ନୂଆଦିଲ୍ଲୀ: ମଙ୍ଗଳବାର ବିଳମ୍ବିତ ରାତିରେ ଭାରତୀୟ ସଶସ୍ତ୍ର ବାହିନୀ ପାକିସ୍ତାନ ଏବଂ ପାକ୍ ଅଧିକୃତ କାଶ୍ମୀର (POK)ରେ ଆତଙ୍କବାଦୀ ଭିତ୍ତିଭୂମି ଉପରେ ଜୋରଦାର ଆକ୍ରମଣ କରିଛି, ଯାହାକୁ ଅପରେସନ ସିନ୍ଦୂର କୁହାଯାଉଛି। ଏହି ଆକ୍ରମଣରେ    କ୍ଷେପଣାସ୍ତ୍ର ଆକ୍ରମଣ କରି ଲସ୍କର-ଏ-ତୋଏବା (LeT) ଏବଂ ଜୈଶ-ଏ-ମହମ୍ମଦ (JeM) ଭଳି ନିଷିଦ୍ଧ ଗୋଷ୍ଠୀର ମୁଖ୍ୟାଳୟକୁ ଟାର୍ଗେଟ କରିଛି ସେନା। "ଅପରେସନ୍ ସିନ୍ଦୂର"ହେଉଛି ପାକିସ୍ତାନ ବିରୋଧୀ ଏକ ଶକ୍ତ କାର୍ଯ୍ୟାନୁଷ୍ଠାନ, ଯାହା ପହଲଗାମ୍ ଆତଙ୍କବାଦୀ ଆକ୍ରମଣର ପ୍ରତିଶୋଧ। ଅପରେସନ ସିନ୍ଦୂରକୁ ଅନ୍ତର୍ଜାତୀୟ ଗଣମାଧ୍ୟମ ମଧ୍ୟ ସ୍ଥାନିତ କରିଛି । ଏହାର ବିକାଶ ଉପରେ ସମଗ୍ର ବିଶ୍ୱର ଧ୍ୟାନ କେନ୍ଦ୍ରିତ ହୋଇଥିଲା।

ଭାରତର ଏହି କାର୍ଯ୍ୟାନୁଷ୍ଠାନ ଦୁଇ ପରମାଣୁ ଶକ୍ତି ସମ୍ପନ୍ନ ପଡ଼ୋଶୀଙ୍କ ମଧ୍ୟରେ ଏକ ବ୍ୟାପକତା ବୃଦ୍ଧିକୁ ଚିହ୍ନିତ କରିଛି । ଅଧିକାଂଶ ବିଶ୍ୱ ପ୍ରକାଶନ ଭାରତୀୟ ମତକୁ ପ୍ରତିଫଳିତ କରିଛନ୍ତି। ଭାରତର ଏହି ଆକ୍ରମଣକୁ ଆକ୍ରମଣାତ୍ମକ କାର୍ଯ୍ୟ ନୁହେଁ ବରଂ ଏକ ଆତଙ୍କବାଦ ବିରୋଧୀ ପଦକ୍ଷେପ ଥିଲା ବୋଲି ବର୍ଣ୍ଣନା କରିଛନ୍ତି। ଅନେକ ଆମେରିକୀୟ ଏବଂ ବିଟିଶ ପ୍ରକାଶନରେ ଏହି ପ୍ରସଙ୍ଗ ହେଡଲାଇନ୍ ହୋଇ ରହିଥିଲା।

ଆମେରିକୀୟ ଗଣମାଧ୍ୟମରେ, ନ୍ୟୁୟର୍କ ଟାଇମ୍ସ ଏହାକୁ ମୁଖ୍ୟ ଶୀର୍ଷକ କରିଛି, କି "କାଶ୍ମୀର ଆକ୍ରମଣ ପରେ ଭାରତ ପାକିସ୍ତାନ ଭିତରେ କ୍ଷେପଣାସ୍ତ୍ର ଆକ୍ରମଣ ଆରମ୍ଭ କରିଛି"। ରିପୋର୍ଟରେ ଭାରତ-ପାକିସ୍ତାନ ବିବାଦରେ ଏହି ଅପରେସନକୁ ବହୁତ ସକରାତ୍ମକ ଭାବରେ ଦେଖାଯାଇଛି । ତେବେ ଭାରତ ଆକ୍ରମଣ ବିଷୟରେ ଆମେରିକାକୁ ପୂର୍ବରୁ ସୂଚନା ଦେଇଥିଲା, ଯାହା ଅନ୍ତର୍ଜାତୀୟ ଘୃଣ୍ୟତାକୁ କମ କରିବା ପାଇଁ ଏକ ପ୍ରୟାସକୁ ସୂଚିତ କରିଥିଲା।

ସେହିଭଳି CNN "ଏହାକୁ ଶୀର୍ଷକ କରିଛି ଯେ, ବିସ୍ତୃତ ସଂଘର୍ଷର ପାର୍ଶ୍ୱରେ ଭାରତ ଏବଂ ପାକିସ୍ତାନ" । ଏହାର କଭରେଜ୍ ଭାରତର ରାଫେଲ ଲଢ଼ୁଆ ବିମାନ ଏବଂ SCALP କ୍ରୁଜ୍ କ୍ଷେପଣାସ୍ତ୍ର ଭଳି ଉନ୍ନତ ଅସ୍ତ୍ରଶସ୍ତ୍ର ବ୍ୟବହାର ଉପରେ ଅଧିକ ଧ୍ୟାନ ଦେଇଥିଲା। ରିପୋର୍ଟରେ ଏହା ମଧ୍ୟ ଉଲ୍ଲେଖ କରାଯାଇଥିଲା ଯେ, ଆକ୍ରମଣ ଆତଙ୍କବାଦୀ ଭିତ୍ତିଭୂମି ଉପରେ ଲକ୍ଷ୍ୟ କରାଯାଇଥିଲା, ସାମରିକ ସମ୍ପତ୍ତି ଉପରେ ନୁହେଁ, ଯାହା ଭାରତର ସ୍ଥିତିକୁ ଆହୁରି ମଜବୁତ କରିଥିଲା।

ୱାଶିଂଟନ୍ ପୋଷ୍ଟର ଶୀର୍ଷକରେ କୁହାଯାଇଛି କି, "ଭାରତ ପାକିସ୍ତାନ ଉପରେ ଆକ୍ରମଣ କରିବା ସହିତ ଉତ୍ତେଜନା ବୃଦ୍ଧି ପାଉଛି, ଇସଲାମାବାଦ ପ୍ରତିକ୍ରିୟା ପ୍ରତି ଶପଥ ନେଇଛି", ରିପୋର୍ଟରେ ଭାରତର କାର୍ଯ୍ୟକୁ "ଶକ୍ତି ପ୍ରଦର୍ଶନ" ବୋଲି କୁହାଯାଇଥିଲା। ରିପୋର୍ଟରେ ସାମରିକ ଲକ୍ଷ୍ୟସ୍ଥଳକୁ ଏଡାଇବା ଏବଂ ସାଧାରଣ ନାଗରିକଙ୍କ ମୃତାହତକୁ ସୀମିତ କରିବାରେ ଭାରତର ସଂଯମତା ଉପରେ ଆଲୋକପାତ କରାଯାଇଥିଲା।

ସେହିଭଳି BBC ଗୁରୁତ୍ୱ ଦେଇଥିଲା ଯେ, ବାହାବଲପୁର ଏବଂ ମୁରିଦକେରେ ଥିବା ଆତଙ୍କୀ କେନ୍ଦ୍ରଗୁଡ଼ିକ ଭାରତୀୟ ଆକ୍ରମଣର ପ୍ରମୁଖ ଲକ୍ଷ୍ୟ ଥିଲା। ଏହାର କଭରେଜ୍ ଆହୁରି ବୃଦ୍ଧି ପାଇଁ ସମ୍ଭାବନା ବିଷୟରେ ଅନ୍ତର୍ଜାତୀୟ ସମ୍ପ୍ରଦାୟର ଚିନ୍ତାକୁ ମଧ୍ୟ ପ୍ରତିଫଳିତ କରିଥିଲା।

