ନୂଆଦିଲ୍ଲୀ : ଚୀନ ନିଜର ଏଜୁକେସନରେ ବଡ଼ ପରିବର୍ତ୍ତନ କରିଛି। ଏମିତି ପରିବର୍ତ୍ତନ ଯାହା ବିଷୟରେ ଦୁନିଆର ଅଧିଂକାଶ ଦେଶ ଏବେସୁଦ୍ଧା ଦ୍ୱନ୍ଦ୍ୱରେ ଅଛନ୍ତି। ଉଲ୍ଲେଖନୀୟ ଯେ , ଡ୍ରାଗନ ଦେଶର ପ୍ରାଇମେରୀ ଓ ମାଧ୍ୟମିକ ସ୍କୁଲରେ ଆର୍ଟିଫିସିଆଲ ଇଣ୍ଟେଲିଜେନ୍ସର ପାଠକୁ ବାଧ୍ୟତାମୂଳକ କରିଛି। ଏହି ପଦକ୍ଷେପ ଏହାର ଆଗାମୀ ୨୦ ବର୍ଷର ପ୍ରସ୍ତୁତ ଭାବେ କୁହାଯାଉଛି।
ଚୀନର ଏଜୁକେସନ ସିଷ୍ଟମରେ ହୋଇଥିବା ଏହି ପରିବର୍ତ୍ତନ ଚଳିତ ବର୍ଷ ୧ ସେପ୍ଟେମ୍ୱରରୁ ଲାଗୁ ହେବ। ଏହି ଅନୁସାରେ ଚୀନର ପ୍ରାଇମେରୀ ଓ ମାଧ୍ୟମିକ ସ୍କୁଲ ଗୁଡ଼ିକରେ ପଢୁଥିବା ପ୍ରତି ଛାତ୍ରଛାତ୍ରୀଙ୍କୁ ଆର୍ଟିଫିସିଆଲ ଇଣ୍ଟେଲିଜେନ୍ସର ପାଠ ପଢିବାକୁ ହେବ, ଯାହାକି ଏହି ଛାତ୍ରଛାତ୍ରୀ ଭବିଷ୍ୟତର ଚ୍ୟାଲେଞ୍ଜ ଗୁଡ଼ିକ ପାଇଁ ନିଜକୁ ପ୍ରସ୍ତୁତ କରି ପାରିବେ।
ଏମିତି ହେବ ଏଆଇର ପାଠପଢା –
ଚୀନ ଏଆଇ ଏଜୁକେସନକୁ ୩ଟି ପାର୍ଟରେ ବାଣ୍ଟିଛି, ଏଥିରେ ପ୍ରାଥମିକ ସ୍ତର ଅର୍ଥାତ୍ ଛୋଟ ପିଲାଙ୍କୁ ଏଆଇ ବିଷୟରେ ଶିକ୍ଷା ଦିଆଯିବ ଏବଂ ଏହା କେମିତି ଲୋକଙ୍କ କାମରେ ଆସିପାରେ , ଏହାର ସୂଚନା ଦିଆଯିବ। ମାଧ୍ୟମିକ ବିଦ୍ୟାଳୟ ଗୁଡ଼ିକରେ ଛାତ୍ରଛାତ୍ରୀଙ୍କୁ ଏହା କୁହାଯିବ ଯେ ସେ ଏଆଇର କେଉଁ ପ୍ରକାରର ଉପଯୋଗ କରିପାରିବେ। ଉଚ୍ଚ ମାଧ୍ୟମିକ ବିଦ୍ୟାଳୟ ଗୁଡିକରେ ପଢୁଥିବା ଛାତ୍ରଛାତ୍ରୀଙ୍କୁ ଏହା କୁହାଯିବ କି ଏଆଇର ଉପଯୋଗରେ କେଉଁ ପ୍ରକାରର ଇନୋଭେସନ କରାଯାଇ ପାରେ।
ଏହା ଚୀନର ଉଦ୍ଦେଶ୍ୟ –
