ଫିରିଙ୍ଗିଆ,୨୭/୯ : କନ୍ଧମାଳ ଜିଲ୍ଲା ଫିରିଙ୍ଗିଆ ଶିକ୍ଷା ବିଭାଗ ଅଧୀନରେ ଥିବା ଲୁ ଇସିଂ ଶିକ୍ଷା ସାଧନା କେନ୍ଦ୍ର ସ୍ତରୀୟ ଶିଶୁ ଉତ୍ସବ ସୁରଭି ଲୋଇସିଂ ଉନ୍ନୀତ ଉଚ୍ଚବିଦ୍ୟାଳୟ ଠାରେ ଅନୁଷ୍ଠିତ ହୋଇଯାଇଛି I ବିଦ୍ୟାଳୟର ପ୍ରଧାନ ଶିକ୍ଷକ ପ୍ରଭାକର ସାମଲଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ସରକାରୀ ଉଚ୍ଚବିଦ୍ୟାଳୟର ପ୍ରଧାନ ଶିକ୍ଷକ ରାମଚନ୍ଦ୍ର ବେହେରା ମୁଖ୍ୟ ଅତିଥି ଭାବେ ଯୋଗ ଦେଇ କାର୍ଯ୍ୟକ୍ରମକୁ ଆନୁଷ୍ଠାନିକ ଭାବେ ଉଦଘାଟନ କରିଥିବାବେଳେ ଅନ୍ୟମାନଙ୍କ ମଧ୍ୟରେ ପିଣ୍ଡାଙ୍ଗୀ ସାଧନ କର୍ମୀ ସୁକାନ୍ତ ଦିଗାଲ, ଭୃଙ୍ଗିଯୋଡି ସାଧନ କର୍ମୀ ଅଂଶୀମ ନାଏକ, ଲୁ ଇସିଂ ହାଇସ୍କୁଲ ପରିଚାଳନା କମିଟି ସଭାପତି ଗୋବିନ୍ଦ ମଳିକ ପ୍ରମୁଖ ସମ୍ମାନିତ ଅତିଥି ଭାବରେ ଯୋଗଦେଇଥିଲେ I ଅନ୍ୟପଟେ ଏହି କାର୍ଯ୍ୟକ୍ରମରେ ଲୁ ଇସିଂ ସାଧନା କେନ୍ଦ୍ର ଅଧୀନରେ ଥିବା ମାଲକେରି, ସୁପ୍ଲା, କୁମେଲସିଂ, ଡା ଙ୍ଗାଣାମୁ, ଭାଟୁଲି, ଲାଠିକୁମ୍ପା, କଡମପାଙ୍ଗା ଓ ଲୋଇସିଂ ପ୍ରାଥମିକ ବିଦ୍ୟାଳୟର ପ୍ରାୟ ୫୦ଜଣ ଛାତ୍ରଛାତ୍ରୀ ଭାଗନେଇ ବିଭିନ୍ନ ପ୍ରକାର କଳା ପ୍ରଦର୍ଶନ କରିଥିଲେ I
କାର୍ଯ୍ୟକ୍ରମ ଶେଷରେ ଛାତ୍ରଛାତ୍ରୀମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିବାବେଳେ ବିଭିନ୍ନ ବିଭାଗରେ କୃତିତ୍ୱ ଅର୍ଜନ କରିଥିବା ଛାତ୍ରଛାତ୍ରୀମାନଙ୍କୁ ଅତିଥିମାନଙ୍କ ଦ୍ୱାରା ପୁରସ୍କୃତ କରାଯାଇଥିଲା I ସେପଟେ ଏହି କାର୍ଯ୍ୟକ୍ରମରେ ଲୁ ଇସିଂ ବିଦ୍ୟାଳୟ ସହ ଅନ୍ୟ ବିଦ୍ୟାଳୟମାନଙ୍କରୁ ଆସିଥିବା ଶିକ୍ଷକଶିକ୍ଷୟିତ୍ରୀମାନେ ମିଳିମିଶି ସହଯୋଗ କରିଥିଲେ I