ଭୁବନେଶ୍ଵର, ୨୨।୦୪ : ଗୁଣି ଗାରେଡ଼ି ସନ୍ଦେହରେ ସାଙ୍ଘବଧ ଆକ୍ରମଣ। ବୃଦ୍ଧଙ୍କୁ ପିଟିପିଟି ହତ୍ୟା। ଚିକିତ୍ସାଧିନ ଅବସ୍ଥାରେ ଡାକ୍ତରଖାନାରେ ମୃତ୍ୟୁ। ଉଦ୍ଧାର କରିବାକୁ ଯାଇଥିବା ଆଇଆଇସିଙ୍କୁ ପଥର ମାଡ଼। ଥାନା ଅଧିକାରୀଙ୍କ ଫାଟିଲା ମୁଣ୍ଡ। ରାୟଗଡ଼ା ଜିଲ୍ଲା ପଦ୍ମପୁରରେ ଏଭଳି ନୃଶଂସ ହତ୍ୟାକାଣ୍ଡ ଘଟିଛି। ଏହି ଘଟଣାରେ ପୋଲିସ ୨୦ ଜଣଙ୍କୁ ଅଟକ ରଖିଛି। ମୃତକ ଜଣଙ୍କ ହେଲେ ପଦ୍ମପୁର ହାଟପଦା ସାହିର ଭୈରବ ସାହୁ (୫୫ ବର୍ଷ)।
ସୂଚନାନୁଯାୟୀ, ସୋମବାର ରାତିରେ ପଦ୍ମପୁର ହାଟପଦା ସାହିର ଭୈରବ ସାହୁଙ୍କୁ କିଛି ଲୋକ ଗୁଣି ଗାରେଡି ସନ୍ଦେହରେ ପଚରା ଉଚରା କରିବାକୁ ଯାଇଥିଲେ। ଏହାପରେ ଉଭୟଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା। ପରିସ୍ଥିତି ଅସମ୍ଭାଳ ହୋଇଥିଲା। ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ବୁଝାସୁଝା କରିଥିଲା। ହେଲେ କେହି ବୁଝି ନଥିଲେ। ଲୋକ ଗହଳି ଭିତରେ ପଦ୍ମପୁର ଥାନା ଅଧିକାରୀ ଧରଣୀ ଧର ପ୍ରଧାନଙ୍କ ଉପରକୁ ପଥର ମାଡ ହୋଇଥିଲା। ଥାନା ଅଧିକାରୀଙ୍କ ମୁଣ୍ଡ ଫାଟି ଯାଇଥିଲା। ଚିକିତ୍ସା ପାଇଁ ତାଙ୍କୁ ଡାକ୍ତରଖାନାକୁ ଅଣାଯାଇଥିଲା। ଏହାପରେ ଉତ୍ତ୍ୟକ୍ତ ଲୋକମାନେ ଭୈରବଙ୍କୁ ଆକ୍ରମଣ କରିଥିଲେ।
ଏହି ଖବରଟିକୁ ପଢନ୍ତୁ-ପିସିଆର ଗାଡ଼ିକୁ ଧକ୍କା ଦେଲା ହାଇୱା: ୨ ପୋଲିସ କର୍ମଚାରୀ ମୃତ, ୨ ଗୁରୁତର
