ପୋଲସରା ୧୧/୦୬ : ମାଳତେନ୍ତୁଳିଆ ଗ୍ରାମରେ ମଙ୍ଗଳବାର ବିଦ୍ୟୁତ୍ ଆଘାତ ରେ ଜଣେ ମୃତ ଓ ଦୁଇ ଜଣ ଆହତ ହୋଇଥିଲେ। ଗୁରୁତରମାନଙ୍କୁ ପୋଲସର ମେଡିକାଳ ଅଣାଯାଇଥିଲା। ଏହି ସମୟରେ ମେଡିକାଲ ଇନଚାର୍ଜ ଡଃ ଗୋପବନ୍ଧୁ ବେହେରା ଉପସ୍ଥିତ ନ ଥିଲେ। ଖବର ପାଇ ସ୍ଥାନୀୟ ବିଧାୟକ ତଥା ମନ୍ତ୍ରୀ ଗୋକୁଳାନନ୍ଦ ମଲ୍ଲିକ ମେଡିକାଲରେ ପହଞ୍ଚି ସମବେଦନା ଜଣାଇବା ସହ ପରିବାର ଲୋକଙ୍କ ସହିତ ଆଲୋଚନା କରିଥିଲେ। ଏହାପରେ ଡଃ ଶ୍ରୀ ବେହେରା ଆସିଥିଲେ। ଏହାଦେଖି ମନ୍ତ୍ରୀ ତାଙ୍କୁ ତାଗିଦ୍ କରିଥିଲେ।
ଏହାକୁ ନେଇ ମନ୍ତ୍ରୀ ଗଞ୍ଜାମ ଜିଲ୍ଲାପାଳ ଓ ବିଭାଗୀୟ ଉପରସ୍ଥ ଅଧିକାରୀଙ୍କୁ ଜଣାଇଥିଲେ। ଏହାକୁ ନେଇ ଡଃ ଶ୍ରୀ ବେହେରାଙ୍କୁ ଛତ୍ରପୁର ବଦଳି ହୋଇଥିବା ବେଳେ ତାଙ୍କ ଜାଗାରେ ପୋଲସରା ମେଡିକାଲରେ କାର୍ଯ୍ୟରତ ଡଃ ସାୟଦ ଇକବାଲ ହୁସେନ ଙ୍କୁ ଦାୟିତ୍ୱ ଦିଆଯାଇଛି। ଆଗାମୀ ଦିନରେ ଯଦି କୈାଣସି ବିଭାଗୀୟ ଅଧିକାରୀ ଏହି ପରି ଅବହେଳା କରନ୍ତି ତାହେଲେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ମନ୍ତ୍ରୀ ଶ୍ରୀ ମଲ୍ଲିକ ପ୍ରକାଶ କରିଥିଲେ।
