ନୀଳଗିରି,୨୪/୯(ଆ.ପ୍ର):ଅଦିନରେ ଚାଲିଗଲେ ନୀଳଗିରି ରାଜପରିବାର ସଦସ୍ୟ ସାହେବ ମର୍ଦ୍ଦରାଜ ହରିଚନ୍ଦନ।ଖାଲି ପରିବାର,ବନ୍ଧୁବାନ୍ଧବ,ଆତ୍ମୀୟ ମାନେ ନୁହଁ ତାଙ୍କର ପ୍ରିୟ ଆଲେକ୍ସ ଆଜି ଆଖିରେ ଲୁହ ଗଡାଇ ଝୁରୁଛି। ଏଭଳି ହୃଦୟବିଦାରକ ଘଟଣା ନଜରକୁ ଆସିଛି।

ସୂଚନାଯୋଗ୍ୟ ନୀଳଗିରି ରାଜପରିବାର ସଦସ୍ୟ ତଥା ଏକାଧାରରେ ପୂର୍ବତନ wild ଲାଇଫ ୱାଡେନ ,ଯୁବନେତା, ସମାଜସେବୀ, ସାମ୍ବାଦିକ ହରପ୍ରସାଦ ମର୍ଦ୍ଦରାଜ ହରିଚନ୍ଦନଙ୍କ ଅକାଳ ବିୟୋଗରେ ସମଗ୍ର ନୀଳଗିରି ଅଞ୍ଚଳରେ ଶୋକର ଛାୟା ଖେଳିଯାଇଛି। ସ୍ୱର୍ଗତ ମର୍ଦ୍ଦରାଜ ଦୀର୍ଘଦିନ ଧରି ହୃଦୟ,କିଡନୀ  ରେ ସଂକ୍ରମିତ ହୋଇଥିଲେ। ଗତ ରବିବାର ଦିନ ତାଙ୍କର ପ୍ରାଣବାୟୁ ଉଡିଯାଇଥିଲା। 

ଏହି ସମୟ ଭିତରେ ଏକ ହୃଦୟ ବିଦାରକ ଘଟଣା ଦେଖିବାକୁ ମିଳିଛି।ସାହେବ ଜଣେ ପଶୁ ପ୍ରେମୀ ଥିବାବେଳେ ସେ କୁକୁର ପାଳିବାକୁ ଭଲ ପାଆନ୍ତି।ଆଲେକ୍ସ ନାମକ କୁକୁର ତାଙ୍କୁ ନଦେଖିଲେ ରହି ପାରେନି।ତାଙ୍କ ହାତରେ ଖାଇଲେ ରାତିରେ ତାଙ୍କ ଶଯ୍ୟା ନିକଟରେ ଶୋଇଥାଏ।ଘରୁ ଯିବା ଦିନଠାରୁ ସେ ମାଲିକକୁ ବହୁ ଖୋଜୁଥିଲା।ହେଲେ ଘରକୁ ଶବ ଆସିବା ପରେ ପାଖକୁ ଆସି ବୁଲିଯିବା ସହ ଲୁହ ଝରାଇ କାନ୍ଦୁଛି।ନା ଭଲ କରି ଖାଉଛି ନା ଶୋଉଛି।ମାଲିକଙ୍କ ଶଯ୍ୟାକୁ ଅନାଇ ଅନାଇ ଝୁରୁଥିବା ଭଳି ଦେଖାଯାଇଛି।