ଭୁବନେଶ୍ୱର,୦୩/୦୫: ବାପା ପରିବା ବ୍ୟବସାୟୀ,ଝିଅ ବ୍ଲକ ଟପ୍ପର । ଭଦ୍ରକ ଜିଲ୍ଲାର ମାଟ୍ରିକ ପରୀକ୍ଷାର୍ଥୀଙ୍କ ମଧ୍ୟରେ ତୃତୀୟ ସ୍ଥାନ ଗ୍ରହଣ କରିଥିବା ବେଳେ ଭଦ୍ରକ ବ୍ଲକ ଟପ୍ପର ହୋଇଛନ୍ତି ଦେବିରାଣୀ ସାହୁ । ସେ ୬୦୦ ରୁ ୫୭୪ ଅର୍ଥାତ ୯୫.୦୬ ପ୍ରତିଶତ ମାର୍କ ରଖିଛନ୍ତି । ତାଙ୍କର ଏହି ସଫଳତା ପାଇଁ ସେ ବାପା, ମାଆ ଓ ଶିକ୍ଷକ ଶିକ୍ଷୟତ୍ରୀ ଏବଂ ସହପାଠୀଙ୍କୁ ଶ୍ରେୟ ଦେଇଛନ୍ତି ।
ପରୀକ୍ଷା ପାଇଁ ସେ ପ୍ରତ୍ୟେକ ଦିନ ୬ ରୁ ୮ ଘଣ୍ଟା ଧରି ପରିଶ୍ରମ କରୁଥିବା ବେଳେ ଘରେ ବାପା ଓ ମାଆଙ୍କର ସମ୍ପୂର୍ଣ୍ଣ ସହଯୋଗ ରହିଥିଲା । ନିଜ ପରିଶ୍ରମ ଅନୁଯାୟୀ ଆଶା କରିଥିବା ଫଳ ମିଳିଛି ବୋଲି କହିଛନ୍ତି ଦେବିରାଣି । ମାଟ୍ରିକ ପରୀକ୍ଷା ଫଳ ପ୍ରକାଶ ପାଇବା ପରେ ଶିଶୁ ମନ୍ଦିର ତରଫରୁ ତାଙ୍କୁ ସମ୍ବର୍ଦ୍ଧନା ଦିଆଯାଇଛି । ସେ ଭବିଷ୍ୟତରେ ଡାକ୍ତର ହେବା ପାଇଁ ଲକ୍ଷ୍ୟ ରଖିଛନ୍ତି । ତେବେ ଝିଅର ସଫଳତା ପାଇଁ ବାପା ମଧ୍ୟ ଅକ୍ଲାନ୍ତ ପରିଶ୍ରମ କରୁଥିଲେ । ସେ ବେପାରକୁ ଯିବା ପୂର୍ବରୁ ରାତି ଅଧରୁ ଉଠି ଝିଅ ପାଠ ପଢ଼ିବା ବେଳେ ପାଖରେ ବସି ରହୁଥିଲେ । ଝିଅ ଭବିଷ୍ୟତରେ ଲୋକଙ୍କ ସେବା କରୁ ବୋଲି ଆଶା ରଖିଛନ୍ତି ଦେବିରାଣିଙ୍କ ବାପା ମାଆ ।
