ନୂଆଦିଲ୍ଲୀ,୨୦।୬: ଚୀନ୍ର ବିସ୍ତାରବାଦୀ ନୀତିକୁ ସମସ୍ତେ ଖୁବ୍ ଭଲ ଭାବରେ ଜାଣନ୍ତି। ଅନ୍ୟ ଦେଶର ଜମି ଉପରେ ସବୁବେଳେ ଖରାପ ନଜର ରଖୁଥିବାର ଚୀନ୍ ଏବେ ଗଲଓ୍ବାନ ଘାଟି ଭଳି ଘଟଣାର କରିଛି ପୁନଃରାବୃତ୍ତି। ତେବେ ଏହି ଲଢେଇ ଭାରତ ସହ ନୁହେଁ ଆଉ ଏକ ପଡୋଶୀ ଦେଶ ଫିଲିପାଇନ୍ସ ସହ କରିଛି। ଡ୍ରାଗନର ସୈନିକ ଫିଲିପାଇନ୍ସ ସେନା ଉପରେ ଛୁରୀ ଓ କୁରାଢିରେ କରିଛି ଆକ୍ରମଣ। ଆଉ ଏହି ଲଢେଇ ଦକ୍ଷିଣ ଚୀନ୍ ସାଗର ମଧ୍ୟରେ ହୋଇଛି। ସଂଘର୍ଷ ବେଳର ଏକ ଭିଡିଓ ମଧ୍ୟ ଦେଖିବାକୁ ମିଳିଛି। ଫିଲିପାଇନ୍ସ ଅଧିକାରୀ ଚୀନ୍କୁ ଟାର୍ଗେଟ କରି କହିଛନ୍ତି, ଏହା ସମୁଦ୍ର ଲୁଟ୍। ଭିଡିଓରେ ଚୀନ୍ ସୈନିକ ଲୁଟପାଟ୍ କରୁଥିବାର ଦେଖିବାକୁ ମିଳିଛନ୍ତି। ସେମାନେ ଫିଲିପାଇନ୍ସ ସୈନିକଙ୍କ ଉପରେ ଛୁରୀ ଓ କୁରାଢିରେ ଆକ୍ରମଣ କରିଛନ୍ତି।
Despite facing overwhelming numbers and harassment from the CCG, Filipino troops valiantly fought back and defended their position. The AFP maintains professionalism and steadfast commitment to uphold international law and preserve peace in the region.
— Armed Forces of the Philippines (@TeamAFP) June 19, 2024
ବୁଧବାର ଫିଲିପାଇନ୍ସର ସେନା ମୁଖ୍ୟ ଦାବି କରିଛନ୍ତି ଯେ, ଚୀନ୍ ବିବାଦୀୟ ଉପକୂଳବର୍ତ୍ତୀ ଅଞ୍ଚଳରେ ଚୀନ୍ ତଟରକ୍ଷୀଙ୍କ ଦ୍ବାରା ଜବତ କରାଯାଇଥିବା ହତିଆର ଓ ଉପକରଣ ଫେରାଇ ଦେଇଛନ୍ତି ତଥା ଆକ୍ରମଣରେ ହୋଇଥିବା କ୍ଷତି ଭରଣା କରନ୍ତୁ। ସେ ଏହି ଆକ୍ରମଣର ତୁଳନା ଦକ୍ଷିଣ ଚୀନ୍ ସାଗରରେ ସମୁଦ୍ର ଲୁଟ୍ ଘଟଣା କରିଥିଲେ। ଫିଲିପାଇନ୍ସର ଅଧିକାରୀଙ୍କ କହିବା ଅନୁସାରେ, ସୋମବାର ୮ରୁ ଅଧିକ ମୋଟରବୋଟ୍ ଉପରେ ସବାଚ ଚୀନ୍ ତଟରକ୍ଷୀ କର୍ମୀ ଫିଲିପାଇନ୍ସ ନୌସେନାର ଦୁଇଟି ନୌକାକୁ ବାରମ୍ବାର ଧକ୍କା ମାରିଥିଲେ ଓ ତା ଉପରେ ଚଢି ଯାଇଥିଲେ।
ଫିଲିପାଇନ୍ସ ଅଧିକାରୀଙ୍କ କହିବା ଅନୁସାରେ, ଚୀନ୍ ତଟରକ୍ଷୀ ବାହିନୀ ଫିଲିପାଇନ୍ସ ନୌସେନା କର୍ମଚାରୀଙ୍କୁ ଦକ୍ଷିଣ ଚୀନ୍ ସାଗରରେ ନିଜ ଜାହାଜରେ ରୋକି ଦେଇଥିଲେ। ଏହି କ୍ଷେତ୍ରକୁ ଚୀନ୍ ନିଜର ବୋଲି ଦାବି କରି ଆସୁଛି। ଚୀନ୍ ସୈନିକ ପ୍ରଥମେ ଫିଲିପାଇନ୍ସ ସୈନିକଙ୍କୁ ଜାହାଜରେ ଧକ୍କା ମାରିଥିଲେ ଓ ପରେ ଅସ୍ତ୍ରରେ ଆକ୍ରମଣ କରି ତାଙ୍କ ଜାହାଜକୁ ଡେଇଁ ପଡିଥିଲେ। ଭିଡିଓରେ ଦେଖିପାରିବେ ଯେ, ଚୀନ୍ ସୈନିକ ଏହି ସମୟରେ ଫିଲିପାଇନ୍ସ ସୈନିକଙ୍କ ଉପରେ ଆକମଣ କରିଥିଲା। ଚୀନ୍ ସୈନିକ ତାଙ୍କ ସେନାର ବହୁ ଉପକରଣ, ୮ଟି ଏମ୍୪ ରାଇଫଲ୍ ମଧ୍ୟ ନିଜ ସହିତ ଲୁଟିକି ନେଇ ଯାଇଥିଲେ।