ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପ୍ରସିଦ୍ଧ ଆମେରିକୀୟ ପୋଡକାଷ୍ଟର ଲେକ୍ସ ଫ୍ରିଡ୍ମ୍ୟାନଙ୍କ ସହ ଦୀର୍ଘ ସମୟ ଧରି ଆଲୋଚନା କରିଛନ୍ତି।ଏହି ପୋଡକାଷ୍ଟରେ, ତାଙ୍କ ପିଲାଦିନ, ହିମାଳୟରେ ବିତାଇଥିବା ସମୟ ଏବଂ ସାର୍ବଜନୀନ ଜୀବନରେ ତାଙ୍କ ଯାତ୍ରା ସମେତ ଅନେକ ବିଷୟ ଉପରେ ଆଲୋଚନା କରିଛନ୍ତି। ପୋଡକାଷ୍ଟରେ ମୋଦି କହିଛନ୍ତି, "ଯେତେବେଳେ ଆମେ ଶାନ୍ତି ବିଷୟରେ କଥା ହେଉ, ବିଶ୍ୱ ଆମ କଥା ଶୁଣେ, କାରଣ ଭାରତ ଗୌତମ ବୁଦ୍ଧ ଏବଂ ମହାତ୍ମା ଗାନ୍ଧୀଙ୍କ ଭୂମି"।
ପ୍ରଧାନମନ୍ତ୍ରୀ ମୋଦୀ ଆଲୋଚନାରେ ଭାରତର ସଂସ୍କୃତି, ଶାନ୍ତି ଏବଂ ବିଶ୍ୱ କୂଟନୀତି ଉପରେ ଗୁରୁତ୍ୱାରୋପ କରି କହିଛନ୍ତି କି, ଯେତେବେଳେ ମୁଁ ବିଶ୍ୱ ନେତା ମାନଙ୍କ ସହ ହାତ ମିଳାଏ, ସେତେବେଳେ ମୋଦି ନୁହେଁ ବରଂ ୧୪୦ କୋଟି ଭାରତୀୟ ଏପରି କରନ୍ତି। ମୋର ଶକ୍ତି ମୋ ନାମରେ ନୁହେଁ ବରଂ ଭାରତର କାଳଜୟୀ ସଂସ୍କୃତି ଏବଂ ଐତିହ୍ୟରେ ରହିଛି।" ନିଜ ପିଲାଦିନର କଷ୍ଟ ବଖାଣି ସେ କହିଛନ୍ତି କି, "ଭଲ ଜୋତା ପିନ୍ଧିବାରେ ଅଭ୍ୟସ୍ତ ବ୍ୟକ୍ତି ତାର ଅନୁପସ୍ଥିତିକୁ ଅନୁଭବ କରନ୍ତି, କିନ୍ତୁ ଆମେ କେବେ ଜୋତା ପିନ୍ଧିନାହୁଁ, ତେଣୁ ଆମେ ତାର ଗୁରୁତ୍ୱ ଜାଣି ନଥିଲୁ। ଏହା ଥିଲା ଆମର ଜୀବନ।"
ତାଙ୍କ ପିତାମାତାଙ୍କ କଠିନ ପରିଶ୍ରମ ଏବଂ ଶୃଙ୍ଖଳାକୁ ମନେ ପକାଇ ପ୍ରଧାନମନ୍ତ୍ରୀ ମୋଦୀ କହିଛନ୍ତି କି, ମୋ ମାଆ ବହୁତ କଠିନ ପରିଶ୍ରମ କରୁଥିଲେ। ମୋ ପିତା ମଧ୍ୟ ବହୁତ ଶୃଙ୍ଖଳାବଦ୍ଧ ଥିଲେ। ସେ ପ୍ରତିଦିନ ସକାଳେ ୪ଟା କିମ୍ବା ୪:୩୦ ରେ ଘରୁ ବାହାରି ଯାଉଥିଲେ, ମନ୍ଦିର ପରିଦର୍ଶନ କରୁଥିଲେ ଏବଂ ତା'ପରେ ତାଙ୍କ ଦୋକାନକୁ କାମ କରିବାକୁ ଯାଉଥିଲେ।"
ପ୍ରଧାନମନ୍ତ୍ରୀ ତାଙ୍କ ପିତାଙ୍କ ଦୈନନ୍ଦିନ କାର୍ଯ୍ୟ ଏବଂ ଜୋତା ବିଷୟରେ ଏକ ଆକର୍ଷଣୀୟ କାହାଣୀ କହିଛନ୍ତି । "ସେ ପାରମ୍ପରିକ ଚମଡା ଜୋତା ପିନ୍ଧୁଥିଲେ, ଯାହା ଗାଁରେ ହାତ ତିଆରି ହେଉଥିଲା। ଯେତେବେଳେ ସେ ଚାଲୁଥିଲେ, ତାଙ୍କ ଜୋତାରେ 'ଟୁକ୍, ଟୁକ୍, ଟୁକ୍' ଶବ୍ଦ ହେଉଥିଲା। ଗାଁ ଲୋକେ ତାଙ୍କ ପାଦ ଶବ୍ଦ ଶୁଣି ସମୟ କହିପାରୁଥିଲେ ଏବଂ କହୁଥିଲେ, 'ହଁ, ଶ୍ରୀ ଦାମୋଦର ଆସୁଛନ୍ତି।'"
ମୋଦି କହିଛନ୍ତି ଯେ ଅସୁବିଧା ସତ୍ତ୍ୱେ, ତାଙ୍କ ପରିବାର ତାଙ୍କୁ କେବେ ସଂଘର୍ଷ କରିବାକୁ ଦେଇ ନଥିଲେ। "ମୋ ମାଆ ନିଶ୍ଚିତ କରିଥିଲେ ଯେ ଆମେ କେବେବି କଷ୍ଟକର ପରିସ୍ଥିତିର ପ୍ରଭାବ ଅନୁଭବ ନ କରୁ। ସ୍କୁଲରେ, ଜୋତା ପିନ୍ଧିବାର ଚିନ୍ତା ମୋ ମନକୁ କେବେ ଆସିନଥିଲା ।
