ଭୁବନେଶ୍ୱର ୦୪/୦୭:  ଲୋକସେବା  ଭବନରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ। ମୁଣ୍ଡିଆ ମାରି ଲୋକସଭା ଭବନକୁ କଲେ ପ୍ରବେଶ । ଆଜି ତୃତୀୟ ମହଲାରେ ଥିବା କାର୍ଯ୍ୟାଳୟରେ ବସି ବିଧିବଦ୍ଧ ଭାବେ କାର୍ଯ୍ୟ ଆରମ୍ଭ କରିଛନ୍ତି।

ଗୁରୁବାର ସକାଳେ ମନ୍ତ୍ର ଧ୍ବନିରେ କମ୍ପିଲା ଲୋକସେବା ଭବନର ତୃତୀୟ ମହଲା ଥିବା ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ। ୭ ନୈଷ୍ଟିକ ବ୍ରାହ୍ମଣଙ୍କ ଦ୍ବାରା କାର୍ଯ୍ୟାଳୟ ହେଲା ପୂଜାର୍ଚ୍ଚନା। ପରେ ଲୋକସଭା ଭବନରେ ପହଞ୍ଚିଥିଲେ ମୁଖ୍ୟମନ୍ତ୍ରୀ। ସେଠାରେ ଉପମୁଖ୍ୟମନ୍ତ୍ରୀ, କ୍ୟାବିନେଟ୍ ମନ୍ତ୍ରୀମଣ୍ଡଳ ଓ ବରିଷ୍ଠ ସଚିବମାନେ ପୁଷ୍ପଗୁଛ ସ୍ବାଗତ କରାଯାଇଥିଲା। ସଚିବାଳୟରେ ପ୍ରବେଶ ପଥରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ମୁଣ୍ଡିଆ ମାରି ପ୍ରବେଶ କରିଥିଲେ। ପରେ ତୃତୀୟ ମହଲାରେ ଥିବା କାର୍ଯ୍ୟାଳୟ କାମ ଆରମ୍ଭ କରିଥିଲେ। 

ଗତ ଜୁନ୍‌ ୧୨ ତାରିଖରେ ମୁଖ୍ୟମନ୍ତ୍ରୀ  ଭାବେ ଶପଥ ନେଇଥିଲେ ଶ୍ରୀ ମାଝୀ ।  ଶପଥ ଗ୍ରହଣ ପରେ ତତ୍କାଳ ସେଇ  ସନ୍ଧ୍ୟାରେ ହିଁ ସଚିବାଳୟରେ କ୍ୟାବିନେଟ  ବୈଠକ କରିଥିଲେ ମୁଖ୍ୟମନ୍ତ୍ରୀ ଶ୍ରୀ ମାଝୀ ।  ମାତ୍ର ସଚିବାଳୟରେ ତାଙ୍କ କାର୍ଯ୍ୟାଳୟ  ପ୍ରସ୍ତୁତ ହୋଇନଥିବାରୁ ମୁଖ୍ୟମନ୍ତ୍ରୀ ଶ୍ରୀ  ମାଝୀ ରାଜ୍ୟ ଅତିଥି ଭବନରୁ ନିୟମିତ  କାର୍ଯ୍ୟ ଚଳାଇଥିଲେ । ରାଜ୍ୟ ଅତିଥି ଭବନ  ପାଲଟିଥିଲା ମୁଖ୍ୟମନ୍ତ୍ରୀଙ୍କ ଅସ୍ଥାୟୀ କାର୍ଯ୍ୟାଳୟ ।  ସେଠାରେ ନିୟମିତ ବିଭିନ୍ନ ବୈଠକ କରୁଥିଲେ  ମୁଖ୍ୟମନ୍ତ୍ରୀ । ପ୍ରତିଦିନ ଶହଶହ ଲୋକେ  ମୁଖ୍ୟମନ୍ତ୍ରୀଙ୍କୁ ଭେଟି ସମସ୍ୟା ବି ଜଣାଉଥିଲେ। ୨୨ ଦିନ ପରେ  ଆଜିଠୁ ନିୟମିତ ଭାବେ ସଚିବାଳୟର ତୃତୀୟ ମହଲାରୁ କାର୍ଯ୍ୟ କରିବେ ମୁଖ୍ୟମନ୍ତ୍ରୀ ।