ଜଳେଶ୍ୱର, ୨୬।୯: ସୁବର୍ଣ୍ଣରେଖାକୁ ୨୨୦୦ କ୍ୟୁମେକ୍ ବନ୍ୟାଜଳ ଛାଡ଼ିଲା ଗାଲୁଡିହି । ଚଳିତ ବର୍ଷ ସୁବର୍ଣ୍ଣରେଖାରେ ଦ୍ଵିତୀୟ ଥର ପାଇଁ ବନ୍ୟା ଆଶଙ୍କା । ନଦୀର ଉପର ମୁଣ୍ଡା ଝାରଖଣ୍ଡ ଓ ଅବବାହିକାରେ ପ୍ରବଳ ବର୍ଷା ହୋଇଥିବା ସୂଚନା । ଦିନ ୧୦ଟାରେ ବନ୍ୟା ଜଳ ଛାଡ଼ିଥିବା ସୂଚନା ଦେଲା କେନ୍ଦ୍ରୀୟ ଜଳ ଆୟୋଗ ।
ଗାଲୁଡିହି ବ୍ୟାରେଜରେ ଜଳଧାରଣ କ୍ଷମତା ୯୪.୫ ମି. ରହିଥିବା ବେଳେ ବର୍ତ୍ତମାନ ୧୦୧.୨୫ମି. ରହିଛି । ଲଗାଣ ବର୍ଷା ଯୋଗୁଁ ଜଳସ୍ତର ବୃଦ୍ଧି ହେଉଥିବା ସୂଚନା । ପୁଣି ବଢୁଛି ସୁବର୍ଣ୍ଣରେଖା ନଦୀର ଜଳସ୍ତର । ରାଜଘାଟ ନିକଟରେ ସତର୍କ ସୂଚନା ୯.୪୫ ଥିବାବେଳେ ବିପଦ ସଙ୍କେତ ୧୦.୩୬ ମି. ରହିଛି । ଗୁରୁବାର ଅପରାହ୍ନ ୧୨ଟା ସୁଦ୍ଧା ଜଳସ୍ତର ହ୍ରାସ ପାଇ ୭.୬୨ ମି.ରେ ପ୍ରବାହିତ ହେଉଛି । ଏହା ଦ୍ୱାରା ବାଲିଆପାଳ, ଭୋଗରାଇ, ଜଳେଶ୍ୱର, ବସ୍ତା ଅଞ୍ଚଳରେ ଏକାଧିକ ଗାଁ ବନ୍ୟାଜଳରେ ବୁଡ଼ି ରହିବା ସହ କ୍ଷତି ଗ୍ରସ୍ତ ହେବା ନେଇ ଆଶଙ୍କା ରହିଛି ।