ନୂଆଦିଲ୍ଲୀ : ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ମଙ୍ଗଳବାର , ୨୧ ଜାନୁଆରୀରେ ନିଜ କାର୍ଯ୍ୟକାଳରେ ନିଜର ପ୍ରଥମ ପୂରା ଦିନ ଆରମ୍ଭ କରିବେ। ଟ୍ରମ୍ପ ୪୭ତମ ଆମେରିକୀୟ ରାଷ୍ଟ୍ରପତି ଭାବେ ଶପଥ ନେଇ ସାରିଛନ୍ତି , ଶପଥ ଗ୍ରହଣ ସମାରୋହରେ ସେ ୨୫୦ମିଲିୟନ ଡଲାରର ପାଣ୍ଠି ସଂଗ୍ରହର ରେକର୍ଡ କରିଛନ୍ତି। ଏହି ସଂଖ୍ୟା ବଢିବାରେ ଲାଗିଛି।
ଟ୍ରମ୍ପ ଶପଥ ନେବାର କିଛି ଘଣ୍ଟାପରେ , ଇମିଗ୍ରେସନରୁ ନେଇ ପରିବେଶ ଓ ସଂସ୍କୃତି ଯୁଦ୍ଧ ଯାଏ ପ୍ରତି ଜିନିଷ ଉପରେ ଅନେକ କାର୍ଯ୍ୟକାରୀ ଆଦେଶରେ ଦସ୍ତଖତ କରିଛନ୍ତି।
ଡୋନାଲ୍ଡ ଟ୍ରମ୍ପ ସରକାରୀ ନିଯୁକ୍ତିକୁ ରୋକିବାର ଆଦେଶ ଦେବା ସହ ସଂଘୀୟ କର୍ମଚାରୀଙ୍କୁ ତୁରନ୍ତ ପୂର୍ଣ୍ଣ ସମୟ ବ୍ୟକ୍ତିଗତ କାମକୁ ଫେରିବା ପାଇଁ ଆବଶ୍ୟକ ଉପରେ ଦସ୍ତଖତ କରିଛନ୍ତି। ଏକ ଜ୍ଞାପନରେ , ଟ୍ରମ୍ପ ସଂଘୀୟ କର୍ମଚାରୀଙ୍କୁ ପୂର୍ଣ୍ଣ ସମୟ ଭାବେ କାର୍ଯ୍ୟାଳୟକୁ ଫେରିବାକୁ କହିଛନ୍ତି। ବୟାନରେ ବ୍ୟବହୃତ କରାଯାଇ ଥିବା ଭାଷା ସେହି ଚ୍ୟାଲେଞ୍ଜ ଗୁଡ଼ିକୁ ରେଖାଙ୍କିତ କରୁଛି , ଯାହାର ସାମନା ନୂଆ ଟ୍ରମ୍ପ ପ୍ରଶାସନକୁ କରିବାକୁ ପଡ଼ିପାରେ, ରିମୋଟ ୱାର୍କକୁ ବନ୍ଦ କରିବାକୁ ପବ୍ଲିକ ସେକ୍ଟର ୱାର୍କ୍ସ ପ୍ରତିନିଧିତ୍ୱ କରୁଥିବା ୟୁନିୟନ ଗୁଡ଼ିକ ଦ୍ୱାରା କଡ଼ା ବିରୋଧକୁ ଦେଖି ଏହି ପଦକ୍ଷେପ ନିଆଯାଇ ପାରେ।
ସରକାରଙ୍କର କାର୍ଯ୍ୟକାରୀ ଶାଖାର ସବୁ ବିଭାଗ ଓ ଏଜେନ୍ସିର ପ୍ରମୁଖଙ୍କୁ ଯଥାଶୀଘ୍ର , ରିମୋଟ ୱାର୍କ ବ୍ୟବସ୍ଥାକୁ ବନ୍ଦ କରିବା ପାଇଁ ସବୁ ଆବଶ୍ୟକୀୟ ପଦକ୍ଷେପ ଉଠାଇବାକୁ ହେବ ଏବଂ କର୍ମଚାରୀଙ୍କୁ ପୂର୍ଣ୍ଣକାଳୀନ ଆଧାରରେ ନିଜ ନିଜର ଡ୍ୟୁଟି ଷ୍ଟେସନ ଉପରେ ବ୍ୟକ୍ତିଗତ ଭାବେ କାମକୁ ଫେରିବାକୁ ହେବ।ଟ
ଏହିସବୁ କମ୍ପାନୀ ଘରୁ କାମ କରିବା ବନ୍ଦ କରିଦେଇଛନ୍ତି –
ଆମାଜନ , ଜେପି ମୋର୍ଗାନ , ଡିଜନୀ , ଡେଲ୍, ଜୁମ୍ , ଆଇବିଏମ < ଟେସ୍ଲା ,ସ୍ନାପଚାଟ୍ , ଉବେର , ଟ୍ୱିଟର , ଷ୍ଟାକବକ୍ସ ଓ ୱାଲମାର୍ଟ ସେହି ସବୁ କମ୍ପାନୀ ଗୁଡ଼ିକରେ ସାମିଲ , ଯେଉଁମାନେ ଆମେରିକାରେ ଘରୁ କାମ କରିବାରୁ ସୁବିଧାକୁ ସଂପୂର୍ଣ୍ଣ ରୂପେ ବନ୍ଦ କରିଦେଇଛନ୍ତି। ଏଥିରେ ଅଧିକାଂଶ କମ୍ପାନୀ ଗୁଡ଼ିକରେ କିଛି କର୍ମଚାରୀମାନେ ଅଫିସ ଫେରିବାର ଆଦେଶକୁ ନେଇ ଅସନ୍ତୁଷ୍ଟ ବ୍ୟକ୍ତି କରିଛନ୍ତି।
