ପୁରୀ,୨୮।୧ ଶ୍ରୀମନ୍ଦିର ସୁରକ୍ଷା ନେଇ ପୁଣି ଉଠିଲା ପ୍ରଶ୍ନ । ନୋ ଫ୍ଲାଇଂ ଜୋନ୍ରେ ଉଡ଼ିଲା ଡ୍ରୋନ୍ । ଶ୍ରୀମନ୍ଦିର ଉପର ନୋ ଫ୍ଲାଇଂ ଜୋନ୍ ହୋଇଥିବା ସତ୍ତ୍ୱେ ଉଡ଼ିଲା ଡ୍ରୋନ୍। ଶ୍ରୀମନ୍ଦିର ନୀଳଚକ୍ର ଓ ପରିକ୍ରମା ମାର୍ଗ ଉପରି ଭାଗରେ ପଇଁତରା ମାରିଲା ଡ୍ରୋନ୍। ପ୍ରାୟ ୨୫ ମିନିଟ୍ ଧରି ଉଡିଲା ଡ୍ରୋନ। ଡ୍ରୋନଟି କେଉଁଠାରୁ ଅପରେଟିଂ ହୋଇଛି ସେ ନେଇ କୌଣସି ସ୍ପଷ୍ଟ ସୂଚନା ମିଳିପାରିନାହିଁ।
ସୂଚନାଯୋଗ୍ୟ ଯେ, ଗତ ଜାନୁଆରୀ ୫ ତାରିଖରେ ମଧ୍ୟ ଏକ ଡ୍ରୋନ୍ ଶ୍ରୀମନ୍ଦିର ଉପରେ ଉଡିଥିଲା। ପ୍ରାୟ ଅଧଘଣ୍ଟା ଧରି ଉଡିଥିଲା ଡ୍ରୋନ୍। ପ୍ରଥମେ ମେଘନାଦ ପାଚେରୀ ଚାରିପଟେ ପରେ ଦଧିନଉତି ଉପରେ ଉଡ଼ିଥିଲା ଡ୍ରୋନ୍ । ଏହା ପରେ ଶ୍ରୀମନ୍ଦିର ନୀଳଚକ୍ର ଉପରେ ଏବଂ ଏହାର ଚାରିପଟେ ମଧ୍ୟ ଉଡ଼ିଥିଲା ଡ୍ରୋନ୍ । ପୂର୍ବରୁ ମଧ୍ୟ ଶ୍ରୀମନ୍ଦିର ଉପରେ ବାରମ୍ବାର ଉଡିଛି ଡ୍ରୋନ୍ । ଶ୍ରୀମନ୍ଦିର ଉପରେ ଡ୍ରୋନ ଉଡିବା ଏବଂ ମନ୍ଦିର ଭିତର ଫଟୋ , ଗର୍ଭଗୃହ ଫଟୋ ସୋସିଆଲ ମିଡିଆାରେ ଭାଇଲାର ମଧ୍ୟ ହେଉଛି। ଏହାକୁ ନେଇ ଶ୍ରୀମନ୍ଦିରର ସୁରକ୍ଷା ବ୍ୟବସ୍ଥାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି।
