ଦୁବାଇ, ୨୦/୦୨: ଚାମ୍ପିଅନ୍ସ ଟ୍ରଫିରେ ହାଇଭୋଲ୍ଟେଜ୍ ଲଢ଼େଇ। ଦ୍ବିତୀୟ ମ୍ୟାଚ୍ରେ ଭାରତ- ବାଂଲାଦେଶ ମୁହାଁମୁହିଁ । ଟିସ୍ ଜିତି ବ୍ୟାଟିଂ ନିଷ୍ପତ୍ତି ନେଲା ବାଂଲାଦେଶ। ବୋଲିଂ କରିବ ଟିମ୍ ଇଣ୍ଡିଆ। ଚାମ୍ପିଅନ୍ସ ଟ୍ରଫିରେ ଏକାସାଙ୍ଗରେ ଭାରତର ୭ ଖେଳାଳି ଡେବ୍ୟୁ କରିଛନ୍ତି। ଦର୍ଶକଙ୍କ ପାଇଁ ଏହି ମ୍ୟାଚ୍ ଭରପୁର ମନୋରଞ୍ଜନ ଯୋଗାଇବ । ସମଗ୍ର ବିଶ୍ୱର ନଜର ଭାରତର ଦୁଇ ଭେଟେରାନ ରୋହିତ ଶର୍ମା ଓ ବିରାଟ କୋହଲିଙ୍କ ଉପରେ ରହିଛି । ଉଭୟଙ୍କ ପ୍ରଦର୍ଶନ ଭଲ ରହିଲେ ଭାରତର ଟାଇଟଲ ସ୍ୱପ୍ନ ସଫଳ ହେବ ।
Our Playing XI for #BANvIND 👊
— BCCI (@BCCI) February 20, 2025
Updates ▶️ https://t.co/ggnxmdG0VK#TeamIndia |#ChampionsTrophy pic.twitter.com/pKwRfCt2MR
ପ୍ରାୟ ୭ ବର୍ଷ ପରେ ICC ଚାମ୍ପିଅନ୍ସ ଟ୍ରଫି ଖେଳାଯାଉଛି। ଏହି ଟୁର୍ଣ୍ଣାମେଣ୍ଟ ଶେଷ ଥର ପାଇଁ ୨୦୧୭ରେ ଖେଳାଯାଇଥିଲା । ଏପରି ପରିସ୍ଥିତିରେ, ଟିମ୍ ଇଣ୍ଡିଆର ବର୍ତ୍ତମାନର ଦଳରେ ବହୁତ କମ୍ ଖେଳାଳି ଅଛନ୍ତି ଯେଉଁମାନେ ପୂର୍ବରୁ ଚାମ୍ପିଅନ୍ସ ଟ୍ରଫି ଖେଳିଛନ୍ତି । ଶୁଭମନ ଗିଲ, ଶ୍ରେୟସ ଆୟର, କେଏଲ ରାହୁଲ, ହାର୍ଦ୍ଦିକ ପାଣ୍ଡ୍ୟା, ମହମ୍ମଦ ଶାମି, ଅର୍ଶଦୀପ ସିଂହ, ଅକ୍ଷର ପଟେଲ, ଏମାନେ ସମସ୍ତେ ଚାମ୍ପିଅନ୍ସ ଟ୍ରଫିରେ ଡେବ୍ୟୁ କରିଛନ୍ତି ।
ଟସ୍ ଜିତିଲେ ଫିଲ୍ଡିଂ: ଦୁବାଇ ଅନ୍ତର୍ଜାତୀୟ ଷ୍ଟାଡ଼ିୟମ୍ର ପିଚ୍କୁ ନେଇ ପୂର୍ବାନୁମାନ କରିବା କଷ୍ଟକର । ତଥାପି ପିଚ୍ ସାମାନ୍ୟ ମନ୍ଥର ରହିବା ଅନୁମାନ କରାଯାଉଛି । ଏଠାରେ ଖେଳାଯାଇଥିବା ମୋଟ୍ ୫୮ଟି ଦିନିକିଆରୁ ମାତ୍ର ୪ଟି ମ୍ୟାଚ୍ରେ ୩୦୦ରୁ ଊଦ୍ଧ୍ୱର୍ ରନ ସଂଗୃହୀତ ହୋଇଛି । ଗତ ଆଇଏଲ ଟି-ଟ୍ୱେଣ୍ଟି ସମୟରେ ଏହି ଗ୍ରାଉଣ୍ଡ୍ରେ କିଛି ମ୍ୟାଚ୍ ଖେଳାଯାଇଥିଲା । ୨ ସପ୍ତାହ ମଧ୍ୟରେ ପିଚ୍କୁ ଦିନିକିଆ ଉପଯୋଗୀ କରାଯାଇଥିବା କ୍ୟୁରେଟର ଦାବି କରିଛନ୍ତି । ପାକିସ୍ତାନର ପିଚ୍ ତୁଳନାରେ ଦୁବାଇ ପିଚ୍ ଅପେକ୍ଷାକୃତ ମନ୍ଥର ରହିବ । ଫଳରେ ସ୍ପିନରମାନେ ପିଚ୍ର ଫାଇଦା ଉଠାଇ ପାରିବେ ।
ଭାରତ: ରୋହିତ ଶର୍ମା(ଅଧିନାୟକ), ଶୁଭମନ ଗିଲ୍, ବିରାଟ କୋହଲି, ଶ୍ରେୟାସ ଆୟର, କେଏଲ ରାହୁଲ, ହାର୍ଦ୍ଦିକ ପାଣ୍ଡ୍ୟା, ରବିନ୍ଦ୍ର ଜାଡେଜା, ଅକ୍ଷର ପଟେଲ, କୁଲଦୀପ ଯାଦବ, ମହମ୍ମଦ ସାମି, ଅର୍ଶଦୀପ ସିଂହ ।
ବାଂଲାଦେଶ: ତନଜିଦ ହାସାନ, ସୌମ୍ୟ ସରକାର, ନଜମୁଲ ହୋସେନ ଶାନ୍ତୋ(ଅଧିନାୟକ), ତୌହିଦ ହୃଦୟ, ମୁସଫିକର ରହିମ, ଜାକର ଅଲ୍ଲୀ, ମେହଦି ହାସାନ ମିରାଜ,ରିଶଦ ହୋସେନ, ଟସ୍କିନ ଅହମ୍ମଦ, ତଜିମ ହସନ, ମୁସ୍ତାଫିଜୁର ରେହମାନ ।
