ନୂଆଦିଲ୍ଲୀ : କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ (ସିବିଏସଇ) ୨୦୨୬ ଶିକ୍ଷାବର୍ଷରୁ ୧୦ଶ୍ରେଣୀ ପାଇଁ ଦୁଇ ଥର ବୋର୍ଡ ପରୀକ୍ଷା ଆୟୋଜନ କରିବାକୁ ଯୋଜନା କରୁଛି। ନ୍ୟୁଜ୍ ଏଜେନ୍ସି ପିଟିଆଇ ଅନୁସାରେ , ବୋର୍ଡ ୨୦୨୬ ରୁ ୧୦ମ ଶ୍ରେଣୀର ବୋର୍ଡ ପରୀକ୍ଷା ବର୍ଷକରେ ଦୁଇ ଥର ଆୟୋଜିତ କରିବାକୁ ପ୍ରସ୍ତାବିକ ନୀତିକୁ ମଞ୍ଜୁରୀ ଦେଇଛି। ଏହି ମାନଦଣ୍ଡ (ଡ୍ରାଫ୍ଟ ନର୍ମ )ଏବେ ସାର୍ବଜନିକ ଡୋମେନରେ ରଖାଯିବ ଏବଂ ହିତାଧିକାରୀ ୯ ମାର୍ଚ୍ଚ ସୁଦ୍ଧା ନିଜର ପ୍ରତିକ୍ରିୟା ଦେଇ ପାରିବେ , ଯାହା ପରେ ନୀତିକୁ ଅନ୍ତିମ ରୂପ ଦିଆଯିବ।
ଅଫିସିଆଲି ବିଜ୍ଞପ୍ତି ଅନୁସାରେ , ଦ୍ୱିବାର୍ଷିକ ପରୀକ୍ଷା ୨୦୨୬ରେ ଆରମ୍ଭ ହେବ , ପ୍ରଥମ ପରୀକ୍ଷା ୧୭ ଜାନୁଆରୀରୁ ୬ ମାର୍ଚ୍ଚ ଯାଏ ଅନୁଷ୍ଠିତ ହେବ।
ପ୍ରସ୍ତୁତ ମାନଦଣ୍ଡ ଅନୁସାରେ , ପରୀକ୍ଷାର ପ୍ରଥମ ପର୍ଯ୍ୟାୟ ୧୭ ଫେବ୍ରୁଆରୀରୁ ୬ ମାର୍ଚ୍ଚ ଯାଏ ଆୟୋଜିତ କରାଯିବ ଏବଂ ୨ୟ ପର୍ଯ୍ୟାୟ ୫ରୁ ୨୦ ମେ ଯାଏ ଅନୁଷ୍ଠିତ ହେବ।
ପ୍ରସ୍ତାବିତ ଯୋଜନାର ମୁଖ୍ୟ ବିଶେଷତ୍ୱ-
୧- ୧୦ମ ଶ୍ରେଣୀ ଓ ୧୨ ମ ପରୀକ୍ଷା ୧୫ ଫେବ୍ରୁଆରୀ ପରେ ପ୍ରଥମ ମଙ୍ଗଳବାରକୁ ଆରମ୍ଭ ହେବ।
୨- ଏହା ଆଶା କରାଯାଉଛି କି ବର୍ଷ ୨୦୨୬ରେ ୧୦ ଶ୍ରେଣୀରେ ପାଖାପାଖି ୨୬.୬୦ ଲକ୍ଷ ଛାତ୍ରଛାତ୍ରୀ ଓ ୧୨ରେ ପାଖାପାଖି ୨୦ ଲକ୍ଷ ଛାତ୍ରଛାତ୍ରୀ ପରୀକ୍ଷାରେ ସାମିଲ ହେବେ।
୩- ଉଭୟ ପରୀକ୍ଷା ପୂର୍ଣ୍ଣ ବର୍ତ୍ତମାନ ପାଠ୍ୟକ୍ରମ ଓ ପାଠ୍ୟ –ପୁସ୍ତକ ଗୁଡ଼ିକ ଉପରେ ଆଧାରିତ ହେବ।
୪- ବିଜ୍ଞାନ , ଗଣିତ , ସାମାଜିକ ବିଜ୍ଞାନ , ହିନ୍ଦୀ, ଇଂରାଜୀକୁ ଛାଡ଼ି ଅନ୍ୟ ବିଷୟକୁ ନିମ୍ନଲିଖିତ ଉପାୟରେ ଗ୍ରୁପ୍ କରାଯାଇଛି –
-ଗୋଟିଏ ଗ୍ରୁପ୍ରେ ଆଞ୍ଚଳିତ ଓ ବିଦେଶୀ ଭାଷା ରହିବ ।
- ଗୋଟିଏ ଗ୍ରୁପ୍ରେ ଅନ୍ୟ ବିଷୟ ରହିବ ।
୫ –ବିଜ୍ଞାନ , ଗଣିତ , ସାମାଜିକ ବିଜ୍ଞାନ , ହିନ୍ଦୀ ଏବଂ ଇଂରାଜୀର ପରୀକ୍ଷା ଏକ ନିର୍ଦ୍ଦିଷ୍ଟ ଦିନରେ ଆୟୋଜିତ କରାଯିବ।
୬-ଆଞ୍ଚଳିକ ଓ ବିଦେଶୀ ଭାଷା ଗୁଡ଼ିକର ପରୀକ୍ଷା ଗୋଟିଏ ହିଁ ଦିନରେ ଥରକରେ କରାଯିବ।
୭- ଅବଶିଷ୍ଟ ବିଷୟ ଗୁଡ଼ିକର ପରୀକ୍ଷା ବିଦ୍ୟାର୍ଥୀଙ୍କ ପସନ୍ଦ ଆଧାରରେ ୨ ବା ୩ ଦିନରେ ୨ରୁ ୩ ଥର ଆୟୋଜିତ କରାଯିବ।
