ନୂଆଦିଲ୍ଲୀ,୨୫/୦୭: ୧୫ ବର୍ଷ ପୂର୍ବେ, ଯେତେବେଳେ ଭାରତର ଚନ୍ଦ୍ରଯାନ ୧ ଚନ୍ଦ୍ରକୁ ଏହାର ପ୍ରଥମ ଅଭିଯାନ ଆରମ୍ଭ କରିଥିଲା, ସେତେବେଳେ ଦେଖାଗଲା ଯେ ଚନ୍ଦ୍ରରେ ଜଳର ସନ୍ଧାନ ମିଳିଥିଲା। ସେତେବେଳେ ଏହି ଖବର ସାରା ବିଶ୍ୱକୁ ଆଶ୍ଚର୍ଯ୍ୟ କରିଦେଇଥିଲା। ଏହାପୂର୍ବରୁ, ଆପୋଲୋ ମିଶନ ସମୟରେ ମଧ୍ୟ କିଛି ସୂଚନା ମିଳିଥିଲା, କିନ୍ତୁ ଚନ୍ଦ୍ରଯାନ ଏକ ନିର୍ଣ୍ଣାୟକ ଭୂମିକା ଗ୍ରହଣ କରିଥିଲା। ଏବେ ପୁଣି ଥରେ ଚନ୍ଦ୍ରରେ ଜଳର ପ୍ରମାଣ ମିଳିଥିବା ଚୀନ୍ ଏହାକୁ ଦାବି କରିଛି।
ସୂଚନାଥାଉକି, ଚାଙ୍ଗ୍ ଇ -୫ ସ୍ପେସ୍ ମିଶନ୍ ଅଧୀନରେ ଚୀନ୍ ଚନ୍ଦ୍ରରୁ ମାଟି ଆଣିଥିଲା। ଯେତେବେଳେ ଏହାର ବୈଜ୍ଞାନିକମାନେ ବ୍ୟାପକ ଅନୁସନ୍ଧାନ କଲେ, ସେମାନେ ଜାଣିବାକୁ ପାଇଲେ ଯେ ଚନ୍ଦ୍ର ପୃଷ୍ଠରେ ଜଳ ଅଛି। ଚନ୍ଦ୍ରରୁ ଆସିଥିବା ମାଟିକୁ ଯେତେବେଳେ ଅଧ୍ୟୟନ କରାଯାଇଥିଲା, ସେତେବଳେ ମଧ୍ୟ ଜଣାପଡ଼ିଥିଲା ଯେ, ମାଟିରେ ଜଳ କଣିକା ଅଛି। ବର୍ତ୍ତମାନ ଏହି ଆବିଷ୍କାର ଦ୍ୱାରା ଚୀନ୍ ବହୁତ ଉତ୍ସାହିତ ଏବଂ ଏହି ଦିଗରେ ଆଗକୁ ବଢ଼ିବାକୁ କହୁଛି।
ଚୀନ୍ ଏହି ମାମଲାରେ ଯଦିଓ ପ୍ରଥମ ଥର ଆବିସ୍କାର କରିଛି, ତଥାପି ନାସା ନିଜେ ସ୍ୱୀକାର କରିଛି ଯେ, ଏହି ମିଶନରେ ଭାରତର ଚନ୍ଦ୍ରଯାନ ମିଶନ ସବୁଠାରୁ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛି। ଏମିତିରେ ଚନ୍ଦ୍ରରେ ଦୁନିଆ ଖୋଜୁଥିବା ବୈଜ୍ଞାନିକମାନଙ୍କର କୌଣସି ଅଭାବ ନାହିଁ। ପ୍ରତ୍ୟେକ ଦେଶ ବର୍ତ୍ତମାନ ପୃଥିବୀଠାରୁ ବହୁ ଦୂରରେ ଥିବା ଗ୍ରହମାନଙ୍କରେ ଜୀବନ ସତ୍ତା ଖୋଜୁଛନ୍ତି। କହିରଖୁଛୁ ଯେ, ବର୍ତ୍ତମାନ ଭାରତ ଚନ୍ଦ୍ରଯାନ ୪ ପାଇଁ ପ୍ରସ୍ତୁତ ହେଉଛି। ଇସ୍ରୋ ମୁଖ୍ୟ ସୋମନାଥ କହିଛନ୍ତି ଯେ, ଚନ୍ଦ୍ରୟାନ ୪ ଚନ୍ଦ୍ରରୁ ନମୁନା ନେବା ପରେ ପୃଥିବୀକୁ ଫେରିବ। କେବଳ ଏତିକି ନୁହେଁ, ଏହା ଥରେ ଲଞ୍ଚ ହେବ ନାହିଁ। ଏହାକୁ ଦୁଇ ଭାଗରେ ଲଞ୍ଚ କରି ଚନ୍ଦ୍ର କକ୍ଷପଥକୁ ପଠାଯିବ। ଚନ୍ଦ୍ରଯାନ ୪ କୁ ୨୦୨୬ ରେ ଉତ୍କ୍ଷେପଣ କରାଯିବାକୁ ଯୋଜନା କରାଯାଇଛି।
