ନୂଆଦିଲ୍ଲୀ,୦୭/୧୧: ବିଶେଷଜ୍ଞ ମାନେ କହିଛନ୍ତି ଯେ ଡୋନାଲ୍ଡ ଟ୍ରମ୍ପ ଆମେରିକାର ରାଷ୍ଟ୍ରପତି ହେବା ଭାରତ ପାଇଁ ନୂଆ ସୁଯୋଗ ଖୋଲିବ। ଯଦି ଆମଦାନୀ ଏବଂ H1B ଭିସା ନିୟମକୁ ରୋକିବା ପାଇଁ ନିଷ୍ପତ୍ତି ନିଆଯାଏ, ତେବେ ଫାର୍ମା ଏବଂ ସୂଚନା ପ୍ରଯୁକ୍ତିବିଦ୍ୟା ପରି କେତେକ କ୍ଷେତ୍ର ସମସ୍ୟାର ସମ୍ମୁଖୀନ ହୋଇପାରନ୍ତି। ବୁଧବାର ଦିନ ଡୋନାଲ୍ଡ ଟ୍ରମ୍ପ ଆମେରିକା ରାଷ୍ଟ୍ରପତି ନିର୍ବାଚନ ବିଜୟ ପରେ ବିଶେଷଜ୍ଞ ମାନେ ବିଭିନ୍ନ ଦାବି କରିଛନ୍ତି, ଯେଉଁମାନଙ୍କ ମଧ୍ୟରୁ କେତେକ ଏସୀୟ ଦେଶ ପାଇଁ ସକାରାତ୍ମକ, ଆଉ କେତେକ ନକାରାତ୍ମକ ବାର୍ତ୍ତା ଦେଇଛନ୍ତି।

ସେ କହିଛନ୍ତି ଯେ ଟ୍ରମ୍ପଙ୍କ ସହ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ବନ୍ଧୁତା ଭାରତ-ଆମେରିକା ସମ୍ପର୍କ ଉପରେ ସକରାତ୍ମକ ପ୍ରଭାବ ପକାଇବ। ତେବେ ପାରସ୍ପରିକ ସ୍ୱାର୍ଥ କ୍ଷେତ୍ରରେ ସହଯୋଗ ବଜାୟ ରଖିବା ପାଇଁ ଭାରତକୁ ରଣନୀତି ବଦଳାଇବାକୁ ପଡ଼ିପାରେ। ନୀତି ଆୟୋଗର ପୂର୍ବତନ ଉପାଧ୍ୟକ୍ଷ ରାଜୀବ କୁମାର ବୁଧବାର କହିଛନ୍ତି, 'ଡୋନାଲ୍ଡ ଟ୍ରମ୍ପ ରାଷ୍ଟ୍ରପତି ହେବା ଦ୍ବାରା ଏହା ଭାରତ ପାଇଁ ଏକ ନୂଆ ସୁଯୋଗ ସୃଷ୍ଟି କରିପାରେ। ଟ୍ରମ୍ପ ଦେଶଗୁଡିକ ଉପରେ ଶୁଳ୍କ ଏବଂ ଆମଦାନୀ ପ୍ରତିବନ୍ଧକ ଲଗାଇବେ ଯାହା ସେ ଆମେରିକା ପାଇଁ ଉପଯୋଗର ନୁହେଁ ବୋଲି ଅନୁଭବ କରୁଛନ୍ତି। ଏଥି ମଧ୍ୟରେ ଚୀନ୍ ଏବଂ କେତେକ ୟୁରୋପୀୟ ଦେଶ ମଧ୍ୟ ଏତିରେ ରହିଛି। ଯଦି ଏପରି ହୁଏ, ତେବେ ଏହା ଭାରତୀୟ ରପ୍ତାନି ପାଇଁ ବଜାର ଖୋଲିପାରେ। 

ବୁଧବାର ଏକ ଅନୁସନ୍ଧାନ ରିପୋର୍ଟରେ ଓ୍ବାର୍କଲେସ୍ କହିଛନ୍ତି ଯେ ବାଣିଜ୍ୟ ନୀତି ଦୃଷ୍ଟିରୁ ଟ୍ରମ୍ପ ଏସିଆ ପାଇଁ ସବୁଠାରୁ ଗୁରୁତ୍ୱପୂର୍ଣ୍ଣ ହୋଇପାରନ୍ତି। ଓ୍ବାର୍କଲେସ୍ କହିଛନ୍ତି ଯେ ଆମେ ଅନୁମାନ କରୁଛୁ ଯେ ଡୋନାଲ୍ଡ ଟ୍ରମ୍ପଙ୍କ ଶୁଳ୍କ ପ୍ରସ୍ତାବ ଚୀନ୍‌ର ଜିଡିପି ଦୁଇ ପ୍ରତିଶତ ହ୍ରାସ କରିବ ଏବଂ ଏହି ଅଞ୍ଚଳର ଅନ୍ୟ ଖୋଲା ଅର୍ଥନୀତି ଉପରେ ଚାପ ପକାଇବ। ଘରୋଇ ବଜାର ଉପରେ ଅଧିକ ନିର୍ଭରଶୀଳ ଭାରତ, ଇଣ୍ଡୋନେସିଆ ଏବଂ ଫିଲିପାଇନ୍ସ ସମେତ ଅର୍ଥନୀତି ଅଧିକ ଶୁଳ୍କ ପ୍ରତି କମ୍ ସମ୍ବେଦନଶୀଳ ହେବ ବୋଲି ରିପୋର୍ଟରେ ଦର୍ଶାଯାଇଛି। ରାଜୀବ କୁମାର କହିଛନ୍ତି ଯେ ଡୋନାଲ୍ଡ ଟ୍ରମ୍ପ ଭାରତକୁ ଏକ ବନ୍ଧୁତ୍ୱପୂର୍ଣ୍ଣ ଦେଶ ଭାବରେ ଦେଖିବେ ଏବଂ ତାଙ୍କ କାର୍ଯ୍ୟକାଳ ମଧ୍ୟରେ ଭାରତରେ ଆମେରିକୀୟ କମ୍ପାନୀଗୁଡିକର ବୃହତ ପୁଞ୍ଜି ବିନିଯୋଗ ଆଶା କରାଯାଇପାରେ।