ନୂଆଦିଲ୍ଲୀ, ୦୩/୦୪: ଡେରାଡୁନରେ ମର୍ମନ୍ତୁଦ ସଡ଼କ ଦୁର୍ଘଟଣା। ଡିଭାଇଡରକୁ ପିଟିଲା ବାଇକ୍ । ଫଳରେ ତିନି ଜଣ ଯୁବକଙ୍କ ମୃତ୍ୟୁ ହୋଇଛି। ମୃତକଙ୍କ ମଧ୍ୟରେ ଦୁଇ ଜଣ ଅଗ୍ନିବୀର ସେନାରେ ସାମିଲ ଥିବା ଜଣାପଡ଼ିଛି।
ସୂଚନା ମୁତାବକ, ମଙ୍ଗଳବାର ବିଳମ୍ବିତ ରାତି ପ୍ରାୟ ୨ଟା ୧୫ ମିନିଟ୍ ସମୟରେ ତିନି ଜଣ ଯୁବକ ଏକ ବାଇକ୍ ଯୋଗେ ରାଜପୁରରୁ ଘଣ୍ଟାଘର ଅଭିମୁଖେ ଯାଉଥିଲେ । ସେହି ସମୟରେ ସିଲଭର ସିଟି ନିକଟରେ ବାଇକ୍ଟି ନିୟନ୍ତ୍ରଣ ହରାଇ ଡିଭାଇଡର୍ରେ ପିଟି ହୋଇଥିଲା। ୟାହା ଫଳରେ ରାସ୍ତାକୁ ଓଲଟି ପଡ଼ିଥିଲା। ଏହି ଦୁର୍ଘଟଣାରେ ତିନି ଜଣ ଯୁବକ ଗୁରୁତର ଆହତ ହୋଇଥିଲେ। ପୋଲିସ ଘଟଣାସ୍ଥଳରେ ପହଞ୍ଚି ତୁରନ୍ତ ଆହତମାନଙ୍କୁ ହସ୍ପିଟାଲକୁ ନେଇଯାଇଥିଲା। ହେଲେ ସେଠାରେ ଚିକିତ୍ସା ସମୟରେ ତିନି ଜଣଙ୍କ ମୃତ୍ୟୁ ହୋଇଥିଲା।
ଏହା ମଧ୍ୟ ପଢନ୍ତୁ- EPFO ସଦସ୍ୟଙ୍କ ପାଇଁ ଆସିଲା ଖୁସି ଖବର,ସହଜ ହେଲା କ୍ଲେମ୍ ସେଟେଲମେଣ୍ଟ ପ୍ରକ୍ରିୟା
ଏହି ଦୁର୍ଘଟଣା ଯୋଗୁଁ ତିନି ଜଣଙ୍କ ପରିବାରରେ ଶୋକର ଛାୟା ଖେଳିଯାଇଛି। ପୋଲିସ ତଦନ୍ତରୁ ଜଣାପଡିଛି ଯେ, ଦୁର୍ଘଟଣାର ମୁଖ୍ୟ କାରଣ ହେଉଛି ଦ୍ରୁତ ଗତି ଏବଂ ବାଇକ୍ର ଭାରସାମ୍ୟ ହରାଇବା। ଏହା ମଧ୍ୟ ଆଶଙ୍କା କରାଯାଉଛି ଯେ ବାଇକ୍ ଆରୋହୀମାନେ ହେଲମେଟ୍ ପିନ୍ଧି ନଥିଲେ, ଯାହା ଫଳରେ ମୁଣ୍ଡରେ ଗମ୍ଭୀର ଆଘାତ ଲାଗିଥିଲା। ପୋଲିସ ଏହି ଦୁର୍ଘଟଣାର ତଦନ୍ତ ଜାରି ରଖିଛି।
