ମାଲକାନଗିରି,୨୭/୪ : ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡ଼ର ଧମତରୀ ଅଞ୍ଚଳରେ ଯବାନଙ୍କ ତଲାସି ଅଭିଯାନ ସମୟରେ ମାଓବାଦୀଙ୍କ ଲୁଚାଇ ରଖାଯାଇଥିବା ଡମ୍ପକୁ ଉଦ୍ଧାର କରି ଅନେକ ବିସ୍ଫୋରକ ଓ ମାଓ ସାମଗ୍ରୀ ଜବତ କରାଯାଇଛି। ସୂଚନା ଅନୁଯାୟୀ ଛତିଶଗଡ଼ର ଧମତରୀ ପୁଲିସ, ଡିଆରଜି, ସିଆରପିଏଫର ଏକ ମିଳିତ ଦଳ ସାଲେଭାଟ ଜଙ୍ଗଲରେ ତଲାସି ଅଭିଯାନ କରୁଥିଲେ।
ମାଓ ଦମନ ଅଭିଯାନ ସମୟରେ ଜଙ୍ଗଲ ମଧ୍ୟରେ ମାଓବାଦୀମାନେ ଲୁଚାଇ ରଖିଥିବା ଏକ ମାଓ ଡମ୍ପକୁ ଯବାନ ମାନେ ଠାବ କରିଥିଲେ। ଏହା ମଧ୍ୟରୁ ଯବାନମାନେ ମୋଟ ୩ଟି ପ୍ରେସର ବୋମା, ୩ଟି ଟିଫିନ ବୋମା, ୨ଟି ପାଇପ ବୋମା ଓ ଅସ୍ତ୍ରଶସ୍ତ୍ର ଜବତ କରିଥିଲେ। ମାଓବାଦୀ ଏହି ବୋମା ଓ ସାମଗ୍ରୀ ଲୁଚାଇ ରଖିଥିବାବେଳେ ଏହାକୁ ଯବାନ ମାନେ ଉଦ୍ଧାର କରି ନିଷ୍କ୍ରିୟ କରିଦେଇଛନ୍ତି। ଏହାପରେ ସମ୍ପୃକ୍ତ ଅଞ୍ଚଳରେ ଯବାନଙ୍କ ପକ୍ଷରୁ ତଲାସି ଅଭିଯାନକୁ ଆରମ୍ଭ କରି ଦିଆଯାଇଛି।
