ଭୁବନେଶ୍ୱର,୨୨/୦୭: ବିଧାନସଭା ଅଧିବେଶନ ଆରମ୍ଭ ହେବାର ୨ ଘଣ୍ଟା ପୂର୍ବରୁ ସୋମବାର ସକାଳ ୯ଟାରେ  କଂଗ୍ରେସର ବିଧୟକ ଦଳ ବୈଠକ ହେବ । କଂଗ୍ରେସ ବିଧାୟକ  ଦଳ ନେତା ରାମଚନ୍ଦ୍ର କାଡ଼ାମଙ୍କ ପ୍ରକୋଷ୍ଠରେ ଏହି ବୈଠକ  ଅନୁଷ୍ଠିତ ହେବ ବୋଲି ଉପନେତା ଅଶୋକ ଦାସ ସୂଚନା  ଦେଇଛନ୍ତି । ଗୃହରେ କଂଗ୍ରେସ ଗଠନମୂଳକ ପ୍ରସ୍ତାବ ଦେବ । ଏହା ସହିତ ବିଭିନ୍ନ ପ୍ରସଙ୍ଗରେ ରାଜ୍ୟ ସରକାରଙ୍କୁ ଘେରିବ । ପିଏମ୍‌ କିଷାନରେ ଅଧିକ ଚାଷୀଙ୍କୁ ଯୋଡ଼ିବା, ଚିଟଫଣ୍ଡ  ପଇସା ଫେରାଇବା, ବିପର୍ଯ୍ୟସ୍ତ ଆଇନ ଶୃଙ୍ଖଳା ପରିସ୍ଥିତି,  ଦାଦନ ସମସ୍ୟା, ଖାଲି ପଦବି ପୂରଣ, ସାରର ଅଭାବୀ ବିକ୍ରି,  ଅତ୍ୟାବଶ୍ୟକ ସାମଗ୍ରୀର ଦରଦାମ ବୃଦ୍ଧି, ରାଜ୍ୟପାଳଙ୍କ ପୁଅ  ଲଳିତ କୁମାର ଦାସ ସରକାରୀ କର୍ମଚାରୀଙ୍କୁ ଆକ୍ରମଣ, ଭତ୍ତା ଟଙ୍କା  ବଢ଼ାଇବା, ଜାଲ ରାସନ୍‌ କାର୍ଡ ଆଦି ପ୍ରସଙ୍ଗ କଂଗ୍ରେସ ଉଠାଇବ