ୱାଶିଂଟନ,୨୨/୧ : ଆକ୍ସନ ମୁଡରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ୪୭ତମ ରାଷ୍ଟ୍ରପତି ଭାବେ ଶପଥ ନେବାର ଗୋଟିଏ ଦିନ ହୋଇଛି । ଧଡା ଧଡ ନିଷ୍ପତ୍ତି ନେଉଛନ୍ତି । ବଡ ବଡ ନିୟମ ପରିବର୍ତ୍ତନ ନେଇ ଆଦେଶ ଦେଇଛନ୍ତି । ଏହାରି ଭିତରେ ଋଷ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କୁ କଡା ଚେତାବନା ଦେଇଛନ୍ତି ଡୋନାଲ୍ଡ ଟ୍ରମ୍ପ । ଦୀର୍ଘ ଦିନ ଧରି ଚାଲିଥିବା ଋଷ-ୟୁକ୍ରେନ ଯୁଦ୍ଧକୁ ବନ୍ଦ ନ କଲେ ଋଷର କ୍ଷତି ହେବ । ଯୁଦ୍ଧ ବନ୍ଦ ନକଲେ ନୂଆ କଟକଣା ଲଗାଇବାକୁ ଚେତବନୀ ଦେଇଛନ୍ତି ଡୋନାଲ୍ଡ ଟ୍ରମ୍ପ ।
ଋଷ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କୁ ଖୋଲାଖୋଲି ଧମକ ଦେଇ ଟ୍ରମ୍ପ କହିଛନ୍ତି, ଯଦି ପୁଟିନ ୟୁକ୍ରେନ ଯୁଦ୍ଧ ସମ୍ପର୍କରେ ଆଲୋଚନା ଟେବୁଲକୁ ନ ଆସନ୍ତି ତେବେ ଋଷକୁ କ୍ଷତି ସହିବାକୁ ପଡିବ । ଯୁଦ୍ଧ ବନ୍ଦ ନ କଲେ ଋଷିଆ ଉପରେ ନୂଆ କଟକଣା ଲଗାଯିବ । ତୁରନ୍ତ ୟୁକ୍ରେନ ସହ ଆଲୋଚନା କରି ଯୁଦ୍ଧ ବନ୍ଦ କରିବାକୁ ହେବ । ଯୁଦ୍ଧ ଜାରି ହେଲେ ଋଷକୁ କ୍ଷତି ସହିବାକୁ ପଡିବ । ଯକୌଣସି ସମୟରେ ପୁଟିନଙ୍କୁ ଭେଟିବାକୁ ପ୍ରସ୍ତୁତ ରହିଛି ବୋଲି କହିଛନ୍ତି ଟ୍ରମ୍ପ ।
ଏହା ବି ପଢନ୍ତୁ...ଟ୍ରମ୍ପଙ୍କ ମହାନ ରାଷ୍ଟ୍ରର ସ୍ବପ୍ନକୁ ନେଇ ଉଠିଲା ପ୍ରଶ୍ନ; କେତେ ପଛୁଆ ଅଛି ଆମେରିକା?
ଡୋନାଲ୍ଡ ଟ୍ରମ୍ପ ଆହୁରି କହିଛନ୍ତି, ୟୁକ୍ରେନ ଯୁଦ୍ଧ ଆରମ୍ଭ ହେବାର ନଥିଲା । ଯଦି ଆମେରିକା ରାଷ୍ଟ୍ରପତି ସକ୍ଷମ ହୋଇଥାନ୍ତେ ତେବେ ଏହି ଯୁଦ୍ଧ କେବେ ବି ଆରମ୍ଭ ହୋଇ ନଥାନ୍ତା । ଯଦି ମୁଁ ପ୍ରଥମେ ଆମେରିକା ରାଷ୍ଟ୍ରପତି ହୋଇଥାନ୍ତି ତେବେ ୟୁକ୍ରେନ ଯୁଦ୍ଧ କେବେ ହେବାକୁ ଦେଇନଥାନ୍ତି । ପୁଟିନଙ୍କ ସହ ମୋର ଭଲ ସମ୍ପର୍କ ଅଛି । ଯଦି ମୁଁ ରାଷ୍ଟ୍ରପତି ହୋଇଥାନ୍ତି ତେବେ ଋଷ-ୟୁକ୍ରେନ ଯୁଦ୍ଧ କେବେ ବି ହୋଇନଥାନ୍ତା । ଋଷ କେବେବି ୟୁକ୍ରେନ ଉପରେ ଆକ୍ରମଣ କରିନଥାନ୍ତା । ଯଦି ଆଗାମୀ ଦିନରେ ୟୁକ୍ରେନ ସହ ଋଷ ଯୁଦ୍ଧ ବନ୍ଦ ନକରେ ତେବେ ପରିଣାମ ଭଲ ହେବ ନାହିଁ । ଋଷ ଉପରେ କଟକଣା ଲାଗୁ କରାଯିବ ।
