର୍କିଂ ଟେଣ୍ଡର ପାଇଁ ୩ ଜଣ ଆବେଦନ କରିଥିଲେ l ବି.ଆନନ୍ଦ ସର୍ବାଧିକ ବାର୍ଷିକ ୪୪ ଲକ୍ଷ ୨୧ ହଜାର ଟଙ୍କା ଆବେଦନ କରି ଆଜି ଠାରୁ ଆସନ୍ତା ବର୍ଷ ଜୁନ ୯ ତାରିଖ ପର୍ଯ୍ୟନ୍ତ ବିଚ ପାର୍କିଂ ଟେଣ୍ଡର ଦାୟିତ୍ୱ ତୁଲାଇବେ l ଆଜି ପାର୍କିଂ ଟେଣ୍ଡର ଆରମ୍ଭ ପରେ କାର୍ଯ୍ୟନିର୍ବାହୀ ଅଧିକାରୀ ପ୍ରୋମଦ କୁମାର ପାଢ଼ୀ ପହଂଚି ଟେଣ୍ଡରଧାରୀଙ୍କୁ ଶୃଙ୍ଖଳିତ ହେବା ସହ ଆସୁଥିବା ପର୍ଯ୍ୟଟକଙ୍କୁ ଭଲ ବ୍ୟବହାର କରିବା ଏବଂ ଗାଡ଼ି ଚୋରି ହାରି ନ ହେବା ଉପରେ ଦୃଷ୍ଟି ଦେବା ପାଇଁ ପରାମର୍ଶ ଦେଇଥିଲେ l 

ତଦାରଖ ବେଳେ କାର୍ଯ୍ୟନିର୍ବାହୀ ଅଧିକାରୀଙ୍କ ସମେତ ସମାଜସେବୀ ପଞ୍ଚୁ ବେହେରା, ଗୋପାଳପୁର ବିଜେପି ନଗର ସଭାପତି ବି.ରାମାରାଓ ପ୍ରମୁଖ ଉପସ୍ଥିତ ଥିଲେ l