ନୂଆଦିଲ୍ଲୀ : ଶାନ୍ତ ୟୁରୋପୀୟ ଦେଶ ସ୍ୱିଜରଲାଣ୍ଡରେ ନୂଆ ନିୟମ। ୨୦୨୫ ମସିହାକୁ ସ୍ୱାଗତ କରିବା ସହ ଦେଶରେ ନୂଆ ନୀତି ଲାଗୁ ହୋଇଛି। ନୂଆ ଆଇନ ଅନୁସାରେ, ସବୁଠୁ ଅଧିକ ଚର୍ଚ୍ଚା ବୁର୍ଖା ବ୍ୟାନକୁ ନେଇ ହୋଇଛି। ୪ବର୍ଷ ପୂର୍ବେ ହୋଇଥିବା ଜନମତ ସଂଗ୍ରହ ପରେ ସରକାର ଏହି ନିଷ୍ପତ୍ତି ନେଇଛନ୍ତି। ଧରା ପଡ଼ିବା ପରେ ଲକ୍ଷେ ଟଙ୍କା ଯାଏ ଜୋରିମନାର ପ୍ରାବଧାନ ରହିଛି। ଏହି ବିବାଦୀୟ ଆଇନ୍ର ଲାଗୁ ହେବା କ୍ଷଣି ଦେଶ ଭିତରେ ନୁହେଁ ଇସଲାମିକ୍ ଗୋଷ୍ଠୀରେ ଚର୍ଚ୍ଚା ଆରମ୍ଭ ହୋଇ ଯାଇଥିଲା।
ଉଲ୍ଲେଖନୀୟ ଯେ, ମାର୍ଚ୍ଚ ୨୦୨୧ରେ ସ୍ୱିଜରଲାଣ୍ଡ ସରକାର ବୁର୍ଖା ପିନ୍ଧିବା ଓ ନପିନ୍ଧିବାକୁ ନେଇ ଭୋଟିଂ କରାଇ ଥିଲେ। ଯେଉଁଥିରେ ବୁର୍ଖା ବ୍ୟାନର ଆଇନ୍ ପକ୍ଷରେ ୫୨ ପ୍ରତିଶତ ଲୋକ ମତଦାନ କରିଥିଲେ। ଅନ୍ୟପଟେ ଆଇନର ବିରୋଧରେ ୪୮ ପ୍ରତିଶତ ଲୋକ ମତଦାନ କରିଥିଲେ। ୪ବର୍ଷ ପୂର୍ବେ ହୋଇଥିବା ମତଦାନକୁ ଏବେ ଲାଗୁ କରାଯାଇଛି। ବୁର୍ଖା ପ୍ରତିବନ୍ଧକ ଏବେ ଦେଶରେ ନୂଆ ସାମ୍ୱିଧାନିକ ଅନୁଚ୍ଛେଦର ଅଂଶ ହୋଇ ସାରିଛି। ଜୋରିମନା ଭାବେ ୧,୦୦୦ସ୍ୱିଚ୍ ଫ୍ରାଙ୍କ୍ ( ୯୪,୬୫୧,୦୬ଟଙ୍କା) ଆଦାୟ କରାଯିବ।
ଏହି ମାମଲାରେ ମୁକ୍ତି –
ସରକାରଙ୍କ ଦ୍ୱାରା ଜାରି ଆଇନ ଅନୁସାରେ ,ଏହି ଧ୍ୟାନ ରଖିବାର କଥା ଯେ , ଏହି ବୁର୍ଖା ବ୍ୟାନକୁ ଫ୍ଲାଇଟ୍ ଡିପ୍ଲୋମେଟିକ୍ ଓ ବାଣିଜ୍ୟ ଦୂତାବାସ ପରିସରରେ ଲାଗୁ ହେବ ନାହିଁ । ଲୋକେ ସ୍ୱିଜରଲାଣ୍ଡରେ ପୂଜା ସ୍ଥଳୀ ବା କୌଣସି ପ୍ରକାରର ଧର୍ମନିରପେକ୍ଷ ସ୍ଥଳରେ ମଧ୍ୟ ନିଜର ମୁହଁ ଘୋଡାଇ ପାରିବେ।
କାହିଁକି ସରକାର ଏମିତି ଆଇନ ଆଣିଲେ-
ସ୍ୱିସ୍ଇନ୍ଫୋ ଅନୁସାରେ , ବୁର୍ଖା ଉପରେ ପ୍ରତିବନ୍ଧକ ଲଗାଇବାର ପ୍ରୟାସ ଦକ୍ଷିଣପନ୍ଥୀ ସ୍ୱିସ୍ ପିପୁଲ୍ସ ପାର୍ଟି (ଏସଭିପି) ଦ୍ୱାରା ଲଗାଯାଇ ଥିଲା। ହେଲେ ପ୍ରସ୍ତାବରେ ମୁସଲମାନ ବା ଇସଲାମର କୌଣସି ଉଲ୍ଲେଖ କରାଯାଇ ନାହିଁ। ଏହା ମୁଖ୍ୟତଃ ବିରୋଧ ପ୍ରଦର୍ଶନକାରୀଙ୍କ ଦ୍ୱାରା ନିଜର ମୁହଁ ଢାଙ୍କିବା ଓ ବିରୋଧ ପ୍ରଦର୍ଶନ ବେଳେ ହିଂସା ପ୍ରସାର କରିବାରେ ଏହା କରାଯାଉଛି, କିନ୍ତୁ ଏହି ନିଷେଧାଦେଶ ଦେଶରେ ମହିଳାଙ୍କୁ ବୁର୍ଖା ପିନ୍ଧିବା ପାଇଁ ରୋକିବାର ଏକ ମାଧ୍ୟମ ଭାବେ ଦେଖାଯାଇଛି। ଯେତେବେଳେ ଏହି ପ୍ରସ୍ତାବ ଉପସ୍ଥାପିତ କରାଯାଇ ଥିଲା , ତ ସ୍ୱିସ୍ ସରକାର ଏହାର ବିରୋଧ କରିଥିଲେ। ସରକାର ଏହି ତର୍କ ଦେଇଥିଲେ ଯେ, ମହିଳାଙ୍କୁ କଣ ପିନ୍ଧିବା ଉଚିତ୍ ? ଏହା ସ୍ଥିର କରିବା ସରକାରଙ୍କ କାମ ନୁହେଁ। ଏହାପରେ ଏହି ପ୍ରସ୍ତାବ ୨୦୨୧ରେ ଜନମତ ସଂଗ୍ରହ ପାଇଁ ଯାଇଥିଲା, ଯେଉଁଠି ଲୋକେ ସାର୍ବଜନିକ ସ୍ଥାନ ଗୁଡ଼ିକରେ ମୁହଁ ଢାଙ୍କିବା ଉପରେ ପ୍ରତିବନ୍ଧନ ଲଗାଇବାର ପକ୍ଷରେ ମତଦାନ କରି ଥିଲେ।
