ବ୍ରହ୍ମପୁର,୨୭/୦୪: ଆଜି ଦେଶୀବେହେରା ସାହି ଅସ୍ଥାୟୀ ମଣ୍ଡପରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ମାଆ ବୁଢୀ ଠାକୁରାଣୀଙ୍କ ଦର୍ଶନ କରିଛନ୍ତି। ମାଆଙ୍କ ନିକଟରେ ସକଳ ଜନ ମାନସର ସୁଖ ସମୃଦ୍ଧି କାମନା କରିଛନ୍ତି।
ରବିବାର ସକାଳୁ ସ୍ଵତନ୍ତ୍ର ବିମାନ ଯୋଗେ ବିଜୁ ପଟ୍ଟନାୟକ ବିମାନ ବନ୍ଦରରୁ ବାହାରି ଦିନ ୧୧ ଟାରେ ବିନାୟକ ଆଚାର୍ଯ୍ୟ କଲେଜ ପଡ଼ିଆରେ ନିର୍ମିତ ଅସ୍ଥାୟୀ ହେଳିପେଡରେ ପହଞ୍ଚିଥିଲେ। ସେଠାରୁ କାର ଯୋଗେ ରାଜା ଗୁରଜିରେ ପହଞ୍ଚିଥିଲେ। ସେଠାରୁ ଚାଲି ଚାଲି ଯାଇ ମାଆଙ୍କ ଦର୍ଶନ ପାଇଁ ୧୧.୩୦ ରେ ଅସ୍ଥାୟୀ ମଣ୍ଡପରେ ପହଞ୍ଚିଥିଲେ। ମାଆଙ୍କ ଦର୍ଶନ କରିବା ସହ ପୂଜାର୍ଚ୍ଚନା କରିଥିଲେ। ଅସ୍ଥାୟୀ ମଣ୍ଡପ ସମ୍ମୁଖରେ ଗଞ୍ଜାମ ପ୍ରସିଦ୍ଧ ବାଘ୍ ନାଚ ଦେଖିଥିଲେ। ସେଠାରୁ ପୁଣି ୧୧.୪୦ ରେ ଅସ୍ଥାୟୀ ହେଲିପେଡ ଅଭିମୁଖେ ଯାଇଥିଲେ। ସେଠାରୁ ବୁଗୁଡ଼ା ଗସ୍ତ କାର୍ଯ୍ୟକ୍ରମ ରହିଛି । ବୁଗୁଡା ବ୍ଲକ୍ ଘୋଳିପୁର ଗ୍ରାମରେ ମତ୍ସ୍ୟ ଓ ପଶୁ ସମ୍ପଦ ବିକାଶ, ଅଣୁ, କ୍ଷୁଦ୍ର ଓ ମଧ୍ୟମ ଉଦ୍ୟୋଗ ବିଭାଗୀୟ ମନ୍ତ୍ରୀ ଗୋକୁଳାନନ୍ଦ ମଲ୍ଲିକଙ୍କ ମାତୃ ବିୟୋଗ ଦ୍ୱାଦଶାହ କାର୍ଯ୍ୟକ୍ରମରେ ଦିନ ୧.୨୦ରେ ଯୋଗଦେବେ ବୋଲି ସୂଚନା ମିଳିଛି।
ମୁଖ୍ୟମନ୍ତ୍ରୀଙ୍କ ଗସ୍ତ ସମୟରେ ବ୍ରହ୍ମପୁର ସାଂସଦ ଡ ପ୍ରଦୀପ ପାଣିଗ୍ରାହୀ, ବ୍ରହ୍ମପୁର ବିଧାୟକ କେ ଅନିଲ କୁମାର, ଛତ୍ରପୁର ବିଧାୟକ କୃଷ୍ଣ ଚନ୍ଦ୍ର ନାୟକ, ପୁଲିସ ଆଇଜି ନୀତି ଶେଖର, ଏସପି ଡ଼ା ଶରବଣା ବିବେକ ଏମ, ଗଞ୍ଜାମ ଜିଲ୍ଲାପାଳ ଦିବ୍ୟଜ୍ୟୋତି ପରିଡ଼ା, ବିଜେପି ଜିଲ୍ଲା ସଭାପତି ସରୋଜ ସାବତଙ୍କ ସମେତ ବହୁ ବରିଷ୍ଠ ନେତୃବୃନ୍ଦ ରହିଥିଲେ।
