ନୂଆଦିଲ୍ଲୀ,୦୭/୦୫: ପହଲଗାମ ଆତଙ୍କବାଦୀ ଆକ୍ରମଣର ପ୍ରତିଶୋଧ। ଗତକାଲି ମଧ୍ୟରାତ୍ରୀରେ ଭାରତୀୟ ସେନା  ପାକିସ୍ତାନ ଏବଂ ପାକ୍ ଅଧିକୃତ କାଶ୍ମୀରରେ 'ଅପରେସନ୍ ସିନ୍ଦୂର' ଅଧୀନରେ ୯ଟି ଆତଙ୍କବାଦୀ ଶିବିର ଉପରେ ଏୟାରଷ୍ଟ୍ରାଇକ କରିଛି।  ଆଉ ଏହାରି ମଧ୍ୟରେ  ଭାରତୀୟ ସେନାର ତିନି ମୁଖ୍ୟଙ୍କ ସହ କଥା ହୋଇଛନ୍ତି ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ।  'ଅପରେସନ୍ ସିନ୍ଦୂର' ସମ୍ପର୍କରେ ହୋଇଛି ଆଲୋଚନା। 

ଏହା ମଧ୍ୟ ପଢନ୍ତୁ- Operation Sindoor: ରାଫେଲ, ସୁଖୋଇର ଗର୍ଜନରେ ଥରିଲା ପାକିସ୍ତାନ ଛାତି; ସେପଟେ କିଛି ନିର୍ଦ୍ଦିଷ୍ଟ ସ୍ଥାନକୁ ବିମାନ ସେବା ରଦ୍ଦ କଲା ଏୟାର ଇଣ୍ଡିଆ

ଭାରତୀୟ ସେନା ମଙ୍ଗଳବାର ମଧ୍ୟରାତ୍ରୀରେ ଆତଙ୍କବାଦୀ ଶିବିର ଉପରେ ଏୟାରଷ୍ଟ୍ରାଇକ କରିଥିଲା । ଅନ୍ୟପଟେ ରକ୍ଷା ମନ୍ତ୍ରାଳୟ ଘୋଷଣା କରିଛି ଯେ, ଅପରେସନ ସିନ୍ଦୂରକୁ ନେଇ ଆଜି ଦିନ ୧୦ଟା ସମୟରେ ପ୍ରେସ୍ କନଫରେନ୍ସ ହେବ । ତେବେ ୧୯୭୧ ପରେ ଭାରତ ପ୍ରଥମ ଥର ପାଇଁ ପାକିସ୍ତାନ ଉପରେ ଏଭଳି ଆକ୍ରମଣ କରିଛି । ଏହି ଆକ୍ରମଣ ପାକିସ୍ତାନ ଓ ପାକିସ୍ତାନ ଅଧିନରେ ଥିବା ଜାମ୍ମୁ କାଶ୍ମୀରର ଆତଙ୍କବାଦୀ ଶିବିର ଉପରେ ଟାର୍ଗେଟ କରି ହୋଇଥିଲା । ଏହା ପହଲଗାମରେ ହୋଇଥିବା ଆତଙ୍କୀ ଆକ୍ରମଣର ପ୍ରତିଶୋଧ ନେବା ପାଇଁ  ଏବଂ ଜୈଶ-ଏ-ମହମ୍ମଦ ଓ ଲଶକର-ଏ-ତୈୟବାର ନେତାଙ୍କୁ ଶେଷ କରିବା ପାଇଁ ଆକ୍ରମଣ ହୋଇଥିଲା । ଯେଉଁମାନେ ଭାରତର ଆତଙ୍କୀ ଆକ୍ରମଣର ଯୋଜନା କରୁଥିଲେ ।