ଭୁବନେଶ୍ୱର,୦୪/୦୩: ସ୍ନାତକ (ଯୁକ୍ତ ୩) ନାମଲେଖା ପାଇଁ ହେବ ଏକକ ବିଶ୍ୱବିଦ୍ୟାଳୟ ପ୍ରବେଶିକା ପରୀକ୍ଷା (ସିୟୁଇଟି)- ୟୁଜି ଅନ୍ଲାଇନ୍ ଆବେଦନ ଆରମ୍ଭ ହୋଇଛି । । ମାର୍ଚ୍ଚ ୨୬ ତାରିଖ ପର୍ଯ୍ୟନ୍ତ ଆବେଦନ କରିପାରିବେ ଶିକ୍ଷାର୍ଥୀ । ଚଳିତବର୍ଷ ହାଇବ୍ରିଡ୍ ମୋଡ୍ରେ ପରୀକ୍ଷା ହେବ । ଉଭୟ କମ୍ପ୍ୟୁଟର ବେସ୍ଡ ଟେଷ୍ଟ (ସିବିଟି) ଓ ପେନ୍ ପେପର ମୋଡ୍ରେ କରାଯିବ । ତେବେ ମେ ୧୫ରୁ ୩୧ ମଧ୍ୟରେ ପରୀକ୍ଷା କରାଯିବ । ଜୁନ୍ ୩୦ରେ ରେଜଲ୍ଟ ପ୍ରକାଶ ପାଇବା ନେଇ ଏନ୍ଟିଏ ପକ୍ଷରୁ ସୂଚନା ଦିଆଯାଇଥିଲା । ମାତ୍ର ଲୋକସଭା ସାଧାରଣ ନିର୍ବାଚନକୁ ଆଖିରେ ରଖି ଏହି ତାରିଖରେ ପରିବର୍ତ୍ତନ ହେବାର ସମ୍ଭାବନା ରହିଛି ବୋଲି ବିଶ୍ୱବିଦ୍ୟାଳୟ ଅନୁଦାନ ଆୟୋଗ (ୟୁଜିସି) ପକ୍ଷରୁ କୁହାଯାଇଛି ।
ୟୁଜିସି ପକ୍ଷରୁ କୁହାଯାଇଛି । ୧୮ତମ ଲୋକସଭା ନିର୍ବାଚନକୁ ଦୃଷ୍ଟିରେ ରଖି ପରୀକ୍ଷା ତାରିଖରେ ପରିବର୍ତ୍ତନ ହେବାର ସମ୍ଭାବନା ରହିଛି । ଜାତୀୟ ନିର୍ବାଚନର ସୂଚୀକୁ ତେବେ ଏନେଇ ସମସ୍ତ ସୂଚନା ୟୁଜିସି ଏବଂ ଏନ୍ଟିଏ ୱେବ୍ସାଇଟ୍ www.nta.ac.inରେ ଦିଆଯିବ । ଚଳିତବର୍ଷ ଏହି ପରୀକ୍ଷା ପାଇଁ ପେନ୍ ଓ ପେପର ତଥା ଓଏମ୍ଆର୍ ସିଟ୍ରେ ଦେବା ପାଇଁ ଅଧିକ ଆବେଦନ କରିବା ପାଇଁ ଆବେଦନ ହୋଇଛି । ଗତ ବର୍ଷ ସିୟୁଇଟି ୟୁଜି ପରୀକ୍ଷା ପାଇଁ ୧୪.୯ ଲକ୍ଷ ଶିକ୍ଷାର୍ଥୀ ପଞ୍ଜିକରଣ କରିଥିଲେ ।
ସୂଚନାଯୋଗ୍ୟ, ଇଂରାଜୀ, ହିନ୍ଦୀ, ଓଡ଼ିଆ, ବଙ୍ଗାଳୀ, ଆସାମୀ, ଗୁଜୁରାଟି, କନ୍ନଡ଼, ମାଲାୟମ୍, ମରାଠୀ, ପଞ୍ଚାବୀ, ତାମିଲ୍ ପ୍ରମୁଖ ୧୩ଟି ଆଞ୍ଚଳିକ ଭାଷାରେ ପରୀକ୍ଷା ହେବ