ଗାଜିପୁର : ଜେଲ୍ରେ ବନ୍ଦୀ ଥାଇ ଅଭିଯୁକ୍ତ ଦେଲା ଧମକ। ଫୋନ୍ରେ ଜଣେ ବ୍ୟକ୍ତିଙ୍କୁ କଲ୍ କରି ଧମକ ଦେବା ଖବର ଚର୍ଚ୍ଚାରେ। ଘଟଣାଟି ଉତ୍ତର ପ୍ରଦେଶର ଗାଜିପୁର ଜେଲ୍ରେ ଘଟିଛି। ଏଠାରେ ବନ୍ଦୀ ଥିବା ଅଭିଯୁକ୍ତ, ଜଣେ ବ୍ୟକ୍ତିଙ୍କୁ ଧମକ ଦେବା ମାମଲା ସାମ୍ନାକୁ ଆସିଛି। ଏହାପେର ଜେଲ୍ର ଓ ଡେପୁଟୀ ଜେଲରଙ୍କୁ ସସପେଣ୍ଡ କରି ଦିଆ ଯାଇଛି।
ଡିଆଇଜି ରାଜେଶ କୁମାର ଶ୍ରୀବାସ୍ତବଙ୍କ ରିପୋର୍ଟ ଅନୁସାରେ , ଡିଜି ଜେଲ୍ କାର୍ଯ୍ୟାନୁଷ୍ଠାନ କରି ଜେଲର ରାକେଶ କୁମାର ବର୍ମା ଓ ଡେପୁଟୀ ଜେଲର ସୁଖମତି ଦେବୀଙ୍କୁ ନିଲମ୍ୱିତ କରିଛନ୍ତି।
ଖବର ଅନୁସାରେ , ଗାଜିପୁର ଜେଲ୍ରେ ବନ୍ଦୀ ଥିବା ଅଭିଯୁକ୍ତ ଜଣକ ବିହାରରେ ରହୁଥିବା ଜଣେ ବ୍ୟକ୍ତିଙ୍କୁ ଧମକପୂର୍ଣ୍ଣ କଲ୍ କରିଥିଲା। ଏହି ବ୍ୟକ୍ତି ଅଭିଯୁକ୍ତ ବିରୋଧରେ ପୂର୍ବରୁ କେସ୍ ରୁଜୁ କରିଥିଲେ। ଯେବେ ତାଙ୍କ ପାଖକୁ ଜେଲ୍ରୁ କଲ୍ ଆସିଲା, ତ ସେ ଧମକପୂର୍ଣ୍ଣ କଥାବାର୍ତ୍ତାର ରେକର୍ଡିଂ ପୁଲିସକୁ ପ୍ରଦାନ କରି ଥିଲେ। ଗାଜିପୁର ପୁଲିସ ଏହି ମାମଲାରେ ତୁରନ୍ତ କାର୍ଯ୍ୟାନୁଷ୍ଠାନ ନେଇ ଜେଲ୍ରୁ ଧମକ ଦେବା ଅଭିଯୋଗରେ ଏଫଆଇଆର ରୁଜୁ କରି ଥିଲା। ଯାଞ୍ଚ ବେଳେ ସାମ୍ନାକୁ ଆସିଲା ଯେ, ଅଭିଯୁକ୍ତ ଜଣକ ଜେଲ୍ ଭିତରେ ଥାଇ ହିଁ କଲ୍ କରି ଥିଲା। ଏଥିରେ ଜେଲ୍ ପ୍ରଶାସନ ଉପରେ ପ୍ରଶ୍ନ ଉଠିବାକୁ ଲାଗିଲା।
ଡିଆଇଜି ରାଜେଶ କୁମାର ଶ୍ରୀବାସ୍ତବ ଏହି ପୂରା ମାମଲାର ଯାଞ୍ଚ କରି ଥିଲେ ଏବଂ ରିପୋର୍ଟ ଡିଜି ଜେଲକୁ ପ୍ରଦାନ କରି ଥିଲେ। ରିପୋର୍ଟରେ ଜେଲ୍ ପ୍ରଶାସନର ଅବହେଳା ସାମ୍ନାକୁ ଆସିବା ପରେ ଜେଲ୍ର କୁମାର ବର୍ମା ଓ ଡେପୁଟୀ ଜେଲର ସୁଖମତି ଦେବୀଙ୍କୁ ସସ୍ପେଣ୍ଡ କରି ଦିଆ ଯାଇଛି।