ଚୀନ ଏଜୁକେସନ ସିଷ୍ଟମରେ ଏହି ପରିବର୍ତ୍ତନ ଆଗାମୀ ୨୦ ବର୍ଷକୁ ଧ୍ୟାନରେ ରଖି କରିଛି। ଚୀନ୍ ଏଆଇର କ୍ଷେତ୍ରରେ ସବୁଠୁ ବଡ଼ ଶକ୍ତି ହେବାକୁ ଚାହୁଁଛି। କୁହାଯାଉଛି ଯେ, ଏଥିପାଇଁ ଦେଶରେ ପଢୁଥିବା ପିଲାଙ୍କୁ ଏଆଇରେ ଦକ୍ଷ କରିବାର ପ୍ରସ୍ତୁତି ଚାଲିଛି, ଯାହାକି ସେ ଇନୋଭେସନ ଓ ଟେକ୍ନୋଲଜିରେ ଦୃଢ ହୋଇ ପାରିବେ। ଚୀନର ଏହି ପ୍ରୟାସର ପ୍ରଭାବ ଆଗାମୀ ୨୦ ବର୍ଷରେ ନଜର ଆସିବ। ଡ୍ରାଗନର ଯୋଜନା ଓ ଉଦ୍ଦେଶ୍ୟ ମଧ୍ୟ ଏହା ଅଛି। ଏଥିପାଇଁ ସେ ପ୍ରାଇମେରୀ ସ୍କୁଲରୁ ହିଁ ଏଆଇକୁ ବାଧ୍ୟତାମୂଳକ କରିଛି। ଉଲ୍ଲେଖନୀୟ ଯେ ବିଶେଷଜ୍ଞ ଏହା ମାନ୍ତି ଯେ ଆଗାମୀ ଭବିଷ୍ୟତ ଏଆଇର।
ଏହା କରିବାକୁ ଯାଉଛି ଚୀନ –
ଚୀନର ଶିକ୍ଷା ମନ୍ତ୍ରୀ ହୁଆଇ ଜିନପିଙ୍ଗ ମୁତାବିକଙ୍କ ଚୀନ ମିଡ଼ିଆରେ ପ୍ରକାଶିତ ଏକ ରିପୋର୍ଟ ଅନୁସାରେ , ଚୀନ ଚଳିତ ବର୍ଷ ଆର୍ଟିଫିସିଆଲ ଇଣ୍ଟେଲିଜେନ୍ସ ଉପରେ ଏକ ନୂଆ ଶ୍ୱେତପତ୍ର ଆଣିବାକୁ ଯାଉଛି, ଯେଉଁଥିରୁ ଶିକ୍ଷା କ୍ଷେତ୍ରରେ ନୂଆ ଅବସର ଖୋଲିବା ସହ ଏଆଇକୁ ଏଜୁକେସନର ପାର୍ଟ ହେବା ପାଇଁ ପ୍ଲାନ ଓ ନୀତି ନିର୍ଦ୍ଦେଶ ସାମିଲ ହେବ।
ଆମେରିକା ଓ ଇଟାଲୀରେ ଆରମ୍ଭ –
ଏଜୁକେସନରେ ଏଆଇକୁ ସାମିଲ କରିବାର ପ୍ରୟାସ ସର୍ବ ପ୍ରଥମେ ୟୁଏସ୍ର କାଲିଫର୍ଣ୍ଣିଆରେ ଆରମ୍ଭ ହୋଇଥିଲା, ଯେଉଁଠି ଏଥିପାଇଁ ଆଇନ ପ୍ରସ୍ତୁତ କରାଯାଇଛି, ଏହିପରି ଇଟାଲୀରେ ମଧ୍ୟ ଛୋଟ ଛୋଟ ପିଲାଙ୍କୁ ଏଆଇ ସ୍କୁଲ ବିଷୟରେ କୁହାଯାଉଛି,ଯାହାକି ତାଙ୍କର ଡିଜିଟାଲ କୌଶଳ ବିକଶିତ କରାଯାଇ ପାରିବ।
