ନୂଆଦିଲ୍ଲୀ,୧୭/୦୩: ସେନାମୁଖ୍ୟ ଉପେନ୍ଦ୍ର ଦ୍ବିବେଦୀ ଚୀନକୁ ନେଇ ଏକ ବଡ ଦାବି କରିଛନ୍ତି । ଗ୍ଲୋବାଲ ସାଉଥରେ ଭାରତକୁ ଆଗକୁ ବଢିବା ଦିଗରେ ଚୀନ କଣ୍ଟା ସାଜିଛି । ସେ ଭାରତକୁ ଆଗକୁ ବଢିବାକୁ ଦେଉନାହିଁ । ଭାରତର ସବୁ ପ୍ରୟାସରେ ବାଧା ସୃଷ୍ଟି କରୁଛି । ଦିଲ୍ଲୀରେ ଜେନରାଲ୍ ବିପିନ ରାୱତ ମୋମୋରିଆଲ ଲେକ୍ଚରରେ ଆର୍ମି ଚିଫ୍ ଯୋଗ ଦେଇ ଏହା କହିଛନ୍ତି ।

ସ୍ଥଳ ସେନାମୁଖ୍ୟ ଉପେନ୍ଦ୍ର ଦ୍ବିବେଦୀ କହିଛନ୍ତି, ''ଭାରତକୁ ଭବିଷ୍ୟତର ଶକ୍ତି କେନ୍ଦ୍ର ରୂପରେ ଆଫ୍ରିକାର ସମ୍ଭାବନା ଉପରେ ବିଚାର କରିବା ଜରୁରୀ । ଚୀନର ବଢୁଥିବା ଶକ୍ତି ଭାରତ ସାମ୍ନାରେ ଚ୍ୟାଲେଞ୍ଜ ହୋଇପାରେ । ବୈଶ୍ବିକ ସ୍ତରରେ ଚୀନର ଭୂମିକା ଗ୍ଲୋବାଲ ସାଉଥରେ  ସମସ୍ୟା ସୃଷ୍ଟି କରୁଛି । ତାର ସାମରିକ ଶକ୍ତି ସୁରକ୍ଷାରେ ଚ୍ୟାଲେ଼ଞ୍ଜ ସୃଷ୍ଟି ହେଉଛି । ଚୀନ ଗ୍ଲୋବାଲ ସାଉଥ ଦେଶ ମଧ୍ୟରେ ଏକ ପ୍ରମୁଖ ଶକ୍ତି ରୂପରେ ଉଭା ହୋଇଛି । ଭାରତକୁ ଆଗକୁ ବଢିବାକୁ ଅଟକାଉଛି । ଭାରତ ପ୍ରୟାସରେ ବାଧା ସୃଷ୍ଟି କରୁଛି ।''

SCO ଉପରେ କଡା ନଜର ରଖିବା ଜରୁରୀ- ଆର୍ମି ଚିଫ୍ ଉପେନ୍ଦ୍ର ଦ୍ବିବେଦୀ କହିଛନ୍ତି, ଭାରତ ସବୁଠୁ ବଡ ଲୋକତନ୍ତ୍ର । ସବୁଠୁ ବଡ ଭୂରଣନୀତିକ ସ୍ଥାନ ହେବା ପରେ ବି ବୈଶ୍ବିକ ସ୍ତରରେ ଅପେକ୍ଷାକୃତ କମ୍ ସ୍ଥାନରେ ରହିଛି । ବ୍ରିକ୍ସକୁ ମଧ୍ୟ ଅସଫଳତାର ସାମ୍ନା କରିବାକୁ ପଡିଛି । ଆମକୁ ଏସସିଓ (ସଂଘୀୟ ସହଯୋଗ ସଂଗଠନ) ଉପରେ କଡା ନଜର ରଖିବାକୁ ପଡିବ ।

ଅଧିକ ପଢନ୍ତୁ ପଢନ୍ତୁ...ଏଲଏସିରେ ସ୍ଥିତି ସ୍ଥିର କିନ୍ତୁ ସମ୍ବେଦନଶୀଳ : ସ୍ଥଳ ସେନାମୁଖ୍ୟ

ଚୀନର ଶକ୍ତି ଭାରତ ପାଇଁ ଚ୍ୟାଲେଞ୍ଜ- ଚୀନର ବଢୁଥିବା ଆର୍ଥିକ ଏବଂ ସାମରିକ ପ୍ରଭାବ ଭାରତ ଆଗରେ ଆସିବାକୁ ଥିବା ଚ୍ୟାଲେଞ୍ଜକୁ ସ୍ପଷ୍ଟ କରୁଛି । ଚୀନର ଏହି ଶକ୍ତି ବୃଦ୍ଧି ବୈଶ୍ବିକ ସ୍ତରରେ ତାର ଭୂମିକା ଉପରେ ଭାରତର ଅନେକ ଦୃଷ୍ଟିକୋଣ ଉପରେ ପ୍ରଭାବ ପଡିଥାଏ । ଚୀନର ଆର୍ଥିକ ଶକ୍ତି ବୈଶ୍ବିକ ବ୍ୟବସାୟ ଓ ନିବେଶ ଉପରେ ପ୍ରଭାବ ପକାଉଥିବାବେଳେ ସାମରିକ ଶକ୍ତି ଭାରତ ପାଇଁ ସୁରକ୍ଷା ଦିଗରେ ଚ୍ୟାଲେଞ୍ଜ ସୃଷ୍ଟି କରିଛି । ଭାରତ ପାଇଁ ଏହା କେବଳ ଆର୍ଥିକ ଏବଂ ସାମରିକ ଚ୍ୟାଲେ଼ଞ୍ଜ ନୁହେଁ ବୈଶ୍ବିକ ନିର୍ଣ୍ଣୟ ଉପରେ ପ୍ରଭାବ ପକାଇବା ଦିଗରେ ବଡ ସଙ୍କଟ ସାଜିବ ।