ନୂଆଦିଲ୍ଲୀ,୬/୭: ଇରାନର ରାଷ୍ଟ୍ରପତି ନିର୍ବାଚନର ଆସିଲା ଫଳାଫଳ।  ରାଷ୍ଟ୍ରପତି ନିର୍ବାଚନରେ ସଂସ୍କାରବାଦୀ ମସୁଦ ପେଜେଶକିଆନ୍ ବିଜୟୀ ହୋଇଛନ୍ତି । ସେ ମୌଳିକବାଦୀ ବିବେଚିତ ପ୍ରାର୍ଥୀ  ସଇଦ ଜଲିଲଙ୍କୁ ଏହି ନିର୍ବାଚନରେ ପରାସ୍ତ କରିଛନ୍ତି । ଏହି ନିର୍ବାଚନରେ ସେ ଇରାନକୁ ପାଶ୍ଚାତ୍ୟ ଦେଶ ସହ ଯୋଡିବାକୁ ପ୍ରତିଶୃତି ଦେଇଛନ୍ତି। ଯାହା ଦଶନ୍ଧି ଧରି ଆମେରିକାର ନେତୃତ୍ବ ସହ ବିବାଦ କରିଆସୁଛି। 

ମସୁଦଙ୍କୁ ବର୍ତ୍ତମାନ ୬୯ ବର୍ଷ ବୟସ ହୋଇଥିବା ବେଳେ ଜଲିଲଙ୍କୁ ୫୮ ବର୍ଷ  । ଏହି ନିର୍ବାନରେ ମସୁଦଙ୍କୁ ୧୬.୩ ମିଲିୟନ ଭୋଟ ମିଳିଥିବା ବେଳେ ଜଲିଲଙ୍କୁ ୧୩.୫ ମିଲିୟନ ଭୋଟ୍ ମିଳିଥିବା କର୍ତ୍ତୃପକ୍ଷଙ୍କ ପକ୍ଷରୁ କୁହାଯାଇଛି ।ଇବ୍ରାହିମ ରଇସୀଙ୍କ ହେଲିକପ୍ଟର ଦୁର୍ଘଟଣାରେ ମୃତ୍ୟୁ ପରେ ହୋଇଥିବା ନିର୍ବାଚନରେ କଠୋରପନ୍ଥୀଙ୍କ ହାର ହୋଇଛି । ଅନ୍ୟପକ୍ଷରେ ଦେଶରେ ଉଦାରବାଦୀ ସରକାର ଆରମ୍ଭ ହେବ । ମସୁଦ ପେଜେଶକିୟାନ ଦେଶର ପରବର୍ତ୍ତୀ ରାଷ୍ଟ୍ରପତି ହୋଇଛନ୍ତି। ସେ ଦେଶକୁ ପଶ୍ଚିମ ସହିତ ଯୋଡ଼ିବାକୁ ପ୍ରତିଶ୍ରୁତି ଦେଇଛନ୍ତି । ମସୁଦ ପେଜେଶକିୟାନ ବୃତ୍ତିରେ ଜଣେ ହାର୍ଟ ସର୍ଜନ ହୋଇଥିବା ବେଳେ ସେ ଦୀର୍ଘ ସମୟ ଧରି ସାଂସଦ ରହିଆସିଥିଲେ । ମସୁଦଙ୍କ ବିଜୟ ପରେ ତାଙ୍କ ସମର୍ଥକମାନେ ଖୁସି ମନାଇଛନ୍ତି ।