ନୂଆଦିଲ୍ଲୀ: ପହଲଗାମରେ ହୋଇଥିବା ଆତଙ୍କବାଦୀ ଆକ୍ରମଣର ପ୍ରତିଶୋଧ ନେଇଛି ଭାରତ । ମଙ୍ଗଳବାର ମଧ୍ୟରାତ୍ରିରେ ଭାରତୀୟ ବାୟୁସେନା ଅପରେସନ ସିନ୍ଦୂର ମାଧ୍ୟମରେ ପାକିସ୍ତାନର ମୁଜାଫରାବାଦ ସମେତ ୨୧ଟି ଆତଙ୍କବାଦୀ ଆଡ୍ଡାକୁ ଧ୍ୱଂସ କରିଛି । ଏହି ଆକ୍ରମଣରେ ବହୁ ସଂଖ୍ୟକ ଆତଙ୍କବାଦୀ ନିହତ ହୋଇଛନ୍ତି । ଏହି ଆକ୍ରମଣରେ ଭାରତ SCALP କ୍ରୁଜ୍ ମିସାଇଲ୍, ହାମର ବୋମା ବ୍ୟବହାର କରିଥିଲା। ଭାରତ କାହିଁକି ଉଭୟକୁ ବ୍ୟବହାର କଲା ? SCALP କ୍ରୁଜ୍ ମିସାଇଲର ବିଶେଷତ୍ୱ କ’ଣ? ହାମର ବୋମା କିପରି ବିନାଶ କରେ ? ଆସନ୍ତୁ ଆମେ ଆପଣଙ୍କୁ ଏହି ଦୁଇଟି ଘାତକ ଅସ୍ତ୍ରର ବୈଶିଷ୍ଟ୍ୟ ଏବଂ ମୂଲ୍ୟସଂପର୍କେର ଜାଣିବା ।

SCALP ହେଉଛି ରାଫେଲ ଚୁକ୍ତି ଅନୁଯାୟୀ ଭାରତ ସରକାର ଫ୍ରାନ୍ସଠାରୁ କିଣାଯାଇଥିବା ଏକ ଦୂରଗାମୀ କ୍ରୁଜ୍ କ୍ଷେପଣାସ୍ତ୍ର। ଏହି କ୍ଷେପଣାସ୍ତ୍ରର ଲକ୍ଷ୍ୟଭେଦ କ୍ଷମତା ୫୦୦ କିଲୋମିଟରରୁ ଅଧିକ। ଓଜନ ପ୍ରାୟ ୧୩୦୦ କିଲୋଗ୍ରାମ। ଏହା ରାଡାରକୁ ଚକମା ଦେଇ ଭୂମି ଉପରେ ଉଡ଼େ ଏବଂ ଲକ୍ଷ୍ୟସ୍ଥଳକୁ ସଠିକତାର ସହ ଭେଦ କରେ। ଫଳରେ ଜୀବନ ଏବଂ ସମ୍ପତ୍ତିର ସର୍ବନିମ୍ନ କ୍ଷତି ହୁଏ। ଏହା ଇନଫ୍ରାରେଡ୍ ଏବଂ GPS ନାଭିଗେସନ୍‌ରେ କାର୍ଯ୍ୟ କରେ । ଏହା ଟାର୍ଗେଟକୁ ସମ୍ପୂର୍ଣ୍ଣ ଭାବରେ ଧ୍ୱଂସ କରିପାରେ । ଗୋଟିଏ କ୍ଷେପଣାସ୍ତ୍ରର ଆନୁମାନିକ ମୂଲ୍ୟ ପ୍ରାୟ ୩୦ରୁ ୩୫ କୋଟି ଟଙ୍କା । 

ହାମର ବୋମା ମଧ୍ୟ ଫ୍ରାନ୍ସରେ ତିଆରି ହୁଏ । ଏହି ବୋମା ଯୁଦ୍ଧ ବିମାନରୁ ନିକ୍ଷେପ କରାଯାଏ। ଏହା GPS, ଇନର୍ସିଆଲ୍ ନାଭିଗେସନ୍ ଏବଂ ଲେଜର ଟେକନିକ୍‌ ବ୍ୟବହାର କରି ଟାର୍ଗେଟ କରେ । ଏହି ବିନାଶକାରୀ ବୋମା ୬୦ ରୁ ୭୦ କିଲୋମିଟର ପରିସର ମଧ୍ୟରେ ସଠିକ୍ ଭାବରେ ଲକ୍ଷ୍ୟଭେଦ କରିପାରେ। ଏହି ବୋମା ଭୂତଳ ବଙ୍କର ଏବଂ ନିରାପଦ ସ୍ଥାନଗୁଡ଼ିକୁ ଧ୍ୱଂସ କରିବା ପାଇଁ ବ୍ୟବହୃତ ହୁଏ। ଏହାର ଓଜନ ୧୨୫ କିଲୋଗ୍ରାମରୁ ୧୦୦୦ କିଲୋଗ୍ରାମ ପର୍ଯ୍ୟନ୍ତ ହୋଇଥାଏ। ଏହି ବୋମାକୁ ଯାନବାହନ, ବଙ୍କର, କୋଠା ଭଳି ଲକ୍ଷ୍ୟସ୍ଥଳକୁ ଧ୍ୱଂସ କରିବା ପାଇଁ ଡିଜାଇନ୍ କରାଯାଇଛି। ପ୍ରତି ବୋମାର ମୂଲ୍ୟ ପ୍ରାୟ ୩-୫ କୋଟି ଟଙ୍କା ।