ଏବେ ଆସନ୍ତୁ ଜାଣିବା ଅନ୍ୟ ଗଣମାଧ୍ୟମ ଗୁଡ଼ିକ କିପରି ଅପରେସନ ସିନ୍ଦୂରକୁ କଭରେଜ୍ କରିଥିଲେ…

ଦି ୱାଲ ଷ୍ଟ୍ରିଟ୍ ଜର୍ଣ୍ଣାଲ: "ବଢୁଥିବା ଉତ୍ତେଜନା ମଧ୍ୟରେ ଭାରତ ପାକିସ୍ତାନରେ ସନ୍ଦିଗ୍ଧ ଆତଙ୍କବାଦୀ ସ୍ଥଳଗୁଡ଼ିକୁ ଟାର୍ଗେଟ କରିଛି"

ଚିକାଗୋ ଟ୍ରିବ୍ୟୁନ୍: "ଘାତକ କାଶ୍ମୀର ଆକ୍ରମଣ ପରେ ଭାରତ ପାକିସ୍ତାନ ଉପରେ କ୍ଷେପଣାସ୍ତ୍ର ଆକ୍ରମଣ କରିଛି।"

ଦ ଗାର୍ଡିଆନ୍: "କାଶ୍ମୀର ଉତ୍ତେଜନା ବୃଦ୍ଧି ପାଇବା ସହିତ ଭାରତ ପାକିସ୍ତାନ ଭିତରେ ସାମରିକ ଆକ୍ରମଣ ଆରମ୍ଭ କରିଛି"

ଫାଇନାନ୍ସିଆଲ ଟାଇମ୍‌ସ: "ନୂଆଦିଲ୍ଲୀ କ୍ଷେପଣାସ୍ତ୍ର ଆକ୍ରମଣ ନିର୍ଦ୍ଦେଶ ଦେବା ପରେ ଭାରତ-ପାକିସ୍ତାନ ସଙ୍କଟ ବୃଦ୍ଧି ପାଇଛି"

ଦ ଟାଇମ୍ସ: "ପର୍ଯ୍ୟଟକ ହତ୍ୟାକାଣ୍ଡ ପରେ ଭାରତ ପାକିସ୍ତାନ ଉପରେ ବୋମା ପକାଇଛି, ଯାହା ସଂଘର୍ଷର ଭୟ ସୃଷ୍ଟି କରୁଛି"

ଏବିସି ନ୍ୟୁଜ୍: "ଭାରତ ନଅଟି ପାକିସ୍ତାନୀ ଲକ୍ଷ୍ୟସ୍ଥଳ ଉପରେ ଆକ୍ରମଣ କରିଛି"

ଲେ ମଣ୍ଡେ: "ଘାତକ ଆକ୍ରମଣର ଜବାବରେ ନୂଆଦିଲ୍ଲୀ ପାକିସ୍ତାନୀ ଅଞ୍ଚଳ ଉପରେ ଆକ୍ରମଣ କରିଛି"

ଜାପାନ ଟାଇମ୍ସ: "କାଶ୍ମୀର ପର୍ଯ୍ୟଟକ ହତ୍ୟାକାଣ୍ଡ ଉପରେ ଭାରତ ପାକିସ୍ତାନ ଉପରେ ଆକ୍ରମଣ କରିଛି"

ଜାପାନ ଟୁଡେ: "ପର୍ଯ୍ୟଟକ ହତ୍ୟାକାଣ୍ଡ ଉପରେ ଭାରତ ପାକିସ୍ତାନ ଉପରେ ଆକ୍ରମଣ କରିଛି; ପାକିସ୍ତାନ କହିଛି ଯେ ଭାରତୀୟ ଜେଟ୍ ଖସାଇ ଦିଆଯାଇଛି"

ଦ ଟାଇମ୍ସ ଅଫ ଇସ୍ରାଏଲ: "ପାକିସ୍ତାନ ଉପରେ ଆକ୍ରମଣ ପରେ ଇସ୍ରାଏଲ ଭାରତର ଆତ୍ମରକ୍ଷା ଅଧିକାରକୁ ସମର୍ଥନ କରୁଛି"