କାଶୀପୁର, ୨୨/୭ : ରାୟଗଡା ଜିଲ୍ଲା କାଶୀପୁର ବ୍ଲକର ସ୍ଥାନୀୟ ବିଦ୍ୟୁତ ବିଭାଗ ପକ୍ଷରୁ ଜାତୀୟ ବିଦ୍ୟୁତ ସୁରକ୍ଷା ସପ୍ତାହ ପାଳିତ ହୋଇଯାଇଛି। ଏହି ଅବସରରେ କାଶୀପୁରରେ ଏକ ସଚେତନତା ରାଲି ଅନୁଷ୍ଠିତ ହୋଇଯାଇଛି। ଏବେ ବର୍ଷା ଋତୁ ଚାଲିଥିବା ବେଳେ ବିଦ୍ୟୁତ ଆଘାତରୁ କିପରି ସର୍ତକତା ଅବଲମ୍ବନ କରିବେ ସେନେଇ ଲୋକଙ୍କୁ ସତର୍କ କରାଇଛି ବିଦ୍ୟୁତ ବିଭାଗ।
ବର୍ଷା ଦିନେ କୌଣସି ବିଦ୍ୟୁତ ଖୁଣ୍ଟ ଛୁଇଁବେ ନାହିଁ, ଯଦି କୌଣସି ଯାଗାରେ ବିଦ୍ୟୁତ ତାର ଛିଣ୍ଡିଛି ସେ ପାଖକୁ ଯିବେ ନାହିଁ ଏନେଇ ତୁରନ୍ତ ବିଦ୍ୟୁତ ବିଭାଗ କର୍ମଚାରିଙ୍କୁ ଜଣାଇବେ, ବିଦ୍ୟୁତ ତାର ତଳେ କେବେ ଗଛ ଲଗାନ୍ତୁ ନାହିଁ କିମ୍ବା ବିଦ୍ୟୁତ ତାର ଥିବା ସ୍ଥାନରେ ଗଛ କାଟନ୍ତୁ ନାହିଁ, ବିଦ୍ୟୁତ ତାର ଉପରେ ଲୁଗା ଶୁଖେଇବେ ନାହିଁ, ବିଦ୍ୟୁତ ଖୁଣ୍ଟରେ ପଶୁ ପକ୍ଷୀଙ୍କୁ ବାନ୍ଧନ୍ତୁ ନାହିଁ, ଘରେ ବ୍ୟବହାର କରୁଥିବା ବିଦ୍ୟୁତ ବୋର୍ଡରେ ଅଧିକ ପ୍ଲଗ ବ୍ୟବହାର କରିବେ ନାହିଁ, ଘର ମିଟରକୁ ଆସିଥିବା ବିଦ୍ୟୁତ ତାର ଛିଣ୍ଡିଲେ ବିଦ୍ୟୁତ ବିଭାଗରେ କାର୍ଯ୍ୟ କରୁଥିବା କର୍ମଚାରୀଙ୍କୁ ଡାକି କାର୍ଯ୍ୟ କରିବେ, ନିଜେ କିମ୍ବା ଅନ୍ୟକୁ ଡାକି ସେହି କାର୍ଯ୍ୟ କରାନ୍ତୁ ନାହିଁ ନହେଲେ ଅଘଟଣ ଘଟିପାରେ ବୋଲି ସଚେତନ କରାଯାଇଛି।
ବିଦ୍ୟୁତ ବିଭାଗ ତରଫରୁ କାଶୀପୁର ସଦର ମହକୁମାରେ ଏକ ସଚେତନତା ରାଲି ଜଗନ୍ନାଥ ମନ୍ଦିର ପରିସରରୁ ବାହାରି ବ୍ଲକ ଛକ ପର୍ଯ୍ୟନ୍ତ ଯାଇ ଲୋକଙ୍କୁ ସଚେତନତା କରାଇଥିଲେ। ଏହି ସଚେତନତା କାର୍ଯ୍ୟକ୍ରମରେ ବିଦ୍ୟୁତ ବିଭାଗ କନିଷ୍ଠ ଯନ୍ତ୍ରୀ ସନ୍ତୋସ କୁମାର ନାହକ, ସେଫ୍ଟି ଅଧିକାରୀ ଦେବଚନ୍ଦନ ଘୋଡେଇ, ରାଜେଶ ପାତ୍ର, ସୁରେଷ କୁମାର, ସୁପରଭାଇଜର ସଂଜୟ ହିକକା୍, ବିଜୟ କୁମାର ବାରିକ, ପ୍ରମୋଦ କୁମାର, ଲାଇନ୍ ମ୍ୟାନ୍ ସୁଧାଶୁଂ ସେଖର ଜାନି, ହେମନ୍ତ କୁମାର ମୁନିଙ୍କ ସହ ସମସ୍ତ ବିଭାଗୀୟ ଅଧିକାରୀ ଏବଂ ଲାଇନ୍ ମ୍ୟାନ୍ ମାନେ ଉପସ୍ଥିତ ଥିଲେ।