କେସିଙ୍ଗା, ୧୨/୬ : ନର୍ଲା ବିଧାନସଭା ନିର୍ବାଚନମଣ୍ଡଳୀର ନବ ନିର୍ବାଚିତ ବିଜେଡ଼ି ବିଧାୟିକା ମନୋରମା ମ‌ହାନ୍ତି ଓ ତାଙ୍କ ପ୍ରତିନିଧି ତଥା ନର୍ଲା ବ୍ଲକ୍ ଉପାଧ୍ୟକ୍ଷ ଦୁର୍ଗା ପ୍ରସାଦ ମହାନ୍ତି (ମୁନା ) ମଙ୍ଗଳବାର ଅପରାହ୍ନରେ କେସିଙ୍ଗା ଗସ୍ତ କରିଥିଲେ। ଏହି ଅବସରରେ କେସିଙ୍ଗା ଏନ୍ଏସିର ପାରିଷଦ ବର୍ଗଙ୍କ ସହିତ ସୌଜନ୍ୟମୂଳକ ସାକ୍ଷାତ ହୋଇଥିଲା। କେସିଙ୍ଗା ଏନ୍ଏସି କାର୍ଯ୍ୟାଳୟ ପରିସରରେ ନଗରପାଳ ନୃପରାଜ ଯାଦବଙ୍କ ସମେତ ବିଜେଡି ଦଳର ସମସ୍ତ କାଉନସିଲର, ନଗର ବିଜେଡ଼ି ସଭାପତି ରମେଶ ପଟ୍ଟନାୟକ, ନଳିନ ପଟ୍ଟନାୟକ, ଭରତ ସାହୁ, ନୀଳମଣି ମହଲା, ସାମ୍ବାଦିକ ଗଜିନ୍ଦ୍ର ସାହୁ, କୁଣ୍ଡାବନ୍ଦ ପଞ୍ଚାୟତ ସମିତି ସଭ୍ୟ ମନୋଜ କୁମାର ପଟ୍ଟନାୟକ ପ୍ରମୁଖ ସ୍ବାଗତ କରିଥିଲେ। 

ଏନ୍ଏସି ଗେଷ୍ଟ ହାଉସ ଠାରେ କିଛି ସମୟ ଧରି ବିଭିନ୍ନ ବିଷୟରେ ଆଲୋଚନା ହୋଇଥିଲା।‌ ପରେ କେସିଙ୍ଗା ବ୍ଲକ କାର୍ଯ୍ୟାଳୟକୁ ଯାଇଥିଲେ। ବିଡିଓ ପଦ୍ମନାଭ ପୁରୋହିତ ପୁଷ୍ପଗୁଚ୍ଛ ଦେଇ ବିଧାୟିକା ଶ୍ରୀମତି ମହାନ୍ତିଙ୍କୁ ସ୍ବାଗତ କରିଥିଲେ । ବିଡିଓଙ୍କ ପ୍ରକୋଷ୍ଠରେ ବ୍ଲକର ବିଭିନ୍ନ ବିଷୟ ଓ ଉନ୍ନୟନମୂଳକ କାର୍ଯ୍ୟ ବିଷୟରେ ଆଲୋଚନା କରାଯାଇଥିଲା । ଏଥିରେ ବ୍ଲକ ସହକାରୀ ଯନ୍ତ୍ରୀ ସୁକୃତାନନ୍ଦ ମିଶ୍ର ଉପସ୍ଥିତ ରହିଥିଲେ ।