ନୂଆଦିଲ୍ଲୀ, ୧୭।୨: ୱାକଫ ସଂଶୋଧନ ବିଲ୍ ପ୍ରତିବାଦରେ ଜନ୍ତରମନ୍ତରେ ବିରୋଧ ପ୍ରଦର୍ଶନ କରିଛନ୍ତି ମୁସଲିମ୍ ନେତା । ଗର୍ଜିଲେ ଅସଦୁଦ୍ଦିନ ଓୱେସି । କହିଲେ ୱାକଫ ବିଲ୍କୁ ନେଇ ନୂଆ ଆଇନ ଗଢ଼ିବାକୁ ଚେଷ୍ଟା କରୁଛନ୍ତି ସରକାର । ଶାନ୍ତି ନଷ୍ଟ କରିବା, ମନ୍ଦିର ଏବଂ ମସଜିଦ ନାଁରେ ଲଢ଼େଇ ଜାରି ରଖିବା ଏକ ଷଡ଼ଯନ୍ତ୍ର । ମୁସଲମାନମାନଙ୍କ ଧାର୍ମିକ ଏବଂ ରାଜନୈତିକ ପରିଚୟ ଛଡ଼ାଇ ନେବା ମୂଳ ଲକ୍ଷ୍ୟ ବୋଲି ସେ ଅଭିଯୋଗ କରିଛନ୍ତି ।
ଦିଲ୍ଲୀର ଜନ୍ତର ମନ୍ତରରେ ୱାକଫ ସଂଶୋଧନ ବିଲ୍ ବିରୋଧରେ ପ୍ରତିବାଦରେ ଏଆଇଏମ୍ଆଇଏମ୍ ମୁଖ୍ୟ ଅସଦୁଦ୍ଦିନ ଓୱେସି କହିଛନ୍ତି, "ସରକାର ୱାକଫ ବିଲ୍ ସମ୍ପର୍କରେ ଏକ ଆଇନ ତିଆରି କରିବାକୁ ଚେଷ୍ଟା କରୁଛନ୍ତି । ସରକାରଙ୍କ ଏକମାତ୍ର ଉଦ୍ଦେଶ୍ୟ ହେଉଛି ଶାନ୍ତି ନଷ୍ଟ କରିବା ଓ ମନ୍ଦିର ଏବଂ ମସଜିଦ ନାଁରେ ଲଢ଼େଇ ଜାରି ରଖିବା । ଏହାକୁ ଏପରି ଭାବରେ ସମାପ୍ତ କରୁଛନ୍ତି ଯେ, ୱାକଫ ବ୍ୟବହାରକାରୀଙ୍କ ଦ୍ୱାରା ରହିବ ନାହିଁ । ଦିଲ୍ଲୀରେ ଏପରି ୧୨୩ ସମ୍ପତ୍ତି ଅଛି । ଡିଏମ୍ ସରକାରଙ୍କ ସପକ୍ଷରେ ନିଷ୍ପତ୍ତି ଦେବେ । ଯଦି ଏହି ଆଇନ ତିଆରି ହୁଏ, ତେବେ ସଂସଦ ମସଜିଦ ବାହାରେ ଏକ ନୋଟିସ୍ ଲଗାଯିବ ଯେ, ଏହା ୱାକଫ ସମ୍ପତ୍ତି ନୁହେଁ । ସେମାନଙ୍କର ଏକମାତ୍ର ଉଦ୍ଦେଶ୍ୟ ହେଉଛି ମୁସଲମାନମାନଙ୍କର ଧାର୍ମିକ ଏବଂ ରାଜନୈତିକ ପରିଚୟ ଛଡ଼ାଇ ନେବା, ସମ୍ପତ୍ତି ଛଡ଼ାଇ ନେବା।" ସେପଟେ ଜନ୍ତରମନ୍ତରରେ ମେରଟର ହିନ୍ଦୁ କାର୍ଯ୍ୟକର୍ତ୍ତା ସଚିନ୍ ସିରୋହୀ କହିଛନ୍ତି, ଦେସ ସମ୍ୱିଧାନ ଅନୁଯାୟୀ ଚାଲିବ । ବିଲ୍କୁ ବିରୋଧ କରୁଥିବା ବିରୋଧ ଅଯଥା ଡ୍ରାମା କାହିଁକି କରୁଛନ୍ତି ବୋଲି ସେ ପ୍ରଶ୍ନ କରିଛନ୍ତି ।